ಜೂರಿಚ್: ದೋಹಾದಲ್ಲಿ ನಡೆಯಲಿರುವ ಫಿಫಾ ವಿಶ್ವಕಪ್ ಟೂರ್ನಿಯ ಆರಂಭವನ್ನು ಒಂದು ದಿನ ಮುಂದೂಡಲಾಗಿದೆ.
ಇದರಿಂದಾಗಿ ಟೂರ್ನಿಯು ನವೆಂಬರ್ 20ರಂದು ಆರಂಭವಾಗಲಿದೆ. ಮೊದಲ ಪಂದ್ಯದಲ್ಲಿ ಆತಿಥೇಯ ಕತಾರ್ ಹಾಗೂ ಇಕ್ವೆಡಾರ್ ತಂಡಗಳು ಮುಖಾಮುಖಿಯಾಗಲಿವೆ. ಫಿಫಾ ಈ ನಿರ್ಧಾರವನ್ನು ಗುರುವಾರ ಕೈಗೊಂಡಿತು. ಕತಾರ್ ದೇಶದವರಿಗಾಗಿ ಭಾನುವಾರದ ಸಂಜೆಯೊಂದನ್ನು ಮೀಸಲಿಡಲು ಈ ತೀರ್ಮಾನ ಮಾಡಲಾಗಿದೆ.
ಏಳು ವರ್ಷಗಳ ಹಿಂದೆ ಟೂರ್ನಿಯ ಆಯೋಜನೆಯನ್ನು ಮಂಜೂರು ಮಾಡಿದಾಗ ಜೂನ್‌–ಜುಲೈನಲ್ಲಿ ಟೂರ್ನಿ ನಡೆಸುವ ವೇಳಾಪಟ್ಟಿ ಇತ್ತು. ಆದರೆ, ಈ ಎರಡೂ ತಿಂಗಳುಗಲ್ಲಿ ಕತಾರ್‌ನಲ್ಲಿ ಬೇಸಿಗೆ ಬೇಗೆ ತಾರಕಕ್ಕೇರಿರುತ್ತದೆ. ಆದ್ದರಿಂದ ನವೆಂಬರ್ –ಡಿಸೆಂಬರ್‌ಗೆ ಮುಂದೂಡಲಾಗಿತ್ತು.
