ಟಿ20 ವಿಶ್ವಕಪ್ | ನ್ಯೂಯಾರ್ಕ್, ಫ್ಲಾರಿಡಾದಲ್ಲಿ ಪಂದ್ಯ ಆಯೋಜಿಸಲು ಐಸಿಸಿ ನಿರ್ಧಾರ

ಇದೇ ಮೊದಲ ಬಾರಿಗೆ ಅಮೆರಿಕದಲ್ಲಿ ಕ್ರಿಕೆಟ್‌ ವಿಶ್ವಕಪ್ ನಡೆಯಲಿದೆ. ವೆಸ್ಟ್ ಇಂಡೀಸ್‌ ನೊಂದಿಗೆ ಅಮೆರಿಕದ ಸಹ  ಆತಿಥ್ಯ ವಹಿಸಿದೆ.

‘ಅಮೆರಿಕದ ಮೂರು ತಾಣಗಳಲ್ಲಿ ಐಸಿಸಿ ಪುರುಷರ ಟಿ20 ವಿಶ್ವಕಪ್ ಟೂರ್ನಿಯ ಪಂದ್ಯಗಳನ್ನು ಆಯೋಜಿಸಲಾಗುತ್ತಿದೆ. ಅಮೆರಿಕದಲ್ಲಿ ಕ್ರಿಕೆಟ್‌ ಜನಪ್ರಿಯಗೊಳಿಸುವ ಪ್ರಯತ್ನಕ್ಕೆ ಇದರಿಂದ ಮತ್ತಷ್ಟು ಬಲ ಬರಲಿದೆ’ ಎಂದು ಐಸಿಸಿ ಮುಖ್ಯ ಕಾರ್ಯನಿರ್ವಾಹಕ ಜೆಫ್ ಅಲಾರ್ಡಿಸ್ ಹೇಳಿದ್ದಾರೆ.

‘ಫ್ಲಾರಿಡಾ ಮತ್ತು ಡಲಾಸ್‌ನಲ್ಲಿ ಈಗಾಗಲೇ ಕ್ರಿಕೆಟ್ ಆಯೋಜಿಸಿದ ತಾಣಗಳಿವೆ. ಅದೇ ಕ್ರೀಡಾಂಗಣಗಳನ್ನು ಇನ್ನೂ ಹೆಚ್ಚು ಅಭಿಮಾನಿಗಳು ಸೇರಲು ಅನುಕೂಲವಾಗುವಂತೆ ನವೀಕರಣ ಗೊಳಿಸಲಾಗುತ್ತಿದೆ‘ ಎಂದೂ ಜೆಫ್‌ ಹೇಳಿದ್ದಾರೆ.