ದಕ್ಷಿಣ ಆಫ್ರಿಕಾ–ವೆಸ್ಟ್ ಇಂಡೀಸ್‌ ಆಟಕ್ಕೆ ಮಳೆ ಅಡ್ಡಿ; ಪಂದ್ಯ ರದ್ದು
ಸೌತಾಂಪ್ಟನ್‌: ಸೋಮವಾರ ವೆಸ್ಟ್ ಇಂಡೀಸ್‌ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಪಂದ್ಯ ಮಳೆಯಿಂದಾಗಿ ರದ್ದಾಯಿತು. ಇದರಿಂದಾಗಿ ಉಭಯ ತಂಡಗಳ ಖಾತೆಗೆ ಒಂದೊಂದು ಅಂಕ ಹಂಚಿಕೆಯಾಗಿದೆ.
It's bad news from the Hampshire Bowl as today's match has now been abandoned 🌧️
South Africa and West Indies will pick up a point apiece. pic.twitter.com/FDoGt4zf5U
— Cricket World Cup (@cricketworldcup) June 10, 2019
ಟಾಸ್‌ ಗೆದ್ದು ಬೌಲಿಂಗ್‌ ಆಯ್ಕೆ ಮಾಡಿಕೊಂಡ ಕೆರೀಬಿಯನ್ನರು ಹರಿಣಿಗಳ ಆಟಕ್ಕೆ ಆರಂಭದಿಂದಲೇ ತಡೆಯೊಡ್ಡಿದರು. ದಕ್ಷಿಣ ಆಫ್ರಿಕಾ ಆರಂಭಿಕ ಆಘಾತಕ್ಕೆ ಒಳಗಾಯಿತು. ಶೆಲ್ಡನ್‌ ಕಾಟ್ರೆಲ್‌, ದಕ್ಷಿಣ ಆಫ್ರಿಕಾದ ಹಾಶೀಂ ಆಮ್ಲಾ(6) ಮತ್ತು ಏಡೆನ್‌ ಮರ್ಕರಮ್‌(5) ವಿಕೆಟ್‌ ಗಳಿಸಿ ದೊಡ್ಡ ಪೆಟ್ಟು ನೀಡಿದರು. ಕಾಟ್ರೆಲ್‌ ವಿಕೆಟ್‌ ಪಡೆದ ಬಳಿಕ ಎಂದಿನ ಶೈಲಿಯಲ್ಲಿ ಪರೇಡ್‌ ಮಾಡಿ ಸಲ್ಯೂಟ್‌ ಹೊಡೆದು ಸಂಭ್ರಮಿಸಿದರು.
(ಮಳೆ ನಿಲ್ಲುವಂತೆ ಪದ್ಯ ಪ್ರಕಟಿಸಿದ ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ಶೋಯಬ್‌ ಅಖ್ತರ್‌)
— Cricket World Cup (@cricketworldcup) June 10, 2019
ಕ್ಷಣ ಕ್ಷಣದ ಸ್ಕೋರ್: https://bit.ly/2MyhW6f
ದಕ್ಷಿಣ ಆಫ್ರಿಕಾ 7.3 ಓವರ್‌ಗಳಲ್ಲಿ ಎರಡು ವಿಕೆಟ್‌ ನಷ್ಟಕ್ಕೆ 29 ರನ್‌ ಗಳಿಸಿದ್ದಾಗ ಪಂದ್ಯಕ್ಕೆ ಮಳೆ ಅಡ್ಡಿ ಉಂಟು ಮಾಡಿತು. ಸುರಿಯುವ ಮಳೆ ಎರಡು ಗಂಟೆಗಳ ನಂತರ ಕೊಂಚ ಬಿಡುವು ನೀಡಿತು. ಅಂಪೈರ್‌ಗಳು ಪಿಚ್‌ ಪರಿಶೀಲನೆಗೆ ತೆರಳಿದ್ದಾಗ ಮತ್ತೆ ಮಳೆಯ ಸಿಂಚನ ವಾಯಿತು. ಪಂದ್ಯ ರದ್ದುಗೊಳಿಸಿದ ಕಾರಣ, ಎರಡೂ ತಂಡಗಳಿಗೆ ಪಾಯಿಂಟ್‌ ಹಂಚಿಕೆ ಮಾಡಲಾಗಿದೆ.
Hashim Amla👆
Aiden Markram👆Sheldon Cottrell's on fire this morning! pic.twitter.com/Y0WCYJSJz7
— Cricket World Cup (@cricketworldcup) June 10, 2019
ಮಳೆಗೂ ಮುನ್ನ ಬಿರುಸಿನ ಆಟಗಾರ ಕ್ವಿಂಟನ್‌ ಡಿಕಾಕ್‌(17) ಮತ್ತು ತಂಡದ ನಾಯಕ ಫಾಫ್‌ ಡುಪ್ಲೆಸಿ(0) ಕಣದಲ್ಲಿದ್ದರು. ಕಾಟ್ರೆಲ್‌ 4 ಓವರ್‌ಗಳಲ್ಲಿ 18 ರನ್‌ ನೀಡಿ ಎರಡು ವಿಕೆಟ್‌ ಕಬಳಿಸಿದರು. ವೆಸ್ಟ್ ಇಂಡೀಸ್‌ನ ಆ್ಯಂಡ್ರೆ ರಸೆಲ್‌ ಮತ್ತು ಎವಿನ್‌ ಲೂಯಿಸ್‌ ಗಾಯದ ಸಮಸ್ಯೆಯಿಂದಾಗಿ ಆಟದಿಂದ ಹೊರಗುಳಿದರೆ, ಅವರ ಸ್ಥಾನದಲ್ಲಿ ಕೆಮಾರ್‌ ರೋಚ್‌ ಮತ್ತು ಡರೆನ್‌ ಬ್ರಾವೊ ಅಂಗಳಕ್ಕಿಳಿದರು.
ಮೊದಲ ಮೂರು ಪಂದ್ಯಗಳನ್ನು ಸೋತ ದಕ್ಷಿಣ ಆಫ್ರಿಕಾಕ್ಕೆ ಪ್ರಮುಖ ವೇಗದ ಬೌಲರ್‌ಗಳಾದ ಡೇಲ್‌ ಸ್ಟೇನ್‌ ಮತ್ತು ಲುಂಗಿ ಗಿಡಿ ಅಲಭ್ಯವಾಗಿದ್ದಾರೆ. ಸ್ಟೇನ್‌ ವಿಶ್ವಕಪ್‌ನಿಂದಲೇ ಹೊರಬಿದ್ದರೆ, ಗಿಡಿ ಸಂಪೂರ್ಣ ಚೇತರಿಸಿಕೊಂಡಿಲ್ಲ.
ವಿಶ್ವಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ದಕ್ಷಿಣ ಆಫ್ರಿಕಾ ಸೆಮಿಫೈನಲ್‌ ಆಸೆ ಜೀವಂತವಾಗಿರಿಸಿ ಕೊಳ್ಳಬೇಕಾದರೆ ಇಂದಿನ ವೆಸ್ಟ್ ಇಂಡೀಸ್‌ ವಿರುದ್ಧದ ಪಂದ್ಯ ಸೇರಿ ಆರು ರೌಂಡ್‌ ರಾಬಿನ್‌ ಲೀಗ್‌ ಪಂದ್ಯಗಳನ್ನು ಗೆಲ್ಲಲೇಬೇಕಾಗಿದೆ. ಆಸ್ಟ್ರೇಲಿಯಾ ವಿರುದ್ಧ ಈ ಹಿಂದಿನ ಪಂದ್ಯದಲ್ಲಿ ಸೋತರೂ ವೆಸ್ಟ್ ಇಂಡೀಸ್‌ ತಂಡವೇ ಬಹುತೇಕ ಅವಧಿಯಲ್ಲಿ ಹಿಡಿತ ಸಾಧಿಸಿತ್ತು. ಕೊನೆಗಳಿಗೆಯಲ್ಲಿ ತಪ್ಪುಹೊಡೆತಗಳ ಆಯ್ಕೆ ದುಬಾರಿಯಾಯಿತು. ಈಗ ಆ ಹಿನ್ನಡೆಯಿಂದ ಹೊರಬರಲು ಜೇಸನ್‌ ಹೋಲ್ಡರ್‌ ತಂಡ ತವಕಿಸುತ್ತಿದೆ.
ಆದರೆ ಈ ಹಿಂದೆ ವಿಶ್ವಕಪ್ ಪಂದ್ಯಗಳಲ್ಲಿ ಕೆರೀಬಿಯನ್‌ ಪಡೆಯ ವಿರುದ್ಧ ದಕ್ಷಿಣ ಆಫ್ರಿಕ ತಂಡ ಉತ್ತಮ ಗೆಲುವಿನ ದಾಖಲೆ ಹೊಂದಿದೆ. ಆಡಿರುವ ಆರು ಪಂದ್ಯಗಳಲ್ಲಿ ನಾಲ್ಕರಲ್ಲಿ ಹರಿಣಗಳ ತಂಡ ವಿಜಯಿಯಾಗಿದೆ.
ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.
ಬರಹ ಇಷ್ಟವಾಯಿತೆ?
1
0
0
0
0
0 comments
View All