ಸೌತಾಂಪ್ಟನ್: ನಾಯಕ ಇಯಾನ್ ಮಾರ್ಗನ್ ಮತ್ತು ಬ್ಯಾಟ್ಸ್‌ಮನ್ ಜೇಸನ್ ರಾಯ್ ಅವರಿಬ್ಬರೂ ಗಾಯಗೊಂಡಿದ್ದು ಇಂಗ್ಲೆಂಡ್ ತಂಡದಲ್ಲಿ ಆತಂಕ ಮೂಡಿಸಿದೆ.
ಮಾರ್ಗನ್ ಅವರು ಬೆನ್ನು ನೋವಿ ನಿಂದ ಬಳಲುತ್ತಿದ್ದಾರೆ. ಆದ್ದರಿಂದ ಅವರು ಮುಂದಿನ ಪಂದ್ಯದಲ್ಲಿ ಆಡು ವುದು ಅನುಮಾನವಾಗಿದೆ. ಜೇಸನ್ ರಾಯ್ ಅವರು ಸ್ನಾಯುಸೆಳೆತದಿಂದ ಬಳಲುತ್ತಿದ್ದು, ಸ್ಕ್ಯಾನಿಂಗ್‌ಗೆ ತೆರಳಿದ್ದಾರೆ ಎಂದು ತಂಡದ ಮೂಲಗಳು ತಿಳಿಸಿವೆ.
ಜೇಸನ್ ರಾಯ್ ಶುಕ್ರವಾರ ವೆಸ್ಟ್ ಇಂಡೀಸ್ ಎದುರಿನ ಪಂದ್ಯದಲ್ಲಿ ಫೀಲ್ಡಿಂಗ್ ಮಾಡುವಾಗ ಸ್ನಾಯುಸೆಳೆತದಿಂದ ಬಳಲಿದ್ದರು. ಆ ಪಂದ್ಯದ 41ನೇ ಓವರ್‌ನಲ್ಲಿ ಮಾರ್ಗನ್ ಬೆನ್ನುನೋವು ಅನುಭವಿಸಿದ್ದರು. ಫೀಲ್ಡಿಂಗ್ ಬಿಟ್ಟು ಚಿಕಿತ್ಸೆ ಪಡೆಯಲು ತೆರಳಿದ್ದರು.
