ಟುಲಿಪ್‌ನಗರಿಯತ್ತ ಬಾಲಿವುಡ್‌ ಚಿತ್ತ

ಶ್ರೀನಗರದ ಫುಲ್ವಾಮಾದಲ್ಲಿ ನಡೆದ ದಾಳಿಯ ನಂತರವೂ ಟುಲಿಪ್‌ಗಳ ನಗರದತ್ತ ಪ್ರವಾಸಿಗರ ಆಕರ್ಷಣೆಯೇನೂ ಕಡಿಮೆಯಾಗಿಲ್ಲ. ಈ ತಿಂಗಳ ಅಂತ್ಯದಲ್ಲಿ ಟುಲಿಪ್‌ ಅರಳಿ, ಇಡೀ ಕಣಿವೆ ಹೂಗಳಿಂದ ನಳನಳಿಸಲಾರಂಭಿಸುತ್ತದೆ. ಈ ಸಮಯಕ್ಕಾಗಿಯೇ ಕಾಯುವ ಸಿನಿಮಾ ತಯಾರಕರು, ಫೋಟೊಗ್ರಫಿಗೆಂದೇ ಬರುವ ಪ್ರವಾಸಿಗರ ಸಂಖ್ಯೆ ಹೆಚ್ಚಾಗಿರುತ್ತದೆ. ಭಯೋತ್ಪಾದನೆಯ ದಾಳಿಗಳಾಗಲೀ, ಅಲ್ಲಿಯ ಘಟನೆಗಳಾಗಲೀ ಇವರ ಉತ್ಸಾಹದ ಮೇಲೆ ಯಾವುದೇ ಪರಿಣಾಮ ಬೀರಿಲ್ಲ ಎಂದು ಜಮ್ಮು ಮತ್ತು ಕಾಶ್ಮೀರ ಪ್ರವಾಸೋದ್ಯಮ ಇಲಾಖೆ ಸ್ಪಷ್ಟ ಪಡಿಸಿದೆ.