ಫ್ರ್ಯಾಂಚೈಸ್ ಕ್ರಿಕೆಟ್‌ಗೆ ಲಸಿತ್‌ ಮಾಲಿಂಗ ವಿದಾಯ

ಐಪಿಎಲ್‌ ಇತಿಹಾಸದಲ್ಲಿ ಅತಿ ಹೆಚ್ಚು ವಿಕೆಟ್‌ ಗಳಿಸಿದ ಬೌಲರ್ ಎಂಬ ಹಿರಿಮೆ ಹೊಂದಿರುವ ಮಾಲಿಂಗ, ಈ ತಿಂಗಳ ಆರಂಭದಲ್ಲಿ ತಮ್ಮ ಅಲಭ್ಯತೆ ಕುರಿತು ತಿಳಿಸಿದ್ದರು ಎಂದು ಮುಂಬೈ ಇಂಡಿಯನ್ಸ್ ತಂಡ ಹೇಳಿದೆ.

ಮಲಿಂಗ ಅವರು ಈಗಾಗಲೇ ಟೆಸ್ಟ್ ಹಾಗೂ ಏಕದಿನ ಮಾದರಿಗಳಿಗೆ ನಿವೃತ್ತಿ ಘೋಷಿಸಿದ್ದಾರೆ. ಅಂತರರಾಷ್ಟ್ರೀಯ ಟ್ವೆಂಟಿ–20 ಪಂದ್ಯಗಳಲ್ಲಿ ಮಾತ್ರ ಮುಂದುವರಿದ್ದಾರೆ.

37 ವರ್ಷದ ಯಾರ್ಕರ್ ತಜ್ಞ ಮಾಲಿಂಗ, 122 ಐಪಿಎಲ್‌ ಪಂದ್ಯಗಳಿಂದ 170 ವಿಕೆಟ್ ಗಳಿಸಿದ್ದರು. 13ರನ್‌ಗೆ 5 ವಿಕೆಟ್ ಅವರ ಶ್ರೇಷ್ಠ ಸಾಧನೆಯಾಗಿದೆ.

‘ಕುಟುಂಬದೊಂದಿಗೆ ಚರ್ಚಿಸಿದ್ದು, ಫ್ರ್ಯಾಂಚೈಸ್ ಕ್ರಿಕೆಟ್‌ಗೆ ವಿದಾಯ ಹೇಳಲು ಇದು ಸಕಾಲ ಎಂದು ನನಗನಿಸುತ್ತದೆ. ಕೊರೊನಾ ಹಾವಳಿ ಹಾಗೂ ಪ್ರಯಾಣದ ಮೇಲಿನ ನಿರ್ಬಂಧಗಳ ಕಾರಣದಿಂದ ಫ್ರ್ಯಾಂಚೈಸ್ ಟೂರ್ನಿಗಳಲ್ಲಿ ಭಾಗವಹಿಸುವುದು ಕಠಿಣವಾಗಲಿದೆ. ಹೀಗಾಗಿ ಈ ನಿರ್ಧಾರಕ್ಕೆ ಬಂದಿದ್ದೇನೆ‘ ಎಂದು ಮಾಲಿಂಗ ಹೇಳಿದ್ದಾರೆ.