ದೇಶದ ರಸ್ತೆ ಸುರಂಗಗಳಿವು

ಹಿಮಾಚಲ ಪ್ರದೇಶ ರೋಹತಾಂಗ್ ಪಾಸ್‌ನ ತಳಭಾಗದಲ್ಲಿ ಈ ಸುರಂಗವನ್ನು ನಿರ್ಮಿಸಲಾಗಿದೆ. ಹಿಮಾಚಲ ಪ್ರದೇಶದ ಮನಾಲಿಯಿಂದ ಲಡಾಖ್‌ನ ಲೇಹ್‌ ನಡುವಣ ಹೆದ್ದಾರಿಯಲ್ಲಿ ಇದು ಸಿಗುತ್ತದೆ. ಎರಡೂ ನಗರಗಳ ನಡುವಣ ಪ್ರಯಾಣದ ಅವಧಿಯಲ್ಲಿ 3-4 ತಾಸು ಮತ್ತು ಅಂತರದಲ್ಲಿ 45 ಕಿ.ಮೀ.ನಷ್ಟು ಕಡಿಮೆಯಾಗುತ್ತದೆ. ಎರಡೂ ನಗರಗಳ ನಡುವೆ ಸರ್ವಋತು ರಸ್ತೆ ಸಂಪರ್ಕವನ್ನು ಸಾಧಿಸಲು ನೆರವಾಗಿದೆ.

9.02 ಕಿ.ಮೀ. ಸುರಂಗದ ಉದ್ದ

ಇದನ್ನೂ ಓದಿ:ಒಳನೋಟ| ಸರಕು ಮಾರ್ಗಕ್ಕೆ ಸುರಂಗ

***

ಶ್ಯಾಮ ಪ್ರಸಾದ್ ಮುಖರ್ಜಿ ಸುರಂಗ

ಜಮ್ಮು ಮತ್ತು ಶ್ರೀನಗರದ ನಡುವಣ ರಾಷ್ಟ್ರೀಯ ಹೆದ್ದಾರಿ 44ರಲ್ಲಿ ಈ ಸುರಂಗ ಮಾರ್ಗವಿದೆ. ದೇಶದ ಅತ್ಯಂತ ಉದ್ದದ ಸುರಂಗ ಎನಿಸಿದೆ. ಎರಡೂ ನಗರಗಳ ನಡುವೆ 30 ಕಿ.ಮೀ.ನಷ್ಟು ಅಂತರವನ್ನು ಹಾಗೂ ಪ್ರಯಾಣದ ಸಮಯದಲ್ಲಿ 2 ತಾಸಿನಷ್ಟು ಇಳಿಕೆಯಾಗಲು ನೆರವಾಗಿದೆ.

9.28 ಕಿ.ಮೀ. ಸುರಂಗದ ಉದ್ದ

ಇದನ್ನೂ ಓದಿ:ಸುರಂಗ ಮಾರ್ಗ ಬದಲಿಗೆ ಇದ್ದ ರಸ್ತೆ ವಿಸ್ತರಿಸಿದ್ದರೆ ಸಾಕಿತ್ತು: ಪರಿಸರ ಪ್ರಿಯರು

***

ಜವಾಹರ್ ಸುರಂಗ

ಜಮ್ಮು-ಕಾಶ್ಮೀರದ ಬನಿಹಾಲ್ ಪಾಸ್‌ನ ಬಳಿ ಇದನ್ನು ನಿರ್ಮಿಸಲಾಗಿದೆ. 1956ರಿಂದ ಈ ಸುರಂಗ ಬಳಕೆಯಲ್ಲಿ ಇದೆ. ಶ್ರೀನಗರ ಮತ್ತು ಜಮ್ಮು ಮಧ್ಯೆ ಸರ್ವಋತು ಸಂಪರ್ಕವನ್ನು ಸಾಧಿಸಲು ನಿರ್ಮಿಸಲಾದ ಮೊದಲ ಸುರಂಗವಿದು.

2.85 ಕಿ.ಮೀ. ಸುರಂಗ ಉದ್ದ

***

ಛತ್ತರ್‌ಗಲಾ ಸುರಂಗ

ಈ ಸುರಂಗವು ಜಮ್ಮು-ಕಾಶ್ಮೀರ ಕೇಂದ್ರಾಡಳಿತ ಪ್ರದೇಶದ ದೋಡಾ ಮತ್ತು ಕಠುವಾ ಜಿಲ್ಲೆಗಳ ಮಧ್ಯೆ ಸಂಪರ್ಕ ಕಲ್ಪಿಸುತ್ತದೆ. ಈ ಸುರಂಗದ ಕಾಮಗಾರಿ ನಡೆಯುತ್ತಿದೆ. ಕಾಮಗಾರಿಯು 4 ವರ್ಷಗಳಲ್ಲಿ ಪೂರ್ಣಗೊಳ್ಳುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಛತ್ತರ್‌ಗಲಾವನ್ನು ಹಾದುಬರುವ ಹೆದ್ದಾರಿಯು ಪಂಜಾಬ್‌ನ ಲಖನ್‌ಪುರ ಜಿಲ್ಲೆಗೂ ಸಂಪರ್ಕ ಕಲ್ಪಿಸುತ್ತದೆ.

6.8 ಕಿ.ಮೀ. ಸುರಂಗದ ಉದ್ದ

***

ಝಮೋರ್‌ ಸುರಂಗ

ಕಾಶ್ಮೀರದ ಶ್ರೀನಗರ ಮತ್ತು ಲಡಾಖ್‌ನ ಕಾರ್ಗಿಲ್‌ ನಡುವಣ ಹೆದ್ದಾರಿಯಲ್ಲಿ ಈ ಸುರಂಗವನ್ನು ನಿರ್ಮಿಸಲಾಗುತ್ತಿದೆ. ಶ್ರೀನಗರ ಮತ್ತು ಕಾರ್ಗಿಲ್‌ ಮಧ್ಯೆ ವರ್ಷಪೂರ್ತಿ ರಸ್ತೆ ಸಂಪರ್ಕವನ್ನು ಸಾಧಿಸಲು ಇದು ನೆರವಾಗುತ್ತದೆ. ಪಾಕ್‌ ಆಕ್ರಮಿತ ಕಾಶ್ಮೀರ ಮತ್ತು ಕಾಶ್ಮೀರದ ನಡುವಣ ಗಡಿ ನಿಯಂತ್ರಣಾ ರೇಖೆಗೆ (ಎಲ್‌ಒಸಿ) ಸೇನಾ ವಾಹನಗಳು ಓಡಾಟಕ್ಕೆ ಅನುಕೂಲವಾಗಲಿದೆ.

6.5 ಕಿ.ಮೀ. ಸುರಂಗದ ಉದ್ದ

***

ಜೊಜಿಲಾ ಪಾಸ್‌ ಸುರಂಗ

ಶ್ರೀನಗರ-ಕಾರ್ಗಿಲ್-ಲೇಹ್‌ ಮಾರ್ಗದಲ್ಲಿ ಬರುವ ಜೊಜಿಲಾ ಪಾಸ್‌ನ ಅಡಿಯಲ್ಲಿ ಈ ಸುರಂಗವನ್ನು ನಿರ್ಮಿಸಲಾಗುತ್ತಿದೆ. ಈ ಮಾರ್ಗದಲ್ಲಿ ವರ್ಷಪೂರ್ತಿ ರಸ್ತೆ ಸಂಪರ್ಕವನ್ನು ಸಾಧಿಸಲು ಇದು ನೆರವಾಗುತ್ತದೆ. ಲಡಾಖ್‌ನ ಪೂರ್ವ ಭಾಗಗಳಿಗೆ ಸೇನಾ ವಾಹನಗಳನ್ನು ತ್ವರಿತವಾಗಿ ಕಳುಹಿಸಲೂ ಈ ಸುರಂಗವು ನೆರವಾಗಲಿದೆ.

14.2 ಕಿ.ಮೀ. ಸುರಂಗದ ಉದ್ದ

***