AUS vs IND Test: ವಿಹಾರಿ ಭರ್ಜರಿ ಆಟ; ಸಿಡ್ನಿ ಟೆಸ್ಟ್ ಡ್ರಾ

ಸಿಡ್ನಿ ಕ್ರಿಕೆಟ್ ಗ್ರೌಂಡ್‌ನಲ್ಲಿ ನಡೆದ ಪಂದ್ಯದಲ್ಲಿ ಸೋಮವಾರ ದಿನದ ಆಟ ಆರಂಭಿಸಿದ ಟೀಮ್ ಇಂಡಿಯಾ, 98—2 ಮೂಲಕ ಗೆಲುವಿನ ಗುರಿಯಾಗಿದ್ದ 407 ರನ್ ಬೆನ್ನಟ್ಟಲು ಆರಂಭಿಸಿತು.

ಗಾಯಾಳು ಟೀಮ್ ಇಂಡಿಯಾ

ಟೀಮ್ ಇಂಡಿಯಾ ಆಟಗಾರರಿಗೆ ಗಾಯದ ಸಮಸ್ಯೆ ಕಾಡುತ್ತಿದ್ದು, ಹನುಮ ವಿಹಾರಿ ಮತ್ತು ರವಿಚಂದ್ರನ್‌ ಅಶ್ವಿನ್‌ ಇಬ್ಬರೂ ಚಿಕಿತ್ಸೆ ಪಡೆದುಕೊಂಡು ಸಿಡ್ನಿ ಟೆಸ್ಟ್‌ಗೆ ಸಜ್ಜಾಗಿದ್ದರು. ಹನುಮ ವಿಹಾರಿ 161 ಎಸೆತಗಳಲ್ಲಿ 23 ರನ್ ಗಳಿಸಿ ದೃಢವಾಗಿ ನಿಂತರೆ, ರವಿ ಆಶ್ವಿನ್ 39 ರನ್ ಗಳಿಸಿದರು. ದೇಶದ ಮಾಜಿ ಕ್ರಿಕೆಟಿಗ ರಾಹುಲ್ ದ್ರಾವಿಡ್ ಆವರ ಜನ್ಮದಿನದಂದೇ ಹನುಮ ವಿಹಾರಿ ಗೋಡೆಯಂತೆ ತಂಡಕ್ಕೆ ಆಸರೆಯಾಗಿದ್ದು ಕೂಡ ವಿಶೇಷವಾಗಿತ್ತು.

ಉತ್ತಮ ಬ್ಯಾಟಿಂಗ್

ಆರಂಭದಲ್ಲಿ ರಿಷಬ್ ಪಂತ್ ಸ್ಪೋಟಕ 97 ರನ್ ಗಳಿಸಿದರೆ, ಚೇತೆಶ್ವರ ಪೂಜಾರ 77 ರನ್ ಪೇರಿಸಿದರು. ಅಲ್ಲದೆ, ಪೂಜಾರ ಟೆಸ್ಟ್ ಪಂದ್ಯದಲ್ಲಿ 6000 ರನ್ ಗಳಿಸಿದ 11ನೇ ಭಾರತೀಯ ಕ್ರಿಕೆಟಿಗ ಎಂಬ ಸಾಧನೆಯನ್ನೂ ತಮ್ಮದಾಗಿಸಿಕೊಂಡರು.

ಇದನ್ನೂ ಓದಿ:IND vs AUS 3RD Test: 6000 ರನ್ ಗಳಿಸಿದ ಚೇತೇಶ್ವರ ಪೂಜಾರ

ಮುಂದಿನ ಪಂದ್ಯದತ್ತ ಎಲ್ಲರ ಚಿತ್ತ

ಆಸ್ಟ್ರೇಲಿಯಾದ ಬ್ರಿಸ್ಬೇನ್‌ನಲ್ಲಿ ನಡೆಯಲಿರುವ ನಾಲ್ಕನೇ ಮತ್ತು ಅಂತಿಮ ಟೆಸ್ಟ್ ಪಂದ್ಯದತ್ತ ಎಲ್ಲರ ಚಿತ್ತ ನೆಟ್ಟಿದ್ದು, ಉಭಯ ತಂಡಗಳು ಸರಣಿ ಸಮಬಲ ಸಾಧಿಸಿರುವುದರಿಂದ, ಮುಂದಿನ ಪಂದ್ಯ ಹೆಚ್ಚು ಮಹತ್ವದ್ದಾಗಿದೆ.