ಕೊಲಂಬೊ: ವೇಗದ ಬೌಲರ್ ಲಸಿತ್ ಮಾಲಿಂಗ ಅವರಿಗೆ ವಿದಾಯ ಪಂದ್ಯದಲ್ಲಿ ಶ್ರೀಲಂಕಾ ತಂಡದವರು ಗೆಲುವಿನ ಉಡುಗೊರೆ ನೀಡಿದರು. ಇಲ್ಲಿನ ಪ್ರೇಮದಾಸ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ಏಕದಿನ ಪಂದ್ಯದಲ್ಲಿ ಬಾಂಗ್ಲಾದೇಶವನ್ನು ಆತಿಥೇಯರು 91 ರನ್ಗಳಿಂದ ಮಣಿಸಿದರು.
ಮೊದಲು ಬ್ಯಾಟಿಂಗ್ ಮಾಡಿದ ಲಂಕಾ ತಂಡ ಕುಶಾಲ್ ಪೆರೇರಾ (111; 99 ಎಸೆತ, 1 ಸಿಕ್ಸರ್, 17 ಬೌಂಡರಿ) ಅವರ ಶತಕದ ಬಲದಿಂದ 314 ರನ್ ಗಳಿಸಿತ್ತು. ಗುರಿ ಬೆನ್ನತ್ತಿದ ಬಾಂಗ್ಲಾ 42ನೇ ಓವರ್ನಲ್ಲಿ 223ಕ್ಕೆ ಆಲೌಟಾಯಿತು. ಮಾಲಿಂಗ 3 ವಿಕೆಟ್ ಉರುಳಿಸಿದರು.