<p><strong>ಅಡಿಲೇಡ್ (ಎಪಿ):</strong> ವೇಗದ ಬೌಲರ್ ಜೋಶ್ ಹ್ಯಾಜಲ್ವುಡ್ (35ಕ್ಕೆ5) ಅವರು 11ನೇ ಸಲ ಟೆಸ್ಟ್ನಲ್ಲಿ ಐದು ವಿಕೆಟ್ಗಳ ಗೊಂಚಲು ಪಡೆದರು. ಅವರ ಪರಿಣಾಮಕಾರಿ ದಾಳಿಯಿಂದ ಆಸ್ಟ್ರೇಲಿಯಾ ಮೊದಲ ಟೆಸ್ಟ್ನ ಮೂರನೇ ದಿನವಾದ ಭೋಜನ ವಿರಾಮದೊಳಗೇ ವೆಸ್ಟ್ ಇಂಡೀಸ್ ತಂಡವನ್ನು 10 ವಿಕೆಟ್ಗಳಿಂದ ಸೋಲಿಸಿತು.</p>.<p>ವೆಸ್ಟ್ ಇಂಡೀಸ್ ತಂಡವನ್ನು (ಗುರುವಾರ 6 ವಿಕೆಟ್ಗೆ 73) ದಿನದ 13ನೇ ಓವರ್ನಲ್ಲಿ 120 ರನ್ಗಳಿಗೆ ಉರುಳಿಸಿದ ಆಸ್ಟ್ರೇಲಿಯಾ ಗೆಲುವಿಗೆ 26 ರನ್ಗಳ ಅತ್ಯಲ್ಪ ಮೊತ್ತ ಗಳಿಸಬೇಕಾಗಿತ್ತು. ಸ್ಟೀಫನ್ ಸ್ಮಿತ್ (11*) ಮತ್ತು ಉಸ್ಮಾನ್ ಕ್ವಾಜಾ (9*) ಈ ಔಪಚಾರಿಕತೆಯನ್ನು ಪೂರೈಸಿದರು. ಗೆಲುವಿಗೆ ಒಂದು ರನ್ ಬೇಕಾಗಿದ್ದಾಗ ಖ್ವಾಜಾ ಅವರು ಶಮರ್ ಜೋಸೆಫ್ ಬೌನ್ಸರ್ನಲ್ಲಿ ದವಡೆಗೆ ಚೆಂಡು ತಾಗಿ ಗಾಯಾಳಾಗಿ ನಿವೃತ್ತರಾದರು. ರಕ್ತ ಉಗುಳಿದ್ದರೂ ಗಾಯ ತೀವ್ರವಾಗಿಲ್ಲ ಎಂದು ಕಂಕಷನ್ನಲ್ಲಿ ತಿಳಿದುಬಂತು. ಅವರನ್ನು ಸ್ಕ್ಯಾನಿಂಗ್ಗೆ ಕಳಿಸಲಾಯಿತು. ಮಾರ್ನಸ್ ಲಾಬುಷೇನ್ ಗೆಲುವನ್ನು ಪೂರೈಸಿದರು.</p>.<p>ಮೊದಲ ಇನಿಂಗ್ಸ್ನಲ್ಲಿ ಶತಕ (119) ಬಾರಿಸಿದ್ದ ಟ್ರಾವಿಸ್ ಹೆಡ್ ‘ಪಂದ್ಯದ ಆಟಗಾರ’ ಗೌರವಕ್ಕೆ ಪಾತ್ರರಾದರು.</p>.<p>ಎರಡು ಟೆಸ್ಟ್ಗಳ ಸರಣಿಯಲ್ಲಿ ಆತಿಥೇಯರು 1–0 ಮುನ್ನಡೆ ಸಾಧಿಸಿದ್ದು, ಎರಡನೇ ಟೆಸ್ಟ್ ಜನವರಿ 25ರಂದು ಬ್ರಿಸ್ಬೇನ್ನಲ್ಲಿ ಆರಂಭವಾಗಲಿದೆ.</p>.<p><strong>ಸ್ಕೋರುಗಳು</strong>: ಮೊದಲ ಇನಿಂಗ್ಸ್: ವೆಸ್ಟ್ ಇಂಡೀಸ್: 188, ಆಸ್ಟ್ರೇಲಿಯಾ: 283; ಎರಡನೇ ಇನಿಂಗ್ಸ್: ವೆಸ್ಟ್ ಇಂಡೀಸ್: 35.2 ಓವರುಗಳಲ್ಲಿ 120 (ಮಿಚೆಲ್ ಸ್ಟಾರ್ಕ್ 46ಕ್ಕೆ2, ಜೋಶ್ ಹ್ಯಾಜಲ್ವುಡ್ 35ಕ್ಕೆ5, ನಥಾನ್ ಲಯನ್ 4ಕ್ಕೆ2), ಆಸ್ಟ್ರೇಲಿಯಾ: 6.4 ಓವರುಗಳಲ್ಲಿ ವಿಕೆಟ್ ನಷ್ಟವಿಲ್ಲದೇ 26.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಡಿಲೇಡ್ (ಎಪಿ):</strong> ವೇಗದ ಬೌಲರ್ ಜೋಶ್ ಹ್ಯಾಜಲ್ವುಡ್ (35ಕ್ಕೆ5) ಅವರು 11ನೇ ಸಲ ಟೆಸ್ಟ್ನಲ್ಲಿ ಐದು ವಿಕೆಟ್ಗಳ ಗೊಂಚಲು ಪಡೆದರು. ಅವರ ಪರಿಣಾಮಕಾರಿ ದಾಳಿಯಿಂದ ಆಸ್ಟ್ರೇಲಿಯಾ ಮೊದಲ ಟೆಸ್ಟ್ನ ಮೂರನೇ ದಿನವಾದ ಭೋಜನ ವಿರಾಮದೊಳಗೇ ವೆಸ್ಟ್ ಇಂಡೀಸ್ ತಂಡವನ್ನು 10 ವಿಕೆಟ್ಗಳಿಂದ ಸೋಲಿಸಿತು.</p>.<p>ವೆಸ್ಟ್ ಇಂಡೀಸ್ ತಂಡವನ್ನು (ಗುರುವಾರ 6 ವಿಕೆಟ್ಗೆ 73) ದಿನದ 13ನೇ ಓವರ್ನಲ್ಲಿ 120 ರನ್ಗಳಿಗೆ ಉರುಳಿಸಿದ ಆಸ್ಟ್ರೇಲಿಯಾ ಗೆಲುವಿಗೆ 26 ರನ್ಗಳ ಅತ್ಯಲ್ಪ ಮೊತ್ತ ಗಳಿಸಬೇಕಾಗಿತ್ತು. ಸ್ಟೀಫನ್ ಸ್ಮಿತ್ (11*) ಮತ್ತು ಉಸ್ಮಾನ್ ಕ್ವಾಜಾ (9*) ಈ ಔಪಚಾರಿಕತೆಯನ್ನು ಪೂರೈಸಿದರು. ಗೆಲುವಿಗೆ ಒಂದು ರನ್ ಬೇಕಾಗಿದ್ದಾಗ ಖ್ವಾಜಾ ಅವರು ಶಮರ್ ಜೋಸೆಫ್ ಬೌನ್ಸರ್ನಲ್ಲಿ ದವಡೆಗೆ ಚೆಂಡು ತಾಗಿ ಗಾಯಾಳಾಗಿ ನಿವೃತ್ತರಾದರು. ರಕ್ತ ಉಗುಳಿದ್ದರೂ ಗಾಯ ತೀವ್ರವಾಗಿಲ್ಲ ಎಂದು ಕಂಕಷನ್ನಲ್ಲಿ ತಿಳಿದುಬಂತು. ಅವರನ್ನು ಸ್ಕ್ಯಾನಿಂಗ್ಗೆ ಕಳಿಸಲಾಯಿತು. ಮಾರ್ನಸ್ ಲಾಬುಷೇನ್ ಗೆಲುವನ್ನು ಪೂರೈಸಿದರು.</p>.<p>ಮೊದಲ ಇನಿಂಗ್ಸ್ನಲ್ಲಿ ಶತಕ (119) ಬಾರಿಸಿದ್ದ ಟ್ರಾವಿಸ್ ಹೆಡ್ ‘ಪಂದ್ಯದ ಆಟಗಾರ’ ಗೌರವಕ್ಕೆ ಪಾತ್ರರಾದರು.</p>.<p>ಎರಡು ಟೆಸ್ಟ್ಗಳ ಸರಣಿಯಲ್ಲಿ ಆತಿಥೇಯರು 1–0 ಮುನ್ನಡೆ ಸಾಧಿಸಿದ್ದು, ಎರಡನೇ ಟೆಸ್ಟ್ ಜನವರಿ 25ರಂದು ಬ್ರಿಸ್ಬೇನ್ನಲ್ಲಿ ಆರಂಭವಾಗಲಿದೆ.</p>.<p><strong>ಸ್ಕೋರುಗಳು</strong>: ಮೊದಲ ಇನಿಂಗ್ಸ್: ವೆಸ್ಟ್ ಇಂಡೀಸ್: 188, ಆಸ್ಟ್ರೇಲಿಯಾ: 283; ಎರಡನೇ ಇನಿಂಗ್ಸ್: ವೆಸ್ಟ್ ಇಂಡೀಸ್: 35.2 ಓವರುಗಳಲ್ಲಿ 120 (ಮಿಚೆಲ್ ಸ್ಟಾರ್ಕ್ 46ಕ್ಕೆ2, ಜೋಶ್ ಹ್ಯಾಜಲ್ವುಡ್ 35ಕ್ಕೆ5, ನಥಾನ್ ಲಯನ್ 4ಕ್ಕೆ2), ಆಸ್ಟ್ರೇಲಿಯಾ: 6.4 ಓವರುಗಳಲ್ಲಿ ವಿಕೆಟ್ ನಷ್ಟವಿಲ್ಲದೇ 26.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
