PHOTOS| ಫಿಲಿಪ್ಪೀನ್ಸ್‌ನಲ್ಲಿ ಜ್ವಾಲಾಮುಖಿ ಅಟ್ಟಹಾಸಕ್ಕೆ ಊರಿಗೆ ಊರೇ ಖಾಲಿ

ಫಿಲಿಪೈನ್‌ನಲ್ಲಿ ಜ್ವಾಲಾಮುಖಿಯ ಅಟ್ಟಹಾಸ ಮೇರೆ ಮೇರಿದೆ. ರಾಜಧಾನಿ ಮನಿಲಾ ಸಮೀಪದ, ಬಟಂಗಾ ಪ್ರಾಂತ್ಯದ ತಾಲ್‌ ಜ್ವಾಲಾಮುಖಿಯಿಂದ ಹಾರುತ್ತಿರುವ ಬೂದಿಯ ಮೋಡಗಳು ಸುತ್ತಮುತ್ತ ಪ್ರದೇಶಗಳನ್ನು ಆವರಿಸಿದೆ. ಹೀಗಾಗಿ ಜನರು ನಿರಾಶ್ರಿತ ಕೇಂದ್ರಗಳತ್ತ ಧಾಂಗುಡಿ ಇಟ್ಟಿದ್ದಾರೆ. ಈ ವರೆಗೆ 1.25 ಲಕ್ಷ ಮಂದಿಯನ್ನು ನಿರಾಶ್ರಿತರ ಶಿಬಿರಗಳಿಗೆ ಸ್ಥಳಾಂತರಿಸಲಾಗಿದೆ. ಊರಿಗೂರೇ ಖಾಲಿಯಾಗುತ್ತಿದೆ. ಜ್ವಾಲಾಮುಖಿ ಚಿಮ್ಮುತ್ತಿರುವ ಬೆಟ್ಟದ ಸುತ್ತಲ ಕೆರೆಗಳಲ್ಲಿ ನೀರು ಖಾಲಿಯಾಗುತ್ತಿದೆ. ಲಕ್ಷಗಳ ಸಂಖ್ಯೆಯಲ್ಲಿಮೀನುಗಳ ಸಾಯುತ್ತಿವೆ. ಬೂದಿಯಿಂದಾಗಿ ಜನರಿಗೆ ಉಸಿರಾಟದ ತೊಂದರೆಗಳು ಕಾಣಿಸಿಕೊಂಡಿವೆ.