ವಿಕೆಟ್‌ ಕೀಪಿಂಗ್: ರಾಹುಲ್‌ಗೂ ‌ಆಯ್ಕೆ ಅವಕಾಶ -ರವಿಶಾಸ್ತ್ರಿ

ರಿಷಭ್‌ ಪಂತ್ ಸಂಯಮ ಕಾಪಾಡಿಕೊಳ್ಳುವ ಅಗತ್ಯವಿದೆ ಎಂದೂ ಹೇಳುತ್ತಾರೆ ಶಾಸ್ತ್ರಿ. ಪಂತ್‌ ಇತ್ತೀಚಿನ ಪಂದ್ಯಗಳಲ್ಲಿ ಭರವಸೆಗೆ ತಕ್ಕಂತೆ ಆಡುತ್ತಿಲ್ಲ. ಧೋನಿ ಅವರ ಪುನರಾಗಮನದ ಬಗ್ಗೆಯೂ ಸ್ಪಷ್ಟತೆ ಇಲ್ಲದಿರುವ ಕಾರಣ ರಾಹುಲ್‌ಗೆ ‘ಮಲ್ಟಿ ಟಾಸ್ಕಿಂಗ್‌’ ಪಾತ್ರ ವಹಿಸುವ ಸಾಧ್ಯತೆಯನ್ನು ಶಾಸ್ತ್ರಿ ತಳ್ಳಿಹಾಕಿಲ್ಲ.

‘ಧೋನಿ ವಿಶ್ರಾಂತಿ ಯೋಚನೆ ಸೂಕ್ತವಾದುದು. ಐಪಿಎಲ್‌ ಹತ್ತಿರವಿರುವಾಗ ಅವರ ಈ ಆಯ್ಕೆ ಸರಿಯಿದೆ. ಏಕದಿನ ಪಂದ್ಯಗಳಿಗೆ ಪುನರಾಗಮನ ಮಾಡಲು ಅವರಿಗೆ ತೀವ್ರ ಆಸಕ್ತಿಯಿದ್ದಂತಿಲ್ಲ. ಟೆಸ್ಟ್‌ಗೆ ಅವರು ವಿದಾಯ ಹೇಳಿದ್ದಾರೆ. ಟಿ–20 ಆಯ್ಕೆ ಅವರಿಗೆ ಇದೆ. ಈ ಮಾದರಿ ಅವರಿಗೆ ಒಗ್ಗುತ್ತದೆ. ಆದರೆ ಅವರ ದೇಹ ಕೇಳುವುದೇ ಎಂಬುದನ್ನು ಅವರೇ ಉತ್ತರಿಸಬೇಕಾ ಗುತ್ತದೆ’ ಎಂದು ‘ಇಂಡಿಯಾ ಟುಡೆ’ ಹಮ್ಮಿಕೊಂಡ ಕಾರ್ಯಕ್ರಮದಲ್ಲಿ ಅವರು ವಿಶ್ಲೇಷಿಸಿದರು.