ಗುರುವಾರ, 30 ಮೇ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಕೌಂಟಿ ಕ್ರಿಕೆಟ್‌: ಕರುಣ್‌ ನಾಯರ್‌ ಶತಕ

Published 20 ಸೆಪ್ಟೆಂಬರ್ 2023, 16:30 IST
Last Updated 20 ಸೆಪ್ಟೆಂಬರ್ 2023, 16:30 IST
ಅಕ್ಷರ ಗಾತ್ರ

ಲಂಡನ್‌: ಕರ್ನಾಟಕದ ಬ್ಯಾಟರ್‌ ಕರುಣ್‌ ನಾಯರ್‌, ಇಂಗ್ಲೆಂಡ್‌ನ ಕೌಂಟಿ ಚಾಂಪಿಯನ್‌ಷಿಪ್‌ನ ಮೊದಲ ಡಿವಿಷನ್‌ ಪಂದ್ಯದಲ್ಲಿ ಶತಕ ಗಳಿಸಿ ಗಮನ ಸೆಳೆದರು.

ನಾರ್ಥಾಂಪ್ಟನ್ ಶೈರ್ ತಂಡದ ಪರ ಆಡುತ್ತಿರುವ ಅವರು ಸರೆ ಎದುರಿನ ಪಂದ್ಯದಲ್ಲಿ 144 ರನ್‌ ಗಳಿಸಿದರು. 51 ರನ್‌ಗಳಿಂದ ಬುಧವಾರ ಆಟ ಮುಂದುವರಿಸಿದ ಅವರು ಮೂರಂಕಿಯ ಗಡಿ ದಾಟಿದರು. ಮಳೆಯಿಂದಾಗಿ ದಿನದಾಟ ಬೇಗನೇ ನಿಂತಾಗ ನಾರ್ಥಾಂಪ್ಟನ್ ಶೈರ್ 9 ವಿಕೆಟ್‌ಗಳಿಗೆ 351 ರನ್‌ ಗಳಿಸಿತ್ತು.

238 ಎಸೆತಗಳನ್ನು ಎದುರಿಸಿದ ಕರುಣ್, 22 ಬೌಂಡರಿ ಹಾಗೂ 2 ಸಿಕ್ಸರ್‌ ಹೊಡೆದರು. ನಾರ್ಥಾಂಪ್ಟನ್ ಶೈರ್ ತಂಡ 193 ರನ್‌ ಗಳಿಸುವಷ್ಟರಲ್ಲಿ ಏಳು ವಿಕೆಟ್‌ ಕಳೆದುಕೊಂಡು ಕುಸಿತದ ಹಾದಿ ಹಿಡಿದಿತ್ತು. ಕರುಣ್‌ ಮತ್ತು ಟಾಮ್‌ ಟೇಲರ್‌ 8ನೇ ವಿಕೆಟ್‌ಗೆ 114 ರನ್‌ ಸೇರಿಸಿ ತಂಡದ ಮೊತ್ತವನ್ನು 300ರ ಗಡಿ ದಾಟಿಸಿದರು.

31 ವರ್ಷದ ಕರುಣ್‌ ಅವರು ಕಳೆದ ವಾರ ನಡೆದಿದ್ದ ವಾರ್ವಿಕ್‌ಶೈರ್‌ ವಿರುದ್ಧದ ಪಂದ್ಯದಲ್ಲಿ 78 ರನ್‌ ಗಳಿಸಿದ್ದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT