ನವದೆಹಲಿ: ಸಲಿಂಗ ವಿವಾಹ ಮಾಡಿಕೊಂಡ ವ್ಯಕ್ತಿ ತನ್ನ ವಿದೇಶಿ ಸಂಗಾತಿಗೆ ಭಾರತದ ಪೌರತ್ವಕ್ಕೆ ಅರ್ಜಿ ಸಲ್ಲಿಸುವ ಕುರಿತ ಅರ್ಜಿಯೊಂದರ ಬಗ್ಗೆ ದೆಹಲಿ ಹೈಕೋರ್ಟ್ ಮಂಗಳವಾರ ಕೇಂದ್ರ ಸರ್ಕಾರ ಮತ್ತು ನ್ಯೂಯಾರ್ಕ್‌ನ ಕಾನ್ಸುಲೇಟ್ ಜನರಲ್ ಆಫ್ ಇಂಡಿಯಾಗೆ ವಿವರಣೆ ಕೇಳಿ ನೋಟಿಸ್ ನೀಡಿದೆ.
ಭಾರತದ ಪೌರತ್ವ ಹೊಂದಿರುವ ಅನಿವಾಸಿ ಭಾರತೀಯ ವ್ಯಕ್ತಿ, ಸಲಿಂಗ ವಿವಾಹವಾದ ಬಳಿಕ ಸಂಗಾತಿಗೂ ಕೂಡ ದೇಶದ ಪೌರತ್ವ ಪಡೆಯಲು ಬಯಸಿದ್ದು, ಈ ಕುರಿತು ಅರ್ಜಿ ಸಲ್ಲಿಸಿದ್ದಾರೆ.
ಆದರೆ ಸಲಿಂಗಿ ದಂಪತಿಯ ವಿವಾಹ ಊರ್ಜಿತಗೊಳಿಸುವುದು ಮತ್ತು ಅನಿವಾಸಿ ಭಾರತೀಯ ಪೌರತ್ವ ನೀಡಿಕೆ ಕುರಿತು ಹೈಕೋರ್ಟ್ ವಿವರಣೆ ಬಯಸಿದೆ.
ಸಂವಿಧಾನದ 14, 15, 19 ಮತ್ತು 21ನೇ ವಿಧಿಯ ಪ್ರಕಾರ ಸಲಿಂಗ ವಿವಾಹಕ್ಕೆ ಮಾನ್ಯತೆ ಕೋರಿ ಅರ್ಜಿ ಸಲ್ಲಿಸಲಾಗಿದೆ.
