<p><strong>ಸಿಡ್ನಿ:</strong> ಸಿಡ್ನಿ ಕ್ರಿಕೆಟ್ ಮೈದಾನದಲ್ಲಿ ಶುಕ್ರವಾರ ಇಡೀ ದಿನ ಜಸ್ಪ್ರೀತ್ ಬೂಮ್ರಾ ಆಲ್ರೌಂಡ್ ಆಟವೇ ಕಂಗೊಳಿಸಿತು.</p>.<p>ಇಲ್ಲಿ ಆಸ್ಟ್ರೇಲಿಯಾ ಎ ಎದುರಿನ ಪಿಂಕ್ ಬಾಲ್ ಅಭ್ಯಾಸ ಪಂದ್ಯದಲ್ಲಿ ಬ್ಯಾಟಿಂಗ್ನಲ್ಲಿ ಮಿಂಚಿದ ಜಸ್ಪ್ರೀತ್ ಬೂಮ್ರಾ (ಔಟಾಗದೆ 55; 57ಎಸೆತ)ಬೌಲಿಂಗ್ನಲ್ಲಿ ತಮ್ಮ ನೈಜ ಸಾಮರ್ಥ್ಯ ಮೆರೆದರು.</p>.<p>ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಭಾರತ ತಂಡವು 48.3 ಓವರ್ಗಳಲ್ಲಿ 194 ರನ್ ಗಳಿಸಿ ಆಲೌಟ್ ಆಯಿತು. ಅದಕ್ಕುತ್ತರವಾಗಿ ಆಸ್ಟ್ರೇಲಿಯಾ ಎ ತಂಡವು 32.2 ಓವರ್ಗಳಲ್ಲಿ 108 ರನ್ ಗಳಿಸಿ ಎಲ್ಲ ವಿಕೆಟ್ ಕಳೆದುಕೊಂಡಿತು. ಮೊಹಮ್ಮದ್ ಶಮಿ (29ಕ್ಕೆ3) ಮತ್ತು ನವದೀಪ್ ಸೈನಿ (19ಕ್ಕೆ3) ಎದುರಾಳಿ ತಂಡದ ಬ್ಯಾಟಿಂಗ್ ಬಲಕ್ಕೆ ಪೆಟ್ಟುಕೊಟ್ಟರು.</p>.<p>10ನೇ ಕ್ರಮಾಂಕದಲ್ಲಿ ಬೂಮ್ರಾ ಬ್ಯಾಟಿಂಗ್ಗೆ ಬಂದಾಗ ತಂಡದ ಮೊತ್ತವು 125 ರನ್ ಕೂಡ ದಾಟಿರಲಿಲ್ಲ. ಕೊನೆಯ ವಿಕೆಟ್ ಜೊತೆಯಾಟದಲ್ಲಿ ಬೂಮ್ರಾ ಮತ್ತು ಮೊಹಮ್ಮದ್ ಸಿರಾಜ್ (22;34ಎ, 2ಬೌಂ, 1ಸಿ) 71 ರನ್ಗಳನ್ನು ಸೇರಿಸಿದರು.</p>.<p>ಆರಂಭಿಕ ಬ್ಯಾಟ್ಸ್ಮನ್ ಮಯಂಕ್ ಅಗರವಾಲ್, ನಾಯಕ ಅಜಿಂಕ್ಯ ರಹಾನೆ, ರಿಷಭ್ ಪಂತ್, ವೃದ್ಧಿಮಾನ್ ಸಹಾ ಅವರಂತಹ ಬ್ಯಾಟ್ಸ್ಮನ್ಗಳು ಒಂದಂಕಿ ದಾಟದ ಪಿಚ್ನಲ್ಲಿ ಬೂಮ್ರಾ ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ ತಮ್ಮ ಮೊದಲ ಅರ್ಧಶತಕ ದಾಖಲಿಸಿದರು.</p>.<p>ಆರು ಬೌಂಡರಿ ಮತ್ತು ಎರಡು ಸಿಕ್ಸರ್ಗಳ ಚಿತ್ತಾರ ಬಿಡಿಸಿದ ಬೂಮ್ರಾ ಆಟವು ಮನಸೆಳೆಯುವಂತಿತ್ತು. ಪಕ್ಕಾ ಪರಿಣತ ಬ್ಯಾಟ್ಸ್ಮನ್ ಮಾದರಿಯಲ್ಲಿ ಅವರು ಪ್ರಯೋಗಿಸಿದ ಡ್ರೈವ್ಗಳಿಗೆ ಫೀಲ್ಡರ್ಗಳು ಬೆರಗಾದರು. ತಾವೆದುರಿಸಿದ 54ನೇ ಎಸೆತದಲ್ಲಿ ಫೈನ್ಲೆಗ್ಗೆ ಸಿಕ್ಸರ್ ಎತ್ತಿ ಅರ್ಧಶತಕ ಪೂರೈಸಿದರು.</p>.<p>ನಂತರದ ಓವರ್ನಲ್ಲಿ ಸ್ವಿಪ್ಸನ್ ಬೌಲಿಂಗ್ನಲ್ಲಿ ಸಿರಾಜ್ ಔಟಾಗುವುದರೊಂದಿಗೆ ಜೊತೆಯಾಟ ಮುರಿಯಿತು. ಸಿರಾಜ್ ಕೂಡ ಉತ್ತಮ ಬ್ಯಾಟಿಂಗ್ ಮಾಡಿದರು. ಎರಡು ಬೌಂಡರಿ ಮತ್ತು ಒಂದು ಸಿಕ್ಸರ್ ಹೊಡೆದರು.</p>.<p>ಬೌಲಿಂಗ್ನಲ್ಲಿಯೂ ಮಿಂಚಿದ ಬೂಮ್ರಾ ತಮ್ಮ ಮೊದಲ ಓವರ್ನಲ್ಲಿಯೇ ಜೋ ಬರ್ನ್ಸ್ ವಿಕೆಟ್ ಗಳಿಸಿದರು. 24ನೇ ಓವರ್ನಲ್ಲಿ ಮಧ್ಯಮಕ್ರಮಾಂಕದ ಬ್ಯಾಟ್ಸ್ಮನ್ ಜ್ಯಾಕ್ ವೈಲ್ಡ್ಮುತ್ ವಿಕೆಟ್ ಕೂಡ ಕಬಳಿಸಿದರು.</p>.<p>ಸ್ಪಿನ್ನರ್ಗಳಿರದ ತಂಡದಲ್ಲಿ ನಾಲ್ವರು ಮಧ್ಯಮವೇಗಿಗಳು ಸೇರಿ ಎದುರಾಳಿ ತಂಡದ ಇನಿಂಗ್ಸ್ ಗೆ ತೆರೆ ಎಳೆದರು. ಸಿರಾಜ್ ಕೂಡ ಒಂದು ವಿಕೆಟ್ ಪಡೆದರು.</p>.<p>ವಿರಾಟ್ ಕೊಹ್ಲಿ, ಕೆ.ಎಲ್. ರಾಹುಲ್, ಕುಲದೀಪ್ ಯಾದವ್, ಆರ್. ಅಶ್ವಿನ್ ಮತ್ತು ರವೀಂದ್ರ ಜಡೇಜ ಅವರು ವಿಶ್ರಾಂತಿ ಪಡೆದರು.</p>.<p><strong>ಸಂಕ್ಷಿಪ್ತ ಸ್ಕೋರು</strong></p>.<p><strong>ಮೊದಲ ಇನಿಂಗ್ಸ್: </strong>ಭಾರತ: 48.3 ಓವರ್ಗಳಲ್ಲಿ 194 (ಪೃಥ್ವಿ ಶಾ 40, ಶುಭಮನ್ ಗಿಲ್ 43, ಜಸ್ಪ್ರೀತ್ ಬೂಮ್ರಾ ಔಟಾಗದೆ 55, ಮೊಹಮ್ಮದ್ ಸಿರಾಜ್ 22, ಸೀನ್ ಅಬಾಟ್ 46ಕ್ಕೆ3, ಜ್ಯಾಕ್ ವೈಲ್ಡರ್ಮುತ್ 13ಕ್ಕೆ3), ಆಸ್ಟ್ರೇಲಿಯಾ ಎ: 32.2 ಓವರ್ಗಳಲ್ಲಿ 108 (ಮಾರ್ಕಸ್ ಹ್ಯಾರಿಸ್ 26, ಅಲೆಕ್ಸ್ ಕ್ಯಾರಿ 32, ಮೊಹಮ್ಮದ್ ಶಮಿ 29ಕ್ಕೆ3, ಜಸ್ಪ್ರೀತ್ ಬೂಮ್ರಾ 33ಕ್ಕೆ2, ನವದೀಪ್ ಸೈನಿ 19ಕ್ಕೆ3)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸಿಡ್ನಿ:</strong> ಸಿಡ್ನಿ ಕ್ರಿಕೆಟ್ ಮೈದಾನದಲ್ಲಿ ಶುಕ್ರವಾರ ಇಡೀ ದಿನ ಜಸ್ಪ್ರೀತ್ ಬೂಮ್ರಾ ಆಲ್ರೌಂಡ್ ಆಟವೇ ಕಂಗೊಳಿಸಿತು.</p>.<p>ಇಲ್ಲಿ ಆಸ್ಟ್ರೇಲಿಯಾ ಎ ಎದುರಿನ ಪಿಂಕ್ ಬಾಲ್ ಅಭ್ಯಾಸ ಪಂದ್ಯದಲ್ಲಿ ಬ್ಯಾಟಿಂಗ್ನಲ್ಲಿ ಮಿಂಚಿದ ಜಸ್ಪ್ರೀತ್ ಬೂಮ್ರಾ (ಔಟಾಗದೆ 55; 57ಎಸೆತ)ಬೌಲಿಂಗ್ನಲ್ಲಿ ತಮ್ಮ ನೈಜ ಸಾಮರ್ಥ್ಯ ಮೆರೆದರು.</p>.<p>ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಭಾರತ ತಂಡವು 48.3 ಓವರ್ಗಳಲ್ಲಿ 194 ರನ್ ಗಳಿಸಿ ಆಲೌಟ್ ಆಯಿತು. ಅದಕ್ಕುತ್ತರವಾಗಿ ಆಸ್ಟ್ರೇಲಿಯಾ ಎ ತಂಡವು 32.2 ಓವರ್ಗಳಲ್ಲಿ 108 ರನ್ ಗಳಿಸಿ ಎಲ್ಲ ವಿಕೆಟ್ ಕಳೆದುಕೊಂಡಿತು. ಮೊಹಮ್ಮದ್ ಶಮಿ (29ಕ್ಕೆ3) ಮತ್ತು ನವದೀಪ್ ಸೈನಿ (19ಕ್ಕೆ3) ಎದುರಾಳಿ ತಂಡದ ಬ್ಯಾಟಿಂಗ್ ಬಲಕ್ಕೆ ಪೆಟ್ಟುಕೊಟ್ಟರು.</p>.<p>10ನೇ ಕ್ರಮಾಂಕದಲ್ಲಿ ಬೂಮ್ರಾ ಬ್ಯಾಟಿಂಗ್ಗೆ ಬಂದಾಗ ತಂಡದ ಮೊತ್ತವು 125 ರನ್ ಕೂಡ ದಾಟಿರಲಿಲ್ಲ. ಕೊನೆಯ ವಿಕೆಟ್ ಜೊತೆಯಾಟದಲ್ಲಿ ಬೂಮ್ರಾ ಮತ್ತು ಮೊಹಮ್ಮದ್ ಸಿರಾಜ್ (22;34ಎ, 2ಬೌಂ, 1ಸಿ) 71 ರನ್ಗಳನ್ನು ಸೇರಿಸಿದರು.</p>.<p>ಆರಂಭಿಕ ಬ್ಯಾಟ್ಸ್ಮನ್ ಮಯಂಕ್ ಅಗರವಾಲ್, ನಾಯಕ ಅಜಿಂಕ್ಯ ರಹಾನೆ, ರಿಷಭ್ ಪಂತ್, ವೃದ್ಧಿಮಾನ್ ಸಹಾ ಅವರಂತಹ ಬ್ಯಾಟ್ಸ್ಮನ್ಗಳು ಒಂದಂಕಿ ದಾಟದ ಪಿಚ್ನಲ್ಲಿ ಬೂಮ್ರಾ ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ ತಮ್ಮ ಮೊದಲ ಅರ್ಧಶತಕ ದಾಖಲಿಸಿದರು.</p>.<p>ಆರು ಬೌಂಡರಿ ಮತ್ತು ಎರಡು ಸಿಕ್ಸರ್ಗಳ ಚಿತ್ತಾರ ಬಿಡಿಸಿದ ಬೂಮ್ರಾ ಆಟವು ಮನಸೆಳೆಯುವಂತಿತ್ತು. ಪಕ್ಕಾ ಪರಿಣತ ಬ್ಯಾಟ್ಸ್ಮನ್ ಮಾದರಿಯಲ್ಲಿ ಅವರು ಪ್ರಯೋಗಿಸಿದ ಡ್ರೈವ್ಗಳಿಗೆ ಫೀಲ್ಡರ್ಗಳು ಬೆರಗಾದರು. ತಾವೆದುರಿಸಿದ 54ನೇ ಎಸೆತದಲ್ಲಿ ಫೈನ್ಲೆಗ್ಗೆ ಸಿಕ್ಸರ್ ಎತ್ತಿ ಅರ್ಧಶತಕ ಪೂರೈಸಿದರು.</p>.<p>ನಂತರದ ಓವರ್ನಲ್ಲಿ ಸ್ವಿಪ್ಸನ್ ಬೌಲಿಂಗ್ನಲ್ಲಿ ಸಿರಾಜ್ ಔಟಾಗುವುದರೊಂದಿಗೆ ಜೊತೆಯಾಟ ಮುರಿಯಿತು. ಸಿರಾಜ್ ಕೂಡ ಉತ್ತಮ ಬ್ಯಾಟಿಂಗ್ ಮಾಡಿದರು. ಎರಡು ಬೌಂಡರಿ ಮತ್ತು ಒಂದು ಸಿಕ್ಸರ್ ಹೊಡೆದರು.</p>.<p>ಬೌಲಿಂಗ್ನಲ್ಲಿಯೂ ಮಿಂಚಿದ ಬೂಮ್ರಾ ತಮ್ಮ ಮೊದಲ ಓವರ್ನಲ್ಲಿಯೇ ಜೋ ಬರ್ನ್ಸ್ ವಿಕೆಟ್ ಗಳಿಸಿದರು. 24ನೇ ಓವರ್ನಲ್ಲಿ ಮಧ್ಯಮಕ್ರಮಾಂಕದ ಬ್ಯಾಟ್ಸ್ಮನ್ ಜ್ಯಾಕ್ ವೈಲ್ಡ್ಮುತ್ ವಿಕೆಟ್ ಕೂಡ ಕಬಳಿಸಿದರು.</p>.<p>ಸ್ಪಿನ್ನರ್ಗಳಿರದ ತಂಡದಲ್ಲಿ ನಾಲ್ವರು ಮಧ್ಯಮವೇಗಿಗಳು ಸೇರಿ ಎದುರಾಳಿ ತಂಡದ ಇನಿಂಗ್ಸ್ ಗೆ ತೆರೆ ಎಳೆದರು. ಸಿರಾಜ್ ಕೂಡ ಒಂದು ವಿಕೆಟ್ ಪಡೆದರು.</p>.<p>ವಿರಾಟ್ ಕೊಹ್ಲಿ, ಕೆ.ಎಲ್. ರಾಹುಲ್, ಕುಲದೀಪ್ ಯಾದವ್, ಆರ್. ಅಶ್ವಿನ್ ಮತ್ತು ರವೀಂದ್ರ ಜಡೇಜ ಅವರು ವಿಶ್ರಾಂತಿ ಪಡೆದರು.</p>.<p><strong>ಸಂಕ್ಷಿಪ್ತ ಸ್ಕೋರು</strong></p>.<p><strong>ಮೊದಲ ಇನಿಂಗ್ಸ್: </strong>ಭಾರತ: 48.3 ಓವರ್ಗಳಲ್ಲಿ 194 (ಪೃಥ್ವಿ ಶಾ 40, ಶುಭಮನ್ ಗಿಲ್ 43, ಜಸ್ಪ್ರೀತ್ ಬೂಮ್ರಾ ಔಟಾಗದೆ 55, ಮೊಹಮ್ಮದ್ ಸಿರಾಜ್ 22, ಸೀನ್ ಅಬಾಟ್ 46ಕ್ಕೆ3, ಜ್ಯಾಕ್ ವೈಲ್ಡರ್ಮುತ್ 13ಕ್ಕೆ3), ಆಸ್ಟ್ರೇಲಿಯಾ ಎ: 32.2 ಓವರ್ಗಳಲ್ಲಿ 108 (ಮಾರ್ಕಸ್ ಹ್ಯಾರಿಸ್ 26, ಅಲೆಕ್ಸ್ ಕ್ಯಾರಿ 32, ಮೊಹಮ್ಮದ್ ಶಮಿ 29ಕ್ಕೆ3, ಜಸ್ಪ್ರೀತ್ ಬೂಮ್ರಾ 33ಕ್ಕೆ2, ನವದೀಪ್ ಸೈನಿ 19ಕ್ಕೆ3)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
