<p><strong>ಬೆಂಗಳೂರು:</strong> ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಶುಕ್ರವಾರ ಕಿಕ್ಕಿರಿದು ಸೇರಿದ್ದ ಅಭಿಮಾನಿಗಳಿಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ವಿಜಯದ ಸಂಭ್ರಮ ಆಚರಿಸುವ ಅವಕಾಶ ಸಿಗಲಿಲ್ಲ. ಮುಂಬೈ ಇಂಡಿಯನ್ಸ್ ತಂಡದ ನಾಯಕಿ ಹರ್ಮನ್ಪ್ರೀತ್ ಕೌರ್ ಮತ್ತು ಅಮನ್ಜೋತ್ ಕೌರ್ ಅವರ ಜೊತೆಯಾಟಕ್ಕೇ ಜಯ ಒಲಿಯಿತು.</p><p>ಇಲ್ಲಿ ನಡೆದ ಮಹಿಳಾ ಪ್ರೀಮಿಯರ್ ಲೀಗ್ ಟೂರ್ನಿಯ 3ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡವು 4 ವಿಕೆಟ್ಗಳಿಂದ ರೋಚಕ ಜಯ ಸಾಧಿಸಿದಾಗ, ಇನಿಂಗ್ಸ್ನಲ್ಲಿ ಇನ್ನೊಂದು ಎಸೆತ ಮಾತ್ರ ಬಾಕಿ ಇತ್ತು. ವಡೋದರಾದಲ್ಲಿ ನಡೆದಿದ್ದ ಟೂರ್ನಿಯ ಮೊದಲ ಸುತ್ತಿನ ಎರಡು ಪಂದ್ಯಗಳಲ್ಲಿ ಆರ್ಸಿಬಿ ಜಯಿಸಿತ್ತು. ತವರಿನಂಗಳದಲ್ಲಿ ಆಡಿದ ಮೊದಲ ಪಂದ್ಯದಲ್ಲಿಯೂ ಗೆದ್ದ ಹ್ಯಾಟ್ರಿಕ್ ಸಾಧಿಸುವ ವಿಶ್ವಾಸದಲ್ಲಿತ್ತು. </p><p>168 ರನ್ಗಳ ಗೆಲುವಿನ ಗುರಿ ಬೆನ್ನಟ್ಟಿದ್ದ ಮುಂಬೈ ತಂಡದ ಆರಂಭ ಉತ್ತಮವಾಗಿರಲಿಲ್ಲ. ಮೊದಲ ವಿಕೆಟ್ ಪತನವಾದಾಗ 9 ರನ್ಗಳಷ್ಟೇ ತಂಡದ ಖಾತೆಯಲ್ಲಿದ್ದವು. ಹೆಲಿ ಮ್ಯಾಥ್ಯೂಸ್ (15 ರನ್) ಮತ್ತು ನ್ಯಾಟ್ ಶಿವರ್ ಬ್ರಂಟ್ (42; 21ಎ, 4X9) ಚೇತರಿಕೆ ನೀಡಿದರು. ಇದರಿಂದಾಗಿ ಪವರ್ಪ್ಲೇನಲ್ಲಿಯೇ ತಂಡವು 66 ರನ್ ಗಳಿಸಿ 2 ವಿಕೆಟ್ ಕಳೆದುಕೊಂಡಿತು.</p><p>ಈ ಹಂತದಲ್ಲಿ ಕ್ರೀಸ್ಗೆ ಬಂದ ನಾಯಕಿ ಹರ್ಮನ್ ಲಯ ಕಂಡುಕೊಂಡರು. ಆದರೆ ಕಿಮ್ ಗಾರ್ಥ್ ಅವರ ಓವರ್ ನಲ್ಲಿ ಬ್ರಂಟ್ ಮತ್ತು ಜಾರ್ಜಿಯಾ ಬೌಲಿಂಗ್ನಲ್ಲಿ ಅಮೆಲಿಯಾ ಕೆರ್ ಔಟಾದರು. ಇದರಿಂದಾಗಿ ರನ್ ಗಳಿಕೆ ವೇಗ ಕುಂಠಿತವಾಯಿತು.</p><p>ಹರ್ಮನ್ ಜೊತೆಗೂಡಿದ ಅಮನ್ ಅವರು 5ನೇ ವಿಕೆಟ್ ಜೊತೆಯಾಟದಲ್ಲಿ 62 ರನ್ ಸೇರಿಸಿ ತಂಡದಲ್ಲಿ ಗೆಲುವಿನ ಭರವಸೆ ಮೂಡಿಸಿದರು.</p><p>ಜಾರ್ಜಿಯಾಗೂ ತಪ್ಪಿದ ಹ್ಯಾಟ್ರಿಕ್: 18ನೇ ಓವರ್ನಲ್ಲಿ ಜಾರ್ಜಿಯಾ ಅವರು ಸತತ ಎರಡು ಎಸೆತಗಳಲ್ಲಿ ಹರ್ಮನ್ಪ್ರೀತ್ (50; 38ಎ, 4X8) ಮತ್ತು ಸಜೀವನ್ ಸಜನಾ ಅವರ ವಿಕೆಟ್ ಗಳಿಸಿದರು. ನಂತರದ ಎಸೆತದಲ್ಲಿ ಅವರಿಗೆ ಹ್ಯಾಟ್ರಿಕ್ ಗಳಿಸುವ ಅವಕಾಶವನ್ನು ಯುವ ಬ್ಯಾಟರ್ ಜಿ. ಕಮಲಿನಿ ತಪ್ಪಿಸಿದರು. ಅಮನ್ (ಔಟಾಗದೆ 34; 27ಎ, 4X2, 6X2) ಮತ್ತು ಕಮಲಿನಿ (ಔಟಾಗದೇ 11) ತಂಡವನ್ನು ಗೆಲುವಿನತ್ತ ಮುನ್ನಡೆಸಿದರು. </p><p>ಕೊನೆಯ ಎರಡು ಓವರ್ಗಳಲ್ಲಿ 22 ರನ್ಗಳ ಅವಶ್ಯಕತೆ ಮುಂಬೈಗೆ ಇತ್ತು. ಕನಿಕಾ ಅಹುಜಾ ಹಾಕಿದ ಈ ಓವರ್ನ ಮೊದಲ ಹಾಗೂ ಕೊನೆಯ ಎಸೆತದಲ್ಲಿ ಸಿಕ್ಸರ್ ಬಾರಿಸಿದ ಅಮನ್ ಗೆಲುವಿಗೆ ಮತ್ತಷ್ಟು ಹತ್ತಿರವಾದರು. ಕೊನೆಯ ಓವರ್ನಲ್ಲಿ ಬೇಕಾದ 6 ರನ್ ಬೇಕಾಗಿದ್ದವು. ಇಬ್ಬರೂ ಬ್ಯಾಟರ್ಗಳು ತಾಳ್ಮೆಯಿಂದ ಗುರಿ ಸಾಧಿಸಿದರು.</p><h2>ಸಂಕ್ಷಿಪ್ತ ಸ್ಕೋರು: </h2>.<p><strong>ರಾಯಲ್ ಚಾಲೆಂಜರ್ಸ್ ಬೆಂಗಳೂರು:</strong> 20 ಓವರ್ಗಳಲ್ಲಿ 7ಕ್ಕೆ 167 (ಸ್ಮೃತಿ ಮಂದಾನ 26, ಎಲಿಸ್ ಪೆರಿ 81, ರಿಚಾ ಘೋಷ್ 28, ಶಬ್ನಿಮ್ ಇಸ್ಮಾಯಿಲ್ 36ಕ್ಕೆ1, ನ್ಯಾಟ್ ಶಿವರ್ ಬ್ರಂಟ್ 40ಕ್ಕೆ1, ಹೆಲಿ ಮ್ಯಾಥ್ಯೂಸ್ 37ಕ್ಕೆ1, ಸಂಸ್ಕೃತಿ ಗುಪ್ತಾ 3ಕ್ಕೆ1, ಅಮನಜ್ಯೋತ್ ಕೌರ್ 22ಕ್ಕೆ3) </p>.<p><strong>ಮುಂಬೈ ಇಂಡಿಯನ್ಸ್ :</strong> 19.5 ಓವರ್ಗಳಲ್ಲಿ 6ಕ್ಕೆ170 (ಶಿವರ್ ಬ್ರಂಟ್ 42, ಹರ್ಮನ್ಪ್ರೀತ್ ಕೌರ್ 50, ಅಮನ್ಜೋತ್ ಕೌರ್ ಔಟಾಗದೇ 34, ಜಿ. ಕಮಲಿನಿ ಔಟಾಗದೇ 11, ಗಾರ್ಥ್ 30ಕ್ಕೆ2, ವೇರ್ಹ್ಯಾಮ್ 21ಕ್ಕೆ3) ಫಲಿತಾಂಶ:ಮುಂಬೈ ಇಂಡಿಯನ್ಸ್ಗೆ 4 ವಿಕೆಟ್ ಜಯ. ಪಂದ್ಯದ ಆಟಗಾರ್ತಿ: ಅಮನ್ಜೋತ್ ಕೌರ್ </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಶುಕ್ರವಾರ ಕಿಕ್ಕಿರಿದು ಸೇರಿದ್ದ ಅಭಿಮಾನಿಗಳಿಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ವಿಜಯದ ಸಂಭ್ರಮ ಆಚರಿಸುವ ಅವಕಾಶ ಸಿಗಲಿಲ್ಲ. ಮುಂಬೈ ಇಂಡಿಯನ್ಸ್ ತಂಡದ ನಾಯಕಿ ಹರ್ಮನ್ಪ್ರೀತ್ ಕೌರ್ ಮತ್ತು ಅಮನ್ಜೋತ್ ಕೌರ್ ಅವರ ಜೊತೆಯಾಟಕ್ಕೇ ಜಯ ಒಲಿಯಿತು.</p><p>ಇಲ್ಲಿ ನಡೆದ ಮಹಿಳಾ ಪ್ರೀಮಿಯರ್ ಲೀಗ್ ಟೂರ್ನಿಯ 3ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡವು 4 ವಿಕೆಟ್ಗಳಿಂದ ರೋಚಕ ಜಯ ಸಾಧಿಸಿದಾಗ, ಇನಿಂಗ್ಸ್ನಲ್ಲಿ ಇನ್ನೊಂದು ಎಸೆತ ಮಾತ್ರ ಬಾಕಿ ಇತ್ತು. ವಡೋದರಾದಲ್ಲಿ ನಡೆದಿದ್ದ ಟೂರ್ನಿಯ ಮೊದಲ ಸುತ್ತಿನ ಎರಡು ಪಂದ್ಯಗಳಲ್ಲಿ ಆರ್ಸಿಬಿ ಜಯಿಸಿತ್ತು. ತವರಿನಂಗಳದಲ್ಲಿ ಆಡಿದ ಮೊದಲ ಪಂದ್ಯದಲ್ಲಿಯೂ ಗೆದ್ದ ಹ್ಯಾಟ್ರಿಕ್ ಸಾಧಿಸುವ ವಿಶ್ವಾಸದಲ್ಲಿತ್ತು. </p><p>168 ರನ್ಗಳ ಗೆಲುವಿನ ಗುರಿ ಬೆನ್ನಟ್ಟಿದ್ದ ಮುಂಬೈ ತಂಡದ ಆರಂಭ ಉತ್ತಮವಾಗಿರಲಿಲ್ಲ. ಮೊದಲ ವಿಕೆಟ್ ಪತನವಾದಾಗ 9 ರನ್ಗಳಷ್ಟೇ ತಂಡದ ಖಾತೆಯಲ್ಲಿದ್ದವು. ಹೆಲಿ ಮ್ಯಾಥ್ಯೂಸ್ (15 ರನ್) ಮತ್ತು ನ್ಯಾಟ್ ಶಿವರ್ ಬ್ರಂಟ್ (42; 21ಎ, 4X9) ಚೇತರಿಕೆ ನೀಡಿದರು. ಇದರಿಂದಾಗಿ ಪವರ್ಪ್ಲೇನಲ್ಲಿಯೇ ತಂಡವು 66 ರನ್ ಗಳಿಸಿ 2 ವಿಕೆಟ್ ಕಳೆದುಕೊಂಡಿತು.</p><p>ಈ ಹಂತದಲ್ಲಿ ಕ್ರೀಸ್ಗೆ ಬಂದ ನಾಯಕಿ ಹರ್ಮನ್ ಲಯ ಕಂಡುಕೊಂಡರು. ಆದರೆ ಕಿಮ್ ಗಾರ್ಥ್ ಅವರ ಓವರ್ ನಲ್ಲಿ ಬ್ರಂಟ್ ಮತ್ತು ಜಾರ್ಜಿಯಾ ಬೌಲಿಂಗ್ನಲ್ಲಿ ಅಮೆಲಿಯಾ ಕೆರ್ ಔಟಾದರು. ಇದರಿಂದಾಗಿ ರನ್ ಗಳಿಕೆ ವೇಗ ಕುಂಠಿತವಾಯಿತು.</p><p>ಹರ್ಮನ್ ಜೊತೆಗೂಡಿದ ಅಮನ್ ಅವರು 5ನೇ ವಿಕೆಟ್ ಜೊತೆಯಾಟದಲ್ಲಿ 62 ರನ್ ಸೇರಿಸಿ ತಂಡದಲ್ಲಿ ಗೆಲುವಿನ ಭರವಸೆ ಮೂಡಿಸಿದರು.</p><p>ಜಾರ್ಜಿಯಾಗೂ ತಪ್ಪಿದ ಹ್ಯಾಟ್ರಿಕ್: 18ನೇ ಓವರ್ನಲ್ಲಿ ಜಾರ್ಜಿಯಾ ಅವರು ಸತತ ಎರಡು ಎಸೆತಗಳಲ್ಲಿ ಹರ್ಮನ್ಪ್ರೀತ್ (50; 38ಎ, 4X8) ಮತ್ತು ಸಜೀವನ್ ಸಜನಾ ಅವರ ವಿಕೆಟ್ ಗಳಿಸಿದರು. ನಂತರದ ಎಸೆತದಲ್ಲಿ ಅವರಿಗೆ ಹ್ಯಾಟ್ರಿಕ್ ಗಳಿಸುವ ಅವಕಾಶವನ್ನು ಯುವ ಬ್ಯಾಟರ್ ಜಿ. ಕಮಲಿನಿ ತಪ್ಪಿಸಿದರು. ಅಮನ್ (ಔಟಾಗದೆ 34; 27ಎ, 4X2, 6X2) ಮತ್ತು ಕಮಲಿನಿ (ಔಟಾಗದೇ 11) ತಂಡವನ್ನು ಗೆಲುವಿನತ್ತ ಮುನ್ನಡೆಸಿದರು. </p><p>ಕೊನೆಯ ಎರಡು ಓವರ್ಗಳಲ್ಲಿ 22 ರನ್ಗಳ ಅವಶ್ಯಕತೆ ಮುಂಬೈಗೆ ಇತ್ತು. ಕನಿಕಾ ಅಹುಜಾ ಹಾಕಿದ ಈ ಓವರ್ನ ಮೊದಲ ಹಾಗೂ ಕೊನೆಯ ಎಸೆತದಲ್ಲಿ ಸಿಕ್ಸರ್ ಬಾರಿಸಿದ ಅಮನ್ ಗೆಲುವಿಗೆ ಮತ್ತಷ್ಟು ಹತ್ತಿರವಾದರು. ಕೊನೆಯ ಓವರ್ನಲ್ಲಿ ಬೇಕಾದ 6 ರನ್ ಬೇಕಾಗಿದ್ದವು. ಇಬ್ಬರೂ ಬ್ಯಾಟರ್ಗಳು ತಾಳ್ಮೆಯಿಂದ ಗುರಿ ಸಾಧಿಸಿದರು.</p><h2>ಸಂಕ್ಷಿಪ್ತ ಸ್ಕೋರು: </h2>.<p><strong>ರಾಯಲ್ ಚಾಲೆಂಜರ್ಸ್ ಬೆಂಗಳೂರು:</strong> 20 ಓವರ್ಗಳಲ್ಲಿ 7ಕ್ಕೆ 167 (ಸ್ಮೃತಿ ಮಂದಾನ 26, ಎಲಿಸ್ ಪೆರಿ 81, ರಿಚಾ ಘೋಷ್ 28, ಶಬ್ನಿಮ್ ಇಸ್ಮಾಯಿಲ್ 36ಕ್ಕೆ1, ನ್ಯಾಟ್ ಶಿವರ್ ಬ್ರಂಟ್ 40ಕ್ಕೆ1, ಹೆಲಿ ಮ್ಯಾಥ್ಯೂಸ್ 37ಕ್ಕೆ1, ಸಂಸ್ಕೃತಿ ಗುಪ್ತಾ 3ಕ್ಕೆ1, ಅಮನಜ್ಯೋತ್ ಕೌರ್ 22ಕ್ಕೆ3) </p>.<p><strong>ಮುಂಬೈ ಇಂಡಿಯನ್ಸ್ :</strong> 19.5 ಓವರ್ಗಳಲ್ಲಿ 6ಕ್ಕೆ170 (ಶಿವರ್ ಬ್ರಂಟ್ 42, ಹರ್ಮನ್ಪ್ರೀತ್ ಕೌರ್ 50, ಅಮನ್ಜೋತ್ ಕೌರ್ ಔಟಾಗದೇ 34, ಜಿ. ಕಮಲಿನಿ ಔಟಾಗದೇ 11, ಗಾರ್ಥ್ 30ಕ್ಕೆ2, ವೇರ್ಹ್ಯಾಮ್ 21ಕ್ಕೆ3) ಫಲಿತಾಂಶ:ಮುಂಬೈ ಇಂಡಿಯನ್ಸ್ಗೆ 4 ವಿಕೆಟ್ ಜಯ. ಪಂದ್ಯದ ಆಟಗಾರ್ತಿ: ಅಮನ್ಜೋತ್ ಕೌರ್ </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
