<p><strong>ಮುಂಬೈ:</strong> ನಾಯಕಿ ಸ್ಮೃತಿ ಮಂದಾನ ಸೇರಿದಂತೆ ಬ್ಯಾಟರ್ಗಳ ಸಂಘಟಿತ ಪ್ರದರ್ಶನದ ನೆರವಿನಿಂದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಮಂಗಳವಾರ ಮಹಿಳಾ ಪ್ರೀಮಿಯರ್ ಲೀಗ್ನ ಪಂದ್ಯದಲ್ಲಿ 11 ರನ್ಗಳಿಂದ ಮುಂಬೈ ಇಂಡಿಯನ್ಸ್ ತಂಡವನ್ನು ಮಣಿಸಿತು.</p><p>ಸತತ ಐದು ಪಂದ್ಯಗಳನ್ನು ಸೋತು ಪ್ಲೇ ಆಫ್ ರೇಸ್ನಿಂದ ಹೊರಬಿದ್ದಿದ್ದ ಸ್ಮೃತಿ ಮಂದಾನ ಪಡೆಗೆ ಲೀಗ್ನ ಈ ಕೊನೆಯ ಪಂದ್ಯ ಔಪಚಾರಿಕವಾಗಿತ್ತು. ಇನ್ನೊಂದೆಡೆ ಮುಂಬೈಗೆ ಈ ಪಂದ್ಯ ಮಹತ್ವದ್ದಾಗಿದ್ದು, ಇಲ್ಲಿ ಗೆದ್ದಿದ್ದರೆ ಅಗ್ರಸ್ಥಾನದೊಡನೆ ಫೈನಲ್ಗೆ ನೇರ ಪ್ರವೇಶ ಪಡೆಯುವ ಅವಕಾಶವಿತ್ತು. </p><p>ಹೀಗಾಗಿ 10 ಅಂಕ ಗಳಿಸಿ, ಉತ್ತಮ ನೆಟ್ ರನ್ರೇಟ್ ಹೊಂದಿದ್ದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಅಗ್ರಸ್ಥಾನದೊಂದಿಗೆ ಫೈನಲ್ ತಲುಪಿತು. ಮುಂಬೈ ತಂಡವು (10 ಅಂಕ) ಪ್ಲೇ ಆಫ್ ಸುತ್ತಿನಲ್ಲಿ ಗುರುವಾರ ಗುಜರಾತ್ ಜೈಂಟ್ಸ್ (8 ಅಂಕ) ವಿರುದ್ಧ ಆಡಬೇಕಾಗಿದೆ.</p><p>ಮೊದಲು ಬ್ಯಾಟ್ ಮಾಡಲು ಕಳುಹಿಸಲ್ಪಟ್ಟ ಆರ್ಸಿಬಿ 20 ಓವರ್ಗಳಲ್ಲಿ 3 ವಿಕೆಟ್ಗೆ 199 ರನ್ಗಳ ಸವಾಲಿನ ಮೊತ್ತ ಪೇರಿಸಿ ಮುಂಬೈ ತಂಡವನ್ನು ಒತ್ತಡಕ್ಕೆ ಸಿಲುಕಿಸಿತು. ಗುರಿ ಬೆನ್ನಟ್ಟಿದ ಹರ್ಮನ್ಪ್ರೀತ್ ಕೌರ್ ಪಡೆ ಹೋರಾಟ ತೋರಿದರೂ 9 ವಿಕೆಟ್ಗೆ 188 ರನ್ ಗಳಿಸಿ ಹೋರಾಟವನ್ನು ಮುಗಿಸಿತು.</p><p>ಮುಂಬೈ ಪರ ನಾಟ್ ಶಿವರ್ ಬ್ರಂಟ್ (69;35, 4x9, 6x2) ಹೊರತುಪಡಿಸಿ ಉಳಿದ ಬ್ಯಾಟರ್ಗಳು ನಿರಾಸೆ ಮೂಡಿಸಿದರು. ಸ್ನೇಹ ರಾಣಾ (26ಕ್ಕೆ 3) ಮತ್ತು ಕಿಮ್ ಗಾರ್ಥ್ (33ಕ್ಕೆ 2) ಇಂಡಿಯನ್ಸ್ಗೆ ಕಡಿವಾಣ ಹಾಕಿದರು.</p><p><strong>ಮಂದಾನ ಅರ್ಧಶತಕ:</strong> ಕೆಲ ಪಂದ್ಯಗಳಲ್ಲಿ ವಿಫಲರಾದ ಬಳಿಕ ನಾಯಕಿ ಸ್ಮೃತಿ ಮಂದಾನ (53, 37ಎ, 4x6, 6x3) ಈ ಪಂದ್ಯದಲ್ಲಿ ಸೊಗಸಾದ ಅರ್ಧ ಶತಕ ಬಾರಿಸಿದರು.</p><p>ನಂತರ ಎಲಿಸ್ ಪೆರಿ (ಔಟಾಗದೇ 49;38ಎ, 4x5, 6x1), ರಿಚಾ ಘೋಷ್ (36;22ಎ) ಮತ್ತು ಜಾರ್ಜಿಯಾ ವೇರ್ಹ್ಯಾಮ್ (31;10ಎ) ಅವರ ಆಕ್ರಮಣಕಾರಿ ಆಟದ ನೆರವಿನಿಂದ ಕೊನೆಯ ಐದು ಓವರುಗಳಲ್ಲಿ 70 ರನ್ಗಳು ಹರಿದುಬಂದವು.</p><p><strong>ಸಂಕ್ಷಿಪ್ತ ಸ್ಕೋರು: ರಾಯಲ್ ಚಾಲೆಂಜರ್ಸ್ ಬೆಂಗಳೂರು:</strong> 20 ಓವರುಗಳಲ್ಲಿ 3ಕ್ಕೆ 199 (ಸಬ್ಬಿನೇನಿ ಮೇಘನಾ 26, ಸ್ಮೃತಿ ಮಂದಾನ 54, ಎಲಿಸ್ ಪೆರಿ ಔಟಾಗದೇ 49, ರಿಚಾ ಘೋಷ್ 36, ಜಾರ್ಜಿಯಾ ವೇರ್ಹ್ಯಾಮ್ ಔಟಾಗದೇ 31; ಹೇಯ್ಲಿ ಮ್ಯಾಥ್ಯೂಸ್ 47ಕ್ಕೆ2) <strong>ಮುಂಬೈ ಇಂಡಿಯನ್ಸ್:</strong> 20 ಓವರ್ಗಳಲ್ಲಿ 9ಕ್ಕೆ 188 (ನಾಟ್ ಶಿವರ್ ಬ್ರಂಟ್ 69, ಸಜೀವನ್ ಸಜನಾ 23; ಕಿಮ್ ಗಾರ್ಥ್ 33ಕ್ಕೆ 2, ಎಲಿಸ್ ಪೆರಿ 53ಕ್ಕೆ 2, ಸ್ನೇಹ ರಾಣಾ 26ಕ್ಕೆ 3). ಪಂದ್ಯದ ಆಟಗಾರ್ತಿ: ಸ್ನೇಹಾ ರಾಣಾ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ:</strong> ನಾಯಕಿ ಸ್ಮೃತಿ ಮಂದಾನ ಸೇರಿದಂತೆ ಬ್ಯಾಟರ್ಗಳ ಸಂಘಟಿತ ಪ್ರದರ್ಶನದ ನೆರವಿನಿಂದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಮಂಗಳವಾರ ಮಹಿಳಾ ಪ್ರೀಮಿಯರ್ ಲೀಗ್ನ ಪಂದ್ಯದಲ್ಲಿ 11 ರನ್ಗಳಿಂದ ಮುಂಬೈ ಇಂಡಿಯನ್ಸ್ ತಂಡವನ್ನು ಮಣಿಸಿತು.</p><p>ಸತತ ಐದು ಪಂದ್ಯಗಳನ್ನು ಸೋತು ಪ್ಲೇ ಆಫ್ ರೇಸ್ನಿಂದ ಹೊರಬಿದ್ದಿದ್ದ ಸ್ಮೃತಿ ಮಂದಾನ ಪಡೆಗೆ ಲೀಗ್ನ ಈ ಕೊನೆಯ ಪಂದ್ಯ ಔಪಚಾರಿಕವಾಗಿತ್ತು. ಇನ್ನೊಂದೆಡೆ ಮುಂಬೈಗೆ ಈ ಪಂದ್ಯ ಮಹತ್ವದ್ದಾಗಿದ್ದು, ಇಲ್ಲಿ ಗೆದ್ದಿದ್ದರೆ ಅಗ್ರಸ್ಥಾನದೊಡನೆ ಫೈನಲ್ಗೆ ನೇರ ಪ್ರವೇಶ ಪಡೆಯುವ ಅವಕಾಶವಿತ್ತು. </p><p>ಹೀಗಾಗಿ 10 ಅಂಕ ಗಳಿಸಿ, ಉತ್ತಮ ನೆಟ್ ರನ್ರೇಟ್ ಹೊಂದಿದ್ದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಅಗ್ರಸ್ಥಾನದೊಂದಿಗೆ ಫೈನಲ್ ತಲುಪಿತು. ಮುಂಬೈ ತಂಡವು (10 ಅಂಕ) ಪ್ಲೇ ಆಫ್ ಸುತ್ತಿನಲ್ಲಿ ಗುರುವಾರ ಗುಜರಾತ್ ಜೈಂಟ್ಸ್ (8 ಅಂಕ) ವಿರುದ್ಧ ಆಡಬೇಕಾಗಿದೆ.</p><p>ಮೊದಲು ಬ್ಯಾಟ್ ಮಾಡಲು ಕಳುಹಿಸಲ್ಪಟ್ಟ ಆರ್ಸಿಬಿ 20 ಓವರ್ಗಳಲ್ಲಿ 3 ವಿಕೆಟ್ಗೆ 199 ರನ್ಗಳ ಸವಾಲಿನ ಮೊತ್ತ ಪೇರಿಸಿ ಮುಂಬೈ ತಂಡವನ್ನು ಒತ್ತಡಕ್ಕೆ ಸಿಲುಕಿಸಿತು. ಗುರಿ ಬೆನ್ನಟ್ಟಿದ ಹರ್ಮನ್ಪ್ರೀತ್ ಕೌರ್ ಪಡೆ ಹೋರಾಟ ತೋರಿದರೂ 9 ವಿಕೆಟ್ಗೆ 188 ರನ್ ಗಳಿಸಿ ಹೋರಾಟವನ್ನು ಮುಗಿಸಿತು.</p><p>ಮುಂಬೈ ಪರ ನಾಟ್ ಶಿವರ್ ಬ್ರಂಟ್ (69;35, 4x9, 6x2) ಹೊರತುಪಡಿಸಿ ಉಳಿದ ಬ್ಯಾಟರ್ಗಳು ನಿರಾಸೆ ಮೂಡಿಸಿದರು. ಸ್ನೇಹ ರಾಣಾ (26ಕ್ಕೆ 3) ಮತ್ತು ಕಿಮ್ ಗಾರ್ಥ್ (33ಕ್ಕೆ 2) ಇಂಡಿಯನ್ಸ್ಗೆ ಕಡಿವಾಣ ಹಾಕಿದರು.</p><p><strong>ಮಂದಾನ ಅರ್ಧಶತಕ:</strong> ಕೆಲ ಪಂದ್ಯಗಳಲ್ಲಿ ವಿಫಲರಾದ ಬಳಿಕ ನಾಯಕಿ ಸ್ಮೃತಿ ಮಂದಾನ (53, 37ಎ, 4x6, 6x3) ಈ ಪಂದ್ಯದಲ್ಲಿ ಸೊಗಸಾದ ಅರ್ಧ ಶತಕ ಬಾರಿಸಿದರು.</p><p>ನಂತರ ಎಲಿಸ್ ಪೆರಿ (ಔಟಾಗದೇ 49;38ಎ, 4x5, 6x1), ರಿಚಾ ಘೋಷ್ (36;22ಎ) ಮತ್ತು ಜಾರ್ಜಿಯಾ ವೇರ್ಹ್ಯಾಮ್ (31;10ಎ) ಅವರ ಆಕ್ರಮಣಕಾರಿ ಆಟದ ನೆರವಿನಿಂದ ಕೊನೆಯ ಐದು ಓವರುಗಳಲ್ಲಿ 70 ರನ್ಗಳು ಹರಿದುಬಂದವು.</p><p><strong>ಸಂಕ್ಷಿಪ್ತ ಸ್ಕೋರು: ರಾಯಲ್ ಚಾಲೆಂಜರ್ಸ್ ಬೆಂಗಳೂರು:</strong> 20 ಓವರುಗಳಲ್ಲಿ 3ಕ್ಕೆ 199 (ಸಬ್ಬಿನೇನಿ ಮೇಘನಾ 26, ಸ್ಮೃತಿ ಮಂದಾನ 54, ಎಲಿಸ್ ಪೆರಿ ಔಟಾಗದೇ 49, ರಿಚಾ ಘೋಷ್ 36, ಜಾರ್ಜಿಯಾ ವೇರ್ಹ್ಯಾಮ್ ಔಟಾಗದೇ 31; ಹೇಯ್ಲಿ ಮ್ಯಾಥ್ಯೂಸ್ 47ಕ್ಕೆ2) <strong>ಮುಂಬೈ ಇಂಡಿಯನ್ಸ್:</strong> 20 ಓವರ್ಗಳಲ್ಲಿ 9ಕ್ಕೆ 188 (ನಾಟ್ ಶಿವರ್ ಬ್ರಂಟ್ 69, ಸಜೀವನ್ ಸಜನಾ 23; ಕಿಮ್ ಗಾರ್ಥ್ 33ಕ್ಕೆ 2, ಎಲಿಸ್ ಪೆರಿ 53ಕ್ಕೆ 2, ಸ್ನೇಹ ರಾಣಾ 26ಕ್ಕೆ 3). ಪಂದ್ಯದ ಆಟಗಾರ್ತಿ: ಸ್ನೇಹಾ ರಾಣಾ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
