ಭಾನುವಾರ, ಮೇ 29, 2022
30 °C

ಟೆಸ್ಟ್ ಕ್ರಿಕೆಟ್‌ಗೆ ಉತ್ಸಾಹದಿಂದ ಪ್ರೋತ್ಸಾಹ ನೀಡಿದ ಕೊಹ್ಲಿಗೆ ಧನ್ಯವಾದ: ವಾರ್ನ್

ಪ್ರಜಾವಾಣಿ ವೆಬ್‌ ಡೆಸ್ಕ್ Updated:

ಅಕ್ಷರ ಗಾತ್ರ : | |

ನವದೆಹಲಿ: ಟೆಸ್ಟ್‌ ಕ್ರಿಕೆಟ್‌ ಅನ್ನು ಅತ್ಯುತ್ಸಾಹದಿಂದ ಪ್ರೋತ್ಸಾಹಿಸಿದ ವಿರಾಟ್‌ ಕೊಹ್ಲಿ ಅವರಿಗೆ ಧನ್ಯವಾದಗಳು ಎಂದು ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗ ಶೇನ್‌ ವಾರ್ನ್‌ ಪ್ರತಿಕ್ರಿಯಿಸಿದ್ದಾರೆ.

ಭಾರತ ಟೆಸ್ಟ್‌ ಕ್ರಿಕೆಟ್‌ ತಂಡವನ್ನು ಏಳು ವರ್ಷಗಳಿಂದ ಮುನ್ನಡೆಸಿದ್ದ ಕೊಹ್ಲಿ‌, ಶನಿವಾರ ನಾಯಕತ್ವ ತೊರೆದಿದ್ದರು. ಸ್ಪಿನ್‌ ದಂತಕತೆ ಎನಿಸಿಕೊಂಡಿರುವ ವಾರ್ನ್‌, ಕೊಹ್ಲಿ ನಾಯಕತ್ವದಲ್ಲಿ ಭಾರತ ತಂಡ ಅತ್ಯುತ್ತಮ ಸಾಧನೆ ಮಾಡಿದೆ ಎಂದೂ ಶ್ಲಾಘಿಸಿದ್ದಾರೆ.

ಇದನ್ನೂ ಓದಿ: 

'ನಿಮ್ಮ ನಾಯಕತ್ವದಲ್ಲಿ ನೀವು ಮತ್ತು ನಿಮ್ಮ ತಂಡ ಮಾಡಿರುವ ಸಾಧನೆಗೆ ಅಭಿನಂದನೆಗಳು. ಟೆಸ್ಟ್‌ ಕ್ರಿಕೆಟ್‌ ಅನ್ನು ಅತ್ಯುತ್ಸಾಹದಿಂದ ಬೆಂಬಲಿಸಿದ್ದಕ್ಕೆ ಮತ್ತು ಅದನ್ನು ಕ್ರಿಕೆಟ್‌ನ ನಂ.1 ಮಾದರಿಯನ್ನಾಗಿ ಖಾತರಿ ಪಡಿಸಿದ್ದಕ್ಕೆ ಧನ್ಯವಾದಗಳು' ಎಂದು ಟ್ವೀಟ್‌ ಮಾಡಿದ್ದಾರೆ.

ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಕೊಹ್ಲಿ ಭಾರತದ ಯಶಸ್ವಿ ನಾಯಕ ಎನಿಸಿದ್ದಾರೆ. 68 ಪಂದ್ಯಗಳಲ್ಲಿ ತಂಡ ಮುನ್ನಡೆಸಿರುವ ಅವರು, 58.82ರ ಸರಾಸರಿಯಲ್ಲಿ 40 ಜಯ ತಂದುಕೊಟ್ಟಿದ್ದಾರೆ.

ನಾಯಕನಾದ ಬಳಿಕ ಕೊಹ್ಲಿ, ಶ್ರೀಲಂಕಾದಲ್ಲಿ 2015ರಲ್ಲಿ ಮೊದಲ ಸರಣಿ ಗೆಲುವು ಕಂಡಿದ್ದರು. ಅದರೊಂದಿಗೆ ಭಾರತ, 22 ವರ್ಷಗಳ ಬಳಿಕ ದ್ವೀಪ ರಾಷ್ಟ್ರದಲ್ಲಿ ಸರಣಿ ಜಯಿಸಿದ ದಾಖಲೆ ಮಾಡಿತ್ತು.

ಕೊಹ್ಲಿ ನಾಯಕ‌ತ್ವದಲ್ಲಿ ಭಾರತ ತಂಡ ತವರಿನಲ್ಲಿ ಆಡಿದ 31 ಪಂದ್ಯಗಳ ಪೈಕಿ 24ರಲ್ಲಿ ಜಯ ಸಾಧಿಸಿದೆ. ಕೇವಲ ಎರಡು ಪಂದ್ಯಗಳಲ್ಲಿ ಮಾತ್ರವೇ ಸೋಲು ಕಂಡಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು