ಜುಲೈ 25ರಿಂದ ಆಗಸ್ಟ್ 8ರವರೆಗೆ ಕಾಮನ್ವೆಲ್ತ್ ಕ್ರೀಡಾಕೂಟ ಆಯೋಜನೆಗೊಂಡಿದೆ. ಈ ಕೂಟದಲ್ಲಿ ಮಹಿಳೆಯರ ಕ್ರಿಕೆಟ್ ಕೂಡ ನಡೆಯಲಿದೆ. ಇದರಲ್ಲಿ ಪಾಕ್ ತಂಡವು ಆಡಲಿದೆ. ನಾಯಕಿ ಬಿಸ್ಮಾ ಅವರು ತಮ್ಮ11 ತಿಂಗಳ ಹೆಣ್ಣುಮಗು ಫಾತೀಮಾ ಹಾಗೂ ತಾಯಿಗೂ ಕ್ರೀಡಾಗ್ರಾಮದಲ್ಲಿಯೇ ವಾಸ್ತವ್ಯ ಕಲ್ಪಿಸಲು ಮನವಿ ಮಾಡಿದ್ದರು. ಆದರೆ, ಕಾಮನ್ವೆಲ್ತ್ ಗೇಮ್ಸ್ ಆಯೋಜಕರು ಒಪ್ಪಿಲ್ಲ. ಇದರಿಂದಾಗಿ ಕ್ರೀಡಾಗ್ರಾಮದ ಹೊರಗೆ ಹೋಟೆಲ್ನಲ್ಲಿತಮ್ಮ ತಾಯಿ ಮತ್ತು ಮಗುವಿಗೆ ವಸತಿ ವ್ಯವಸ್ಥೆ ಮಾಡಲು ಬಿಸ್ಮಾ ನಿರ್ಧರಿಸಿದ್ದಾರೆ. ಇದರ ವೆಚ್ಚವನ್ನು ಪಿಸಿಬಿ ಮತ್ತು ಬಿಸ್ಮಾ ಹಂಚಿಕೊಳ್ಳಲಿದ್ದಾರೆನ್ನಲಾಗಿದೆ.