ನ್ಯೂಯಾರ್ಕ್ (ಎಪಿ): ಗಾಲ್ಫ್ ಕ್ರೀಡೆಯ ದಂತಕಥೆ ಟೈಗರ್ ವುಡ್ಸ್ ಅವರು ಪಿಎನ್‌ಸಿ ಚಾಂಪಿಯನ್‌ಷಿಪ್‌ನಲ್ಲಿ ತಮ್ಮ 11 ವರ್ಷದ ಮಗ ಚಾರ್ಲಿಯೊಂದಿಗೆ ಕಣಕ್ಕಿಳಿಯಲಿದ್ದಾರೆ.
ಅಪ್ಪ–ಮಗ ಚಾಲೆಂಜ್ ಅಂಗವಾಗಿ ಅವರು ಈ ಟೂರ್ನಿಯಲ್ಲಿ ತಮ್ಮ ಪುತ್ರನೊಂದಿಗೆ ಆಡುವರು.
’ಈ ಟೂರ್ನಿಯಲ್ಲಿ ಆಡಲು ನಾನೆಷ್ಟು ಉತ್ಸುಕನಾಗಿದ್ದೇನೆಂದು ಹೇಳಲು ಪದಗಳೇ ನಿಲುಕುತ್ತಿಲ್ಲ. ಚಾರ್ಲಿ ಜೊತೆ ಮೊದಲ ಅಧಿಕೃತ ಟೂರ್ನಿಯಲ್ಲಿ ಕಣಕ್ಕಿಳಿಯಲಿದ್ದೇನೆ ‘ ಎಂದು ಟೈಗರ್ ಹೇಳಿದ್ದಾರೆ.
’ಜೂನಿಯರ್ ಗಾಲ್ಫರ್ ಆಗಿ ಮಗ ಬೆಳೆಯುವುದನ್ನು ನೋಡುತ್ತಿದ್ದೇನೆ. ಅದೊಂದು ಅಮೋಘ ಅನುಭವ. ಚಾರ್ಲಿ ಜೊತೆಗೆ ಆಡುವುದು ಒಂದು ಅಮೋಘ ಅನುಭವವಾಗಲಿದೆ‘ ಎಂದಿದ್ದಾರೆ.
