ನವದೆಹಲಿ (ಪಿಟಿಐ): ಚೀನಾ ಮೊಬೈಲ್ ಕಂಪೆನಿ ವಿವೊ ಸೇರಿದಂತೆ ಐಪಿಎಲ್ ಪ್ರಾಯೋಜಕತ್ವದ ಕಂಪೆನಿ ಗಳ ಜೊತೆಗಿನ ಒಪ್ಪಂದದ ಬಗ್ಗೆ ಮರು ಪರಿಶೀಲನೆ ಮಾಡಲು ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಮುಂದಾಗಿದೆ. ಮುಂದಿನ ವಾರ ನಡೆಯಲಿರುವ ಐಪಿಎಲ್ ಅಡಳಿತ ಸಮಿತಿ ಸಭೆಯಲ್ಲಿ ಪ್ರಾಯೋಜಕತ್ವದ ಕುರಿತು ನಿರ್ಧಾರ ಕೈಗೊಳ್ಳಲಾಗುವುದು ಎಂದು ಐಪಿಎಲ್ನ ಅಧಿಕೃತ ಟ್ವಿಟರ್ ಖಾತೆ ಶುಕ್ರವಾರ ತಡರಾತ್ರಿ ತಿಳಿಸಿದೆ. ವಿವೊ ವಾರ್ಷಿಕ ₹ 440 ಕೋಟಿ ಮೊತ್ತದ ಪ್ರಾಯೋಜಕತ್ವ ಹೊಂದಿದೆ.