<p><strong>ಮೆಲ್ಬರ್ನ್:</strong> ‘ಪ್ರವಾಸಿ ಭಾರತ ತಂಡದ ವಿರುದ್ಧ ಮುಂದಿನ ಬೇಸಿಗೆ ಸರಣಿಯ ವೇಳೆ ನಸುಗೆಂಪು ಚೆಂಡಿನಲ್ಲಿ ಬೌಲ್ ಮಾಡಲು ಕಾತರದಿಂದ ಕಾಯುತ್ತಿದ್ದೇನೆ‘ ಎಂದು ಆಸ್ಟ್ರೇಲಿಯಾದ ವೇಗಿ ಮಿಚೆಲ್ ಸ್ಟಾರ್ಕ್ ಮಂಗಳವಾರ ತಿಳಿಸಿದ್ದಾರೆ.</p>.<p>ಸ್ಟಾರ್ಕ್ ನಸುಗೆಂಪು ಚೆಂಡಿನಲ್ಲಿ ಯಶಸ್ವೀ ಬೌಲರ್ ಆಗಿದ್ದಾರೆ.</p>.<p>ಈ ಹಿಂದೆ, 2018–19ರ ಸರಣಿಯಲ್ಲಿ ಒಂದು ಪಿಂಕ್ ಬಾಲ್ (ಹಗಲು ರಾತ್ರಿ) ಟೆಸ್ಟ್ ಸೇರ್ಪಡೆಗೊಳಿಸುವ ಆಸ್ಟ್ರೇಲಿಯಾದ ಪ್ರಸ್ತಾವವನ್ನು ಭಾರತ ತಳ್ಳಿಹಾಕಿತ್ತು. ಆದರೆ ಮುಂದಿನ ಸರಣಿಯಲ್ಲಿ ಪಿಂಕ್ ಬಾಲ್ ಟೆಸ್ಟ್ ಒಂದನ್ನು ಒಳಗೊಳ್ಳುವುದಕ್ಕೆ ಭಾರತದ ಸಮ್ಮತಿಯಿದೆ ಎಂದು ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಫೆಬ್ರುವರಿಯಲ್ಲಿ ತಿಳಿಸಿದ್ದರು.</p>.<p>‘ಭಾರತ ವಿರುದ್ಧ ಸರಣಿಯಲ್ಲಿ ಪಿಂಕ್ ಬಾಲ್ ಟೆಸ್ಟ್ ಇದ್ದರೆ ಬಹಳ ಚೆನ್ನಾಗಿರುತ್ತದೆ. ಅಭಿಮಾನಿಗಳೂ ಇಷ್ಟಪಡುತ್ತಾರೆ. ಇದು ಹಣಾಹಣಿಗೆ ಭಿನ್ನ ಆಯಾಮ ನೀಡುತ್ತದೆ‘ ಎಂದು ಸ್ಟಾರ್ಕ್ ಆನ್ಲೈನ್ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದ್ದಾರೆ.</p>.<p>ಪಿಂಕ್ ಬಾಲ್ ಟೆಸ್ಟ್ನಲ್ಲಿ ಆಸ್ಟ್ರೇಲಿಯಾ ಅಗ್ರಗಣ್ಯ ಎನಿಸಿದೆ. ಕಾಂಗರೂಗಳು 2015ರಲ್ಲಿ ನ್ಯೂಜಿಲೆಂಡ್ ವಿರುದ್ಧ ಮೊದಲ ಬಾರಿ ನಸುಗೆಂಪು ಚೆಂಡಿನಲ್ಲಿ ಟೆಸ್ಟ್ ಆಡಿದ್ದರು. ಇದುವರೆಗೆ ಆಡಿರುವ ಏಳೂ ಟೆಸ್ಟ್ಗಳಲ್ಲಿ ಈ ತಂಡ ಅಜೇಯವಾಗುಳಿದಿದೆ.</p>.<p>ಇನ್ನೊಂದೆಡೆ ಕಳೆದ ವರ್ಷದ ನವೆಂಬರ್ನಲ್ಲಿ ಬಾಂಗ್ಲಾದೇಶ ವಿರುದ್ಧ ತನ್ನ ಚೊಚ್ಚಲ ಪಿಂಕ್ ಬಾಲ್ ಟೆಸ್ಟ್ ಆಡಿದ್ದ ಭಾರತ, ಆ ಪಂದ್ಯವನ್ನು ನಿರಾಯಾಸವಾಗಿ ಗೆದ್ದುಕೊಂಡಿತ್ತು.</p>.<p>‘ಭಾರತವೂ ಪಿಂಕ್ ಬಾಲ್ ಪಂದ್ಯ ಆಡಿದೆ. ಹೀಗಾಗಿ ಅವರೇನೂ ಈ ಮಾದರಿಗೆ ಅಪರಿಚಿತರಲ್ಲ. ಆದರೆ ಹೆಚ್ಚು ಪಂದ್ಯಗಳನ್ನು ಆಡಿರುವುದರಿಂದ ನಮಗೇ ಅನುಕೂಲ’ ಎಂದು ಸ್ಟಾರ್ಕ್ ಹೇಳಿದರು.</p>.<p>30 ವರ್ಷದ ಸ್ಟಾರ್ಕ್, ಆಸ್ಟ್ರೇಲಿಯಾ ಆಡಿರುವ ಎಲ್ಲ ಏಳೂ ಪಿಂಕ್ಬಾಲ್ ಟೆಸ್ಟ್ ಪಂದ್ಯಗಳಲ್ಲಿ ಕಾಣಿಸಿಕೊಂಡಿದ್ದಾರೆ. 19.23 ಸರಾಸರಿಯಲ್ಲಿ 42 ವಿಕೆಟ್ಗಳನ್ನು ಕಬಳಿಸಿ ಅಮೋಘ ಸಾಧನೆ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೆಲ್ಬರ್ನ್:</strong> ‘ಪ್ರವಾಸಿ ಭಾರತ ತಂಡದ ವಿರುದ್ಧ ಮುಂದಿನ ಬೇಸಿಗೆ ಸರಣಿಯ ವೇಳೆ ನಸುಗೆಂಪು ಚೆಂಡಿನಲ್ಲಿ ಬೌಲ್ ಮಾಡಲು ಕಾತರದಿಂದ ಕಾಯುತ್ತಿದ್ದೇನೆ‘ ಎಂದು ಆಸ್ಟ್ರೇಲಿಯಾದ ವೇಗಿ ಮಿಚೆಲ್ ಸ್ಟಾರ್ಕ್ ಮಂಗಳವಾರ ತಿಳಿಸಿದ್ದಾರೆ.</p>.<p>ಸ್ಟಾರ್ಕ್ ನಸುಗೆಂಪು ಚೆಂಡಿನಲ್ಲಿ ಯಶಸ್ವೀ ಬೌಲರ್ ಆಗಿದ್ದಾರೆ.</p>.<p>ಈ ಹಿಂದೆ, 2018–19ರ ಸರಣಿಯಲ್ಲಿ ಒಂದು ಪಿಂಕ್ ಬಾಲ್ (ಹಗಲು ರಾತ್ರಿ) ಟೆಸ್ಟ್ ಸೇರ್ಪಡೆಗೊಳಿಸುವ ಆಸ್ಟ್ರೇಲಿಯಾದ ಪ್ರಸ್ತಾವವನ್ನು ಭಾರತ ತಳ್ಳಿಹಾಕಿತ್ತು. ಆದರೆ ಮುಂದಿನ ಸರಣಿಯಲ್ಲಿ ಪಿಂಕ್ ಬಾಲ್ ಟೆಸ್ಟ್ ಒಂದನ್ನು ಒಳಗೊಳ್ಳುವುದಕ್ಕೆ ಭಾರತದ ಸಮ್ಮತಿಯಿದೆ ಎಂದು ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಫೆಬ್ರುವರಿಯಲ್ಲಿ ತಿಳಿಸಿದ್ದರು.</p>.<p>‘ಭಾರತ ವಿರುದ್ಧ ಸರಣಿಯಲ್ಲಿ ಪಿಂಕ್ ಬಾಲ್ ಟೆಸ್ಟ್ ಇದ್ದರೆ ಬಹಳ ಚೆನ್ನಾಗಿರುತ್ತದೆ. ಅಭಿಮಾನಿಗಳೂ ಇಷ್ಟಪಡುತ್ತಾರೆ. ಇದು ಹಣಾಹಣಿಗೆ ಭಿನ್ನ ಆಯಾಮ ನೀಡುತ್ತದೆ‘ ಎಂದು ಸ್ಟಾರ್ಕ್ ಆನ್ಲೈನ್ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದ್ದಾರೆ.</p>.<p>ಪಿಂಕ್ ಬಾಲ್ ಟೆಸ್ಟ್ನಲ್ಲಿ ಆಸ್ಟ್ರೇಲಿಯಾ ಅಗ್ರಗಣ್ಯ ಎನಿಸಿದೆ. ಕಾಂಗರೂಗಳು 2015ರಲ್ಲಿ ನ್ಯೂಜಿಲೆಂಡ್ ವಿರುದ್ಧ ಮೊದಲ ಬಾರಿ ನಸುಗೆಂಪು ಚೆಂಡಿನಲ್ಲಿ ಟೆಸ್ಟ್ ಆಡಿದ್ದರು. ಇದುವರೆಗೆ ಆಡಿರುವ ಏಳೂ ಟೆಸ್ಟ್ಗಳಲ್ಲಿ ಈ ತಂಡ ಅಜೇಯವಾಗುಳಿದಿದೆ.</p>.<p>ಇನ್ನೊಂದೆಡೆ ಕಳೆದ ವರ್ಷದ ನವೆಂಬರ್ನಲ್ಲಿ ಬಾಂಗ್ಲಾದೇಶ ವಿರುದ್ಧ ತನ್ನ ಚೊಚ್ಚಲ ಪಿಂಕ್ ಬಾಲ್ ಟೆಸ್ಟ್ ಆಡಿದ್ದ ಭಾರತ, ಆ ಪಂದ್ಯವನ್ನು ನಿರಾಯಾಸವಾಗಿ ಗೆದ್ದುಕೊಂಡಿತ್ತು.</p>.<p>‘ಭಾರತವೂ ಪಿಂಕ್ ಬಾಲ್ ಪಂದ್ಯ ಆಡಿದೆ. ಹೀಗಾಗಿ ಅವರೇನೂ ಈ ಮಾದರಿಗೆ ಅಪರಿಚಿತರಲ್ಲ. ಆದರೆ ಹೆಚ್ಚು ಪಂದ್ಯಗಳನ್ನು ಆಡಿರುವುದರಿಂದ ನಮಗೇ ಅನುಕೂಲ’ ಎಂದು ಸ್ಟಾರ್ಕ್ ಹೇಳಿದರು.</p>.<p>30 ವರ್ಷದ ಸ್ಟಾರ್ಕ್, ಆಸ್ಟ್ರೇಲಿಯಾ ಆಡಿರುವ ಎಲ್ಲ ಏಳೂ ಪಿಂಕ್ಬಾಲ್ ಟೆಸ್ಟ್ ಪಂದ್ಯಗಳಲ್ಲಿ ಕಾಣಿಸಿಕೊಂಡಿದ್ದಾರೆ. 19.23 ಸರಾಸರಿಯಲ್ಲಿ 42 ವಿಕೆಟ್ಗಳನ್ನು ಕಬಳಿಸಿ ಅಮೋಘ ಸಾಧನೆ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
