Photos: 20 ವರ್ಷಗಳ ಬಳಿಕ ಅಘ್ಗಾನಿಸ್ತಾನ ತೊರೆದ ಅಮೆರಿಕ ಪಡೆ; ಸಂಭ್ರಮಾಚರಿಸಿದ ತಾಲಿಬಾನ್

ಅಫ್ಗಾನಿಸ್ತಾನದಲ್ಲಿ ಅಮೆರಿಕ ಪಡೆಗಳ ಸುದೀರ್ಘ ಯುದ್ಧವನ್ನು ಕೊನೆಗೊಳಿಸಿ ಯುಎಸ್ ಸೈನ್ಯವನ್ನು ಹಿಂತೆಗೆದುಕೊಂಡ ಕೆಲವು ಗಂಟೆಗಳ ನಂತರ ತಾಲಿಬಾನ್ ಮಂಗಳವಾರ ಕಾಬೂಲ್‌ನ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವಿಜಯೋತ್ಸವ ಆಚರಿಸಿತು. ಟಾರ್ಮ್ಯಾಕ್ ಮೇಲೆ ನಿಂತು, ತಾಲಿಬಾನ್ ನಾಯಕರು ದೇಶವನ್ನು ಸುರಕ್ಷಿತಗೊಳಿಸಲು, ವಿಮಾನ ನಿಲ್ದಾಣವನ್ನು ಶೀಘ್ರವಾಗಿ ತೆರೆಯಲು ಮತ್ತು ಮಾಜಿ ವಿರೋಧಿಗಳಿಗೆ ಕ್ಷಮಾದಾನ ನೀಡುವ ಭರವಸೆ ನೀಡಿದರು. ಅಮೆರಿಕ ಪಡೆಗಳು ವಾಪಸಾದ ಬಳಿಕ ಕಾಬೂಲ್‌ ವಿಮಾನ ನಿಲ್ದಾಣದ ರನ್‌ವೇಯಲ್ಲಿ ನಡೆಯುವ ಮೂಲಕ ತಾಲಿಬಾನ್ ನಾಯಕರು ಸಾಂಕೇತಿಕವಾಗಿ ವಿಜಯೋತ್ಸವ ಆಚರಿಸಿದ್ದಾರೆ. ಸಮವಸ್ತ್ರದಲ್ಲಿದ್ದ ತಾಲಿಬಾನ್ ಕಮಾಂಡೋಗಳು ಹೆಮ್ಮೆಯಿಂದ ಫೋಟೋಗಳಿಗೆ ಪೋಸ್ ನೀಡಿದರು.