ತವರಿನ ಹೊರಗೂ ಶಕ್ತ ತಂಡ: ತವರಿನಲ್ಲಿ ಉತ್ತಮ ಆಟ ಆಡಿರುವ ಬಿಎಫ್ಸಿ ತವರಿನಿಂದ ಆಚೆಗೂ ತನ್ನ ಸಾಮರ್ಥ್ಯವನ್ನು ಮೆರೆದಿದೆ. ಈ ವರೆಗೆ ಆಡಿದ ನಾಲ್ಕೂ ಪಂದ್ಯಗಳನ್ನು ಗೆದ್ದಿದೆ. ಮಿಕು ಅನುಪಸ್ಥಿತಿಯಲ್ಲೂ ಫಾರ್ವರ್ಡ್ ವಿಭಾಗ ತನ್ನ ಶಕ್ತಿಯನ್ನು ಮೆರೆದಿದೆ. ಮಿಡ್ಫೀಲ್ಡ್ ವಿಭಾಗದಲ್ಲಿ ಉದಾಂತ ಸಿಂಗ್, ದಿಮಾಸ್ ಡೆಲ್ಗಾಡೊ ಮತ್ತು ಎರಿಕ್ ಪಾರ್ಟಲು ಬಲಿಷ್ಠರಾಗಿದ್ದಾರೆ. ಅವರನ್ನು ವಂಚಿಸಿ ಮುನ್ನುಗ್ಗುವ ಸವಾಲು ಜೋಸ್ ಲೀಡೊ ಮತ್ತು ರಾವ್ಲಿಂಗ್ ಬೋರ್ಜೆಸ್ ಮೇಲಿದೆ.