ಆದರೆ, 13ನೇ ಓವರ್ನಲ್ಲಿ ಇಮ್ರಾನ್ ತಾಹೀರ್ ಎಸೆತವನ್ನು ರಸೆಲ್ ಸಿಕ್ಸರ್ಗೆ ಹೊಡೆಯಲು ಯತ್ನಿಸಿದರು. ಮಿಡ್ವಿಕೆಟ್ ಫೀಲ್ಡರ್ ಹರಭಜನ್ ಸಿಂಗ್ ಸುಲಭ ಕ್ಯಾಚ್ ಕೈಚೆಲ್ಲಿದರು. ಆಗ ತಂಡದ ಮೊತ್ತವು 6 ವಿಕೆಟ್ಗಳಿಗೆ 56 ಆಗಿತ್ತು. ರಸೆಲ್ 10 ಎಸೆತಗಳಿಂದ ಎಂಟು ರನ್ ಹೊಡೆದಿದ್ದರು! ನಂತರ ತಮ್ಮ ನೈಜ ಆಟಕ್ಕೆ ಕುದುರಿಕೊಂಡ ರಸೆಲ್ (ಔಟಾಗದೆ 50; 44ಎಸೆತ, 5ಬೌಂಡರಿ, 3ಸಿಕ್ಸರ್) ಅವರು ತಂಡವು ನೂರರ ಗಡಿ ದಾಟಿಸಿದರು. ಇನಿಂಗ್ಸ್ನ ಕೊನೆಯ ಒಂದು ಓವರ್ನಲ್ಲಿ ರಸೆಲ್ ಎರಡು ಬೌಂಡರಿ, ಒಂದು ಸಿಕ್ಸರ್ ಇದ್ದ 15 ರನ್ಗಳನ್ನು ಕೊಳ್ಳೆ ಹೊಡೆದರು. ರಸೆಲ್ ಬಿಟ್ಟರೆ ರಾಬಿನ್ ಉತ್ತಪ್ಪ (11 ರನ್), ದಿನೇಶ್ ಕಾರ್ತಿಕ್ (19 ರನ್)ಅವರಿಬ್ಬರು ಮಾತ್ರ ಎರಡಂಕಿ ಮೊತ್ತ ಗಳಿಸಿದ ಬ್ಯಾಟ್ಸ್ಮನ್ಗಳು.