IND vs SL ಟೆಸ್ಟ್: ಮೊದಲ ಇನಿಂಗ್ಸ್‌ನಲ್ಲಿ ಭಾರತ 574ಕ್ಕೆ ಡಿಕ್ಲೇರ್– ಜಡೇಜಾ 175

ಜಡೇಜಾ ಅವರ ಅಮೋಘ ಆಟದಲ್ಲಿ 17 ಬೌಂಡರಿ ಮತ್ತು 3 ಸಿಕ್ಸರ್‌ಗಳಿದ್ದವು.

ಶುಕ್ರವಾರದ ಮೊದಲ ದಿನದಾಟದ ಅಂತ್ಯಕ್ಕೆ ಭಾರತ ತಂಡವು 6 ವಿಕೆಟ್ ಕಳೆದುಕೊಂಡು 357 ರನ್ ಗಳಿಸಿತ್ತು. ನಿನ್ನೆ 46 ರನ್ ಸಿಡಿಸಿದ್ದ ಜಡೇಜಾ ಇಂದು ಉತ್ತಮ ಬ್ಯಾಟಿಂಗ್ ಪ್ರದರ್ಶನ ನೀಡಿದರು. ತಂಡದ ಸ್ಕೋರ್ ಹೆಚ್ಚಿಸುವ ಜೊತೆಗೆ ತಮ್ಮ ಜೀವನ ಶ್ರೇಷ್ಠ ಆಟದ ಮೂಲಕ ಗಮನ ಸೆಳೆದರು. ಜಡೇಜಾಗೆ ಉತ್ತಮ ಸಾಥ್ ನೀಡಿದ ರವಿಚಂದ್ರನ್ ಅಶ್ವಿನ್(61) ಅರ್ಧ ಶತಕ ಸಿಡಿಸಿದರು. ನಿನ್ನೆ ರಿಷಬ್ ಪಂತ್ 96 ರನ್‌ಗೆ ಔಟ್ ಆಗುವ ಮೂಲಕ ಶತಕ ವಂಚಿತರಾಗಿದ್ದರು.

ಭಾರತದ ಸವಾಲಿನ ಮೊತ್ತಕ್ಕೆ ಪ್ರತಿಯಾಗಿ ಶ್ರೀಲಂಕಾ ತಂಡವು ಮೊದಲ ಇನಿಂಗ್ಸ್ ಬ್ಯಾಟಿಂಗ್ ಆರಂಭಿಸಿದೆ.

ಸಂಕ್ಷಿಪ್ತ ಸ್ಕೋರ್:

ಭಾರತ
ಮೊದಲ ಇನಿಂಗ್ಸ್: 574/8 ಡಿಕ್ಲೇರ್
ರವೀಂದ್ರ ಜಡೇಜಾ: ಅಜೇಯ 175
ರಿಷಭ್ ಪಂತ್: 96
ರವಿಚಂದ್ರನ್ ಅಶ್ವಿನ್: 61
ಹನುಮ ವಿಹಾರಿ: 58