ರಾಂಚಿ: ಸ್ವರಕ್ಷಣೆಗಾಗಿ ಪಿಸ್ತೂಲ್ ಅಥವಾ ರೈಫಲ್ ಖರೀದಿಸಲು ಪರವಾನಗಿ ನೀಡಬೇಕು ಎಂದು ಭಾರತ ಕ್ರಿಕೆಟ್ ತಂಡದ ಆಟಗಾರ ಮಹೇಂದ್ರಸಿಂಗ್ ದೋನಿ ಅವರ ಪತ್ನಿ ಸಾಕ್ಷಿ ಸಿಂಗ್ ಅವರು ಅರ್ಜಿ ಸಲ್ಲಿಸಿದ್ದಾರೆ.
‘ಸ್ವರಕ್ಷಣೆಗಾಗಿ ಪಿಸ್ತೂಲ್ ಅಥವಾ 0.32 ಬೋರ್ ರಿವಾಲ್ವರ್ ಖರೀದಿಗೆ ಅನುಮತಿ ನೀಡಲು ಸಾಕ್ಷಿ ಅವರು ಕೋರಿದ್ದಾರೆ’ ಎಂದು ಪೊಲೀಸ್ ಇಲಾಖೆಯ ಅಧಿಕಾರಿಯೊಬ್ಬರುಎನ್‌ಡಿಟಿವಿ ಡಾಟ್‌ ಕಾಮ್‌ಗೆ ತಿಳಿಸಿದ್ದಾರೆ.
ಹೋದ ವರ್ಷದಿಂದ ದೋನಿ ಕುಟುಂಬವು ರಾಂಚಿ ಹೊರವಲಯದ ದಲಡಾಲಿಯಲ್ಲಿರುವ ತಮ್ಮ ಫಾರ್ಮ್‌ಹೌಸ್‌ ವಾಸಿಸುತ್ತಿದೆ. ಅದಕ್ಕೂ ಮುನ್ನ ಹರ್ಮು ಹೌಸಿಂಗ್ ಕಾಲೋನಿಯಲ್ಲಿ ವಾಸವಾಗಿತ್ತು.
