<p><strong>ಪೋರ್ಟ್ ಆಫ್ ಸ್ಪೇನ್: </strong>ಮಧ್ಯಮ ವೇಗಿ ಭುವನೇಶ್ವರ್ ಕುಮಾರ್, ಭಾನುವಾರ ರಾತ್ರಿ ಕ್ವೀನ್ಸ್ ಪಾರ್ಕ್ ಓವಲ್ ಮೈದಾನದಲ್ಲಿ ವೆಸ್ಟ್ ಇಂಡೀಸ್ ಬ್ಯಾಟ್ಸ್ಮನ್ಗಳಿಗೆ ಸಿಂಹಸ್ವಪ್ನರಾದರು.</p>.<p>ಭುವಿ ಅವರ (31ಕ್ಕೆ4) ಪರಿಣಾಮಕಾರಿ ದಾಳಿಯಿಂದಾಗಿ ಭಾರತ ತಂಡವು ಎರಡನೇ ಏಕದಿನ ಪಂದ್ಯದಲ್ಲಿ ಡಕ್ವರ್ಥ್ ಲೂಯಿಸ್ ನಿಯಮದ ಅನ್ವಯ 59ರನ್ಗಳಿಂದ ಆತಿಥೇಯರನ್ನು ಮಣಿಸಿತು. ಇದರೊಂದಿಗೆ 3 ಪಂದ್ಯಗಳ ಸರಣಿಯಲ್ಲಿ 1–0 ಮುನ್ನಡೆ ಗಳಿಸಿತು. ಮೊದಲ ಹಣಾಹಣಿಯು ಮಳೆಯಿಂದಾಗಿ ರದ್ದಾಗಿತ್ತು.</p>.<p>ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ್ದ ಭಾರತ, ನಾಯಕ ವಿರಾಟ್ ಕೊಹ್ಲಿ (120; 125ಎ, 14ಬೌಂ, 1ಸಿ) ಮತ್ತು ಶ್ರೇಯಸ್ ಅಯ್ಯರ್ (71; 68ಎ, 5ಬೌಂ, 1ಸಿ) ಅವರ ಆಕರ್ಷಕ ಆಟದಿಂದಾಗಿ 50 ಓವರ್ಗಳಲ್ಲಿ 7 ವಿಕೆಟ್ಗೆ 279ರನ್ ಗಳಿಸಿತ್ತು.</p>.<p>ವಿಂಡೀಸ್ ತಂಡವು 12.5 ಓವರ್ಗಳಲ್ಲಿ 1 ವಿಕೆಟ್ಗೆ 55ರನ್ ಗಳಿಸಿದ್ದ ವೇಳೆ ಮಳೆ ಸುರಿಯಿತು. ನಂತರ ಬಹಳ ಹೊತ್ತು ವರುಣನ ಆಟವೇ ನಡೆಯಿತು. ಮಳೆ ನಿಂತ ಬಳಿಕ ಆತಿಥೇಯರಿಗೆ 46 ಓವರ್ಗಳಲ್ಲಿ 270ರನ್ಗಳ ಪರಿಷ್ಕೃತ ಗುರಿ ನೀಡಲಾಯಿತು. ಜೇಸನ್ ಹೋಲ್ಡರ್ ಬಳಗವು 42 ಓವರ್ಗಳಲ್ಲಿ 210ರನ್ ಗಳಿಸಲಷ್ಟೇ ಶಕ್ತವಾಯಿತು.</p>.<p>ಗುರಿ ಬೆನ್ನಟ್ಟಿದ ವಿಂಡೀಸ್ಗೆ ಉತ್ತಮ ಆರಂಭ ಸಿಗಲಿಲ್ಲ. 300ನೇ ಏಕದಿನ ಪಂದ್ಯ ಆಡಿದ ಸ್ಫೋಟಕ ಬ್ಯಾಟ್ಸ್ಮನ್ ಕ್ರಿಸ್ ಗೇಲ್ 24 ಎಸೆತಗಳಲ್ಲಿ 11ರನ್ ಗಳಿಸಿ ಎಲ್ಬಿಡಬ್ಲ್ಯು ಬಲೆಗೆ ಬಿದ್ದರು.</p>.<p>ವೈಯಕ್ತಿಕ ಏಳು ರನ್ ಗಳಿಸಿದ್ದ ವೇಳೆ ಗೇಲ್, ಹೊಸ ಮೈಲುಗಲ್ಲು ಸ್ಥಾಪಿಸಿದರು. ಏಕದಿನ ಮಾದರಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿದ (10,408) ವಿಂಡೀಸ್ ಆಟಗಾರ ಎಂಬ ಹಿರಿಮೆಗೆ ಪಾತ್ರರಾದರು. ಈ ದಾಖಲೆ ಮೊದಲು ಬ್ರಯನ್ ಲಾರಾ (10,405) ಹೆಸರಿನಲ್ಲಿತ್ತು.</p>.<p>ತಂಡದ ಮೊತ್ತ 52 ರನ್ ಆಗಿದ್ದಾಗ ಶಾಯ್ ಹೋಪ್ (5; 10ಎ) ಖಲೀಲ್ ಅಹಮದ್ಗೆ ವಿಕೆಟ್ ಒಪ್ಪಿಸಿದರು. ಶಿಮ್ರೊನ್ ಹೆಟ್ಮೆಯರ್ (18) ಮತ್ತು ರಾಸ್ಟನ್ ಚೇಸ್ (18) ಅವರೂ ವಿಕೆಟ್ ನೀಡಲು ಅವಸರಿಸಿದರು.</p>.<p>ಒಂದೆಡೆ ವಿಕೆಟ್ ಉರುಳುತ್ತಿದ್ದರೂ ಎವಿನ್ ಲೂಯಿಸ್ (65; 80ಎ, 8ಬೌಂ, 1ಸಿ) ಎದೆಗುಂದಲಿಲ್ಲ. ನಿಕೋಲಸ್ ಪೂರನ್ (42; 52ಎ, 4ಬೌಂ, 1ಸಿ) ಜೊತೆಗೂಡಿದ ಅವರು ಸುಂದರ ಇನಿಂಗ್ಸ್ ಕಟ್ಟಿದರು. ಈ ಜೋಡಿ ನಾಲ್ಕನೇ ವಿಕೆಟ್ ಪಾಲುದಾರಿಕೆಯಲ್ಲಿ 56 ರನ್ ಪೇರಿಸಿತು.</p>.<p>28ನೇ ಓವರ್ ಬೌಲ್ ಮಾಡಿದ ಕುಲದೀಪ್ ಯಾದವ್, ಎರಡನೇ ಎಸೆತದಲ್ಲಿ ಲೂಯಿಸ್ ವಿಕೆಟ್ ಉರುಳಿಸಿದರು. ನಂತರ ಆತಿಥೇಯರು ಕುಸಿತದ ಹಾದಿ ಹಿಡಿದರು.</p>.<p><strong>ಸಂಕ್ಷಿಪ್ತ ಸ್ಕೋರ್</strong>: ಭಾರತ: 50 ಓವರ್ಗಳಲ್ಲಿ 7 ವಿಕೆಟ್ಗೆ 279. ವೆಸ್ಟ್ ಇಂಡೀಸ್: 42 ಓವರ್ಗಳಲ್ಲಿ 210 (ಕ್ರಿಸ್ ಗೇಲ್ 11, ಎವಿನ್ ಲೂಯಿಸ್ 65, ಶಿಮ್ರೊನ್ ಹೆಟ್ಮೆಯರ್ 18, ನಿಕೋಲಸ್ ಪೂರನ್ 42, ರಾಸ್ಟನ್ ಚೇಸ್ 18, ಜೇಸನ್ ಹೋಲ್ಡರ್ ಔಟಾಗದೆ 13, ಶೆಲ್ಡನ್ ಕಾಟ್ರೆಲ್ 17; ಭುವನೇಶ್ವರ್ ಕುಮಾರ್ 31ಕ್ಕೆ4, ಮೊಹಮ್ಮದ್ ಶಮಿ 39ಕ್ಕೆ2, ಖಲೀಲ್ ಅಹಮದ್ 32ಕ್ಕೆ1, ಕುಲದೀಪ್ ಯಾದವ್ 59ಕ್ಕೆ2, ರವೀಂದ್ರ ಜಡೇಜ 15ಕ್ಕೆ1).</p>.<p><strong>ಫಲಿತಾಂಶ: ಭಾರತಕ್ಕೆ 59ರನ್ ಗೆಲುವು. 3 ಪಂದ್ಯಗಳ ಸರಣಿಯಲ್ಲಿ 1–0 ಮುನ್ನಡೆ.</strong></p>.<p><strong>ಪಂದ್ಯಶ್ರೇಷ್ಠ: ವಿರಾಟ್ ಕೊಹ್ಲಿ.</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪೋರ್ಟ್ ಆಫ್ ಸ್ಪೇನ್: </strong>ಮಧ್ಯಮ ವೇಗಿ ಭುವನೇಶ್ವರ್ ಕುಮಾರ್, ಭಾನುವಾರ ರಾತ್ರಿ ಕ್ವೀನ್ಸ್ ಪಾರ್ಕ್ ಓವಲ್ ಮೈದಾನದಲ್ಲಿ ವೆಸ್ಟ್ ಇಂಡೀಸ್ ಬ್ಯಾಟ್ಸ್ಮನ್ಗಳಿಗೆ ಸಿಂಹಸ್ವಪ್ನರಾದರು.</p>.<p>ಭುವಿ ಅವರ (31ಕ್ಕೆ4) ಪರಿಣಾಮಕಾರಿ ದಾಳಿಯಿಂದಾಗಿ ಭಾರತ ತಂಡವು ಎರಡನೇ ಏಕದಿನ ಪಂದ್ಯದಲ್ಲಿ ಡಕ್ವರ್ಥ್ ಲೂಯಿಸ್ ನಿಯಮದ ಅನ್ವಯ 59ರನ್ಗಳಿಂದ ಆತಿಥೇಯರನ್ನು ಮಣಿಸಿತು. ಇದರೊಂದಿಗೆ 3 ಪಂದ್ಯಗಳ ಸರಣಿಯಲ್ಲಿ 1–0 ಮುನ್ನಡೆ ಗಳಿಸಿತು. ಮೊದಲ ಹಣಾಹಣಿಯು ಮಳೆಯಿಂದಾಗಿ ರದ್ದಾಗಿತ್ತು.</p>.<p>ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ್ದ ಭಾರತ, ನಾಯಕ ವಿರಾಟ್ ಕೊಹ್ಲಿ (120; 125ಎ, 14ಬೌಂ, 1ಸಿ) ಮತ್ತು ಶ್ರೇಯಸ್ ಅಯ್ಯರ್ (71; 68ಎ, 5ಬೌಂ, 1ಸಿ) ಅವರ ಆಕರ್ಷಕ ಆಟದಿಂದಾಗಿ 50 ಓವರ್ಗಳಲ್ಲಿ 7 ವಿಕೆಟ್ಗೆ 279ರನ್ ಗಳಿಸಿತ್ತು.</p>.<p>ವಿಂಡೀಸ್ ತಂಡವು 12.5 ಓವರ್ಗಳಲ್ಲಿ 1 ವಿಕೆಟ್ಗೆ 55ರನ್ ಗಳಿಸಿದ್ದ ವೇಳೆ ಮಳೆ ಸುರಿಯಿತು. ನಂತರ ಬಹಳ ಹೊತ್ತು ವರುಣನ ಆಟವೇ ನಡೆಯಿತು. ಮಳೆ ನಿಂತ ಬಳಿಕ ಆತಿಥೇಯರಿಗೆ 46 ಓವರ್ಗಳಲ್ಲಿ 270ರನ್ಗಳ ಪರಿಷ್ಕೃತ ಗುರಿ ನೀಡಲಾಯಿತು. ಜೇಸನ್ ಹೋಲ್ಡರ್ ಬಳಗವು 42 ಓವರ್ಗಳಲ್ಲಿ 210ರನ್ ಗಳಿಸಲಷ್ಟೇ ಶಕ್ತವಾಯಿತು.</p>.<p>ಗುರಿ ಬೆನ್ನಟ್ಟಿದ ವಿಂಡೀಸ್ಗೆ ಉತ್ತಮ ಆರಂಭ ಸಿಗಲಿಲ್ಲ. 300ನೇ ಏಕದಿನ ಪಂದ್ಯ ಆಡಿದ ಸ್ಫೋಟಕ ಬ್ಯಾಟ್ಸ್ಮನ್ ಕ್ರಿಸ್ ಗೇಲ್ 24 ಎಸೆತಗಳಲ್ಲಿ 11ರನ್ ಗಳಿಸಿ ಎಲ್ಬಿಡಬ್ಲ್ಯು ಬಲೆಗೆ ಬಿದ್ದರು.</p>.<p>ವೈಯಕ್ತಿಕ ಏಳು ರನ್ ಗಳಿಸಿದ್ದ ವೇಳೆ ಗೇಲ್, ಹೊಸ ಮೈಲುಗಲ್ಲು ಸ್ಥಾಪಿಸಿದರು. ಏಕದಿನ ಮಾದರಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿದ (10,408) ವಿಂಡೀಸ್ ಆಟಗಾರ ಎಂಬ ಹಿರಿಮೆಗೆ ಪಾತ್ರರಾದರು. ಈ ದಾಖಲೆ ಮೊದಲು ಬ್ರಯನ್ ಲಾರಾ (10,405) ಹೆಸರಿನಲ್ಲಿತ್ತು.</p>.<p>ತಂಡದ ಮೊತ್ತ 52 ರನ್ ಆಗಿದ್ದಾಗ ಶಾಯ್ ಹೋಪ್ (5; 10ಎ) ಖಲೀಲ್ ಅಹಮದ್ಗೆ ವಿಕೆಟ್ ಒಪ್ಪಿಸಿದರು. ಶಿಮ್ರೊನ್ ಹೆಟ್ಮೆಯರ್ (18) ಮತ್ತು ರಾಸ್ಟನ್ ಚೇಸ್ (18) ಅವರೂ ವಿಕೆಟ್ ನೀಡಲು ಅವಸರಿಸಿದರು.</p>.<p>ಒಂದೆಡೆ ವಿಕೆಟ್ ಉರುಳುತ್ತಿದ್ದರೂ ಎವಿನ್ ಲೂಯಿಸ್ (65; 80ಎ, 8ಬೌಂ, 1ಸಿ) ಎದೆಗುಂದಲಿಲ್ಲ. ನಿಕೋಲಸ್ ಪೂರನ್ (42; 52ಎ, 4ಬೌಂ, 1ಸಿ) ಜೊತೆಗೂಡಿದ ಅವರು ಸುಂದರ ಇನಿಂಗ್ಸ್ ಕಟ್ಟಿದರು. ಈ ಜೋಡಿ ನಾಲ್ಕನೇ ವಿಕೆಟ್ ಪಾಲುದಾರಿಕೆಯಲ್ಲಿ 56 ರನ್ ಪೇರಿಸಿತು.</p>.<p>28ನೇ ಓವರ್ ಬೌಲ್ ಮಾಡಿದ ಕುಲದೀಪ್ ಯಾದವ್, ಎರಡನೇ ಎಸೆತದಲ್ಲಿ ಲೂಯಿಸ್ ವಿಕೆಟ್ ಉರುಳಿಸಿದರು. ನಂತರ ಆತಿಥೇಯರು ಕುಸಿತದ ಹಾದಿ ಹಿಡಿದರು.</p>.<p><strong>ಸಂಕ್ಷಿಪ್ತ ಸ್ಕೋರ್</strong>: ಭಾರತ: 50 ಓವರ್ಗಳಲ್ಲಿ 7 ವಿಕೆಟ್ಗೆ 279. ವೆಸ್ಟ್ ಇಂಡೀಸ್: 42 ಓವರ್ಗಳಲ್ಲಿ 210 (ಕ್ರಿಸ್ ಗೇಲ್ 11, ಎವಿನ್ ಲೂಯಿಸ್ 65, ಶಿಮ್ರೊನ್ ಹೆಟ್ಮೆಯರ್ 18, ನಿಕೋಲಸ್ ಪೂರನ್ 42, ರಾಸ್ಟನ್ ಚೇಸ್ 18, ಜೇಸನ್ ಹೋಲ್ಡರ್ ಔಟಾಗದೆ 13, ಶೆಲ್ಡನ್ ಕಾಟ್ರೆಲ್ 17; ಭುವನೇಶ್ವರ್ ಕುಮಾರ್ 31ಕ್ಕೆ4, ಮೊಹಮ್ಮದ್ ಶಮಿ 39ಕ್ಕೆ2, ಖಲೀಲ್ ಅಹಮದ್ 32ಕ್ಕೆ1, ಕುಲದೀಪ್ ಯಾದವ್ 59ಕ್ಕೆ2, ರವೀಂದ್ರ ಜಡೇಜ 15ಕ್ಕೆ1).</p>.<p><strong>ಫಲಿತಾಂಶ: ಭಾರತಕ್ಕೆ 59ರನ್ ಗೆಲುವು. 3 ಪಂದ್ಯಗಳ ಸರಣಿಯಲ್ಲಿ 1–0 ಮುನ್ನಡೆ.</strong></p>.<p><strong>ಪಂದ್ಯಶ್ರೇಷ್ಠ: ವಿರಾಟ್ ಕೊಹ್ಲಿ.</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
