ಡರ್ಟ್‌ ಬೈಕ್‌ ರಸ್ತೆಗಲ್ಲ; ರೇಸ್‌ಗೆ..!

ಸೂಪರ್ ಬೈಕ್ ಸವಾರಿ ಅಂದರೆ ಉಸಿರು ಬಿಗಿ ಹಿಡಿಯುವ ಅನುಭವ. ಡರ್ಟ್ ಬೈಕ್ಗಳ ಸವಾರಿ ಇನ್ನೂ ರೋಚಕ! ಸವಾರಿ ಮಾಡುವುದಷ್ಟೇ ಅಲ್ಲ, ಅದನ್ನು ನೋಡುವವರ ಮೈಮನವೂ ಒಂದು ಕ್ಷಣ ರೋಮಾಂಚನದಿಂದ ಕಂಪಿಸುತ್ತದೆ! ಇಂಥ ರೋಚಕ ಅನುಭವ ನೀಡಬಲ್ಲ ಬೈಕ್ಗಳನ್ನು ರೂಪಿಸಿದೆ ಸುಜುಕಾ ಮೊಟರ್ ಸೈಕಲ್ ಕಂಪೆನಿ. 2000ರಲ್ಲಿ ಸ್ಥಾಪನೆಯಾದ ಗುಜರಾತ್ ಮೂಲದ ಸುಜುಕಾ, ಎಟಿವಿ ಹಾಗೂ ಆಫ್ ರೋಡ್ ಮೋಟೊ ಕ್ರಾಸ್ ವಿಭಾಗದಲ್ಲಿ ವಾಹನ ತಯಾರಿಕಾ ವ್ಯಾಪಾರಕ್ಕೆ ಇಳಿದಿದ್ದು 2005ರಲ್ಲಿ. ಇದೀಗ ಜಪಾನ್ ಎಂಜಿನಿಯರಿಂಗ್ ಸಹಯೋಗದೊಂದಿಗೆ ತಲಾ ಮೂರು ಡರ್ಟ್ ಬೈಕ್ ಹಾಗೂ ಎಟಿವಿಗಳನ್ನು ಭಾರತದಲ್ಲಿ ಪರಿಚಯಿಸಿದೆ.

ಡರ್ಟ್ ಬೈಕ್ಗಳು ರಸ್ತೆಗಲ್ಲ. ಇವುಗಳನ್ನು ಸಾರ್ವಜನಿಕ ರಸ್ತೆಗಳಲ್ಲಿ ಓಡಿಸುವಂತಿಲ್ಲ. ಪ್ರಾದೇಶಿಕ ಸಾರಿಗೆ ಕಚೇರಿಯಲ್ಲಿ (ಆರ್ಟಿಒ) ಇವುಗಳನ್ನು ನೋಂದಾಯಿಸಲೂ ಆಗದು. ಡರ್ಟ್ ರೇಸ್ ಟ್ರಾಕ್ಗಳಲ್ಲಿ ಹಾಗೂ ರಸ್ತೆಗಳಿಲ್ಲದೆಡೆ ಸವಾರಿಗಾಗಿ ಇವನ್ನು ರೂಪಿಸಲಾಗುತ್ತದೆ. ಇನ್ನಷ್ಟು ಸರಳೀಕ ರಿಸಿ ಹೇಳುವುದಾದರೆ, ಮಣ್ಣು– ಕೆಸರು ತುಂಬಿದ ರಸ್ತೆಗಳಲ್ಲಿ, ಗದ್ದೆಗಳಲ್ಲಿ ಓಡಿಸಲು ಸೂಕ್ತ ಎನ್ನಬಹುದು.

ಭಾರತದಲ್ಲಿ ಡರ್ಟ್ ಬೈಕ್ ಪ್ರೇಮಿಗಳ ಸಂಖ್ಯೆ ಸೂಪರ್ ಬೈಕ್ನಷ್ಟಿಲ್ಲ ಎನ್ನಬಹುದು. ಆದರೆ ಮಾರುಕಟ್ಟೆ ನಿಧಾನವಾಗಿ ಬೆಳೆಯುತ್ತಿದೆ. ಇದೀಗ ಸುಜುಕಾ, ಎಸ್ಆರ್ಎಂ 250ಎಸಿ, ಎಸ್ಆರ್ಎಂ 250ಡಬ್ಲ್ಯುಸಿ ಮತ್ತು ಎಸ್ಆರ್ಎಂ 250 ಎಂಬ ಮೂರು ಡರ್ಟ್ ಬೈಕ್ಗಳನ್ನು ಹೊರ ತಂದಿದೆ. ಈ ಮೂರು ಬೈಕ್ಗಳ ಎಂಜಿನ್ ಸಾಮರ್ಥ್ಯ 250ಸಿಸಿ.

ಎಸ್ಆರ್ಎಂ 250ಎಸಿ ಇದು 250 ಸಿಸಿ ಬೈಕ್. ಏರ್ ಕೂಲ್ಡ್ ಎಂಜಿನ್ ಹೊಂದಿದೆ. ಎರಡು ವಾಲ್ವ್ಗಳ ಎಂಜಿನ್ ಇದಕ್ಕಿದ್ದು, ಗರಿಷ್ಠ 16.3 ಪಿಎಸ್ (7000 ಆರ್ಪಿಎಂ) ಶಕ್ತಿ ಹಾಗೂ 17.5 ಎನ್ಎಂ ಟಾರ್ಕ್ (5500) ಉತ್ಪಾದಿಸಬಲ್ಲದು. ಇದು ಸಾಮಾನ್ಯ ದ್ವಿಚಕ್ರ ವಾಹನದ ಭಾಗಗಳನ್ನೇ ಹೊಂದಿದೆ. ಪ್ರತಿ ಗಂಟೆಗೆ ಗರಿಷ್ಠ 120 ಕಿ.ಮೀ ವೇಗ ನೀಡುತ್ತದೆ ಎಂದು ಕಂಪೆನಿ ಹೇಳಿದೆ. ಬೆಲೆ ರೂ 3.4 ಲಕ್ಷ.

ಎಸ್ಆರ್ಎಂ 250 ಡಬ್ಲ್ಯುಸಿ ಇದು ಸಹ ಎಸ್ಆರ್ಎಂ 250 ಎಸಿ ಅಂತೆಯೇ 250ಸಿಸಿ ಎಂಜಿನ್ ಹೊಂದಿದ್ದರೂ ಗರಿಷ್ಠ 17 ಪಿಎಸ್ (7000) ಶಕ್ತಿ ಉತ್ಪಾದಿಸಬಲ್ಲ ಸಾಮರ್ಥ್ಯ ಹೊಂದಿದೆ. ಟಾರ್ಕ್ ಮಾತ್ರ ಅಷ್ಟೆ. ಲಿಕ್ವಿಡ್ ಕೂಲ್ಡ್ ಎಂಜಿನ್ ಇದಕ್ಕಿದೆ. ಜೊತೆಗೆ ಕಂಪೆನಿಯೇ ರೂಪಿಸಿರುವ ಅಪ್ಗ್ರೇಡ್ ಸಸ್ಪೆನ್ಷನ್ ಕಿಟ್ ಅವಳವಡಿಸಿಕೊಂಡಿದೆ. ಇದರ ಬೆಲೆ 3.45 ಲಕ್ಷ ರೂಪಾಯಿ.

ಎಸ್ಆರ್ಎಂ 250 ಇದು ಇತರ ಎರಡು ಬೈಕ್ಗಿಂತಲೂ ಶಕ್ತಿಯಲ್ಲಿ ಬಲಶಾಲಿ. ನೋಡಲು 250ಎಸಿ ಹಾಗೂ 250ಡಬ್ಲ್ಯುಸಿಯಂತೆ ಕಾಣುತ್ತದೆ. ಆದರೆ ಎಂಜಿನ್ ಸಾಮರ್ಥ್ಯ ಇದನ್ನು ಭಿನ್ನವಾಗಿ ನಿಲ್ಲಿಸುತ್ತದೆ. 250.1ಸಿಸಿ ಸಾಮರ್ಥ್ಯದ ಎಂಜಿನ್ ಲಿಕ್ವಿಡ್ ಕೂಲ್ಡ್ ಆಗಿದೆ. ನಾಲ್ಕು ವಾಲ್ವ್ಗಳ ಸಿಂಗಲ್ ಸಿಲಿಂಡರ್ ಗರಿಷ್ಠ 22 ಬಿಎಚ್ಪಿ ಶಕ್ತಿ ಹಾಗೂ 20 ಎನ್ಎಂ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಗರಿಷ್ಠ ವೇಗ ಪ್ರತಿ ಗಂಟೆಗೆ 135 ಕಿ.ಮೀ ಎಂದು ಕಂಪೆನಿ ಹೇಳಿದೆ. ಇದರ ಬೆಲೆ 3.65 ಲಕ್ಷ ರೂಪಾಯಿ (ತೆರಿಗೆಗಳು ಹೆಚ್ಚುವರಿ).

. ಸಮಾನ ಅಂಶಗಳು ಈ ಮೂರು ಬೈಕ್ಗಳಲ್ಲಿ ಅನೇಕ ಸಮಾನ ಅಂಶಗಳು ಅಡಕವಾಗಿವೆ. ಅದು ಎಂಜಿನ್ನ ಸಿಸಿಯಿಂದಲೇ ಶುರುವಾಗುತ್ತದೆ. ಮೂರರಲ್ಲೂ 250ಸಿಸಿ ಸಾಮರ್ಥ್ಯದ ಎಂಜಿನ್ಗಳಿವೆ. ಎಲ್ಲವೂ ಸುಜುಕಾ ವಿನ್ಯಾಸಗೊಳಿಸಿರುವ ಎಂಜಿನ್ಗಳನ್ನು ಹೊಂದಿವೆ. ಗೇರ್ ಬಾಕ್ಸ್ ಸಾಮರ್ಥ್ಯ ಮೂರು ಬೈಕ್ಗಳಲ್ಲಿ ಸಮಾನವಾಗಿದೆ – ಗರಿಷ್ಠ ಐದು ಗೇರ್ಗಳು. ಇಂಧನ ಟ್ಯಾಂಕ್ ಸಾಮರ್ಥ್ಯವೂ ಅಷ್ಟೇ – 6 ಲೀಟರ್. ಮುಂದೆ ಹಾಗೂ ಹಿಂದೆ ಡಿಸ್ಕ್ ಬ್ರೇಕ್ಗಳಿವೆ. ಎಲ್ಲವೂ ಎಲೆಕ್ಟ್ರಿಕ್ ಹಾಗೂ ಕಿಕ್ ಸ್ಟಾರ್ಟ್ ಸೌಲಭ್ಯ ಪಡೆದಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಡರ್ಟ್‌ ಬೈಕ್‌ ರಸ್ತೆಗಲ್ಲ; ರೇಸ್‌ಗೆ..!

ಚಿನಕುರುಳಿ Cartoon: 11 ಜುಲೈ 2025

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ: ಹೇಳಿಕೆ ದಾಖಲಿಸಿದ ದೂರುದಾರ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಲಾರ್ಡ್ಸ್‌ ಟೆಸ್ಟ್‌ನಲ್ಲಿ 5 ವಿಕೆಟ್ ಉರುಳಿಸಿದರೂ ಸಂಭ್ರಮಿಸದ ಬೂಮ್ರಾ: ಕಾರಣವೇನು?

ಲಾರ್ಡ್ಸ್‌ನಲ್ಲಿ 350ರ ಗಡಿ ದಾಟಿದ ಆಂಗ್ಲರು: ಭಾರತದ ಜಯದ ಹಾದಿ ಕಠಿಣ! ಕಾರಣವೇನು?

ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿಹೆಚ್ಚು ಕ್ಯಾಚ್: ದ್ರಾವಿಡ್ ದಾಖಲೆ ಮುರಿದ ಜೋ ರೂಟ್

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ: ಹೇಳಿಕೆ ದಾಖಲಿಸಿದ ದೂರುದಾರ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ