ಶುಕ್ರವಾರ, ಫೆಬ್ರವರಿ 28, 2020
19 °C
ಸಂಧ್ಯಾ ಮಿಂಚು

ರಾಷ್ಟ್ರೀಯ ಮಹಿಳಾ ಲೀಗ್‌ ಫುಟ್‌ಬಾಲ್‌ ಟೂರ್ನಿ: ಸೇತು ಎಫ್‌ಸಿ ಜಯಭೇರಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಎರಡು ಗೋಲು ಗಳಿಸಿದ ಸಂಧ್ಯಾ, ಹಾಲಿ ಚಾಂಪಿಯನ್‌ ಸೇತು ಎಫ್‌ಸಿ ತಂಡಕ್ಕೆ ಗೆಲುವು ತಂದುಕೊಟ್ಟರು. ರಾಷ್ಟ್ರೀಯ ಮಹಿಳಾ ಲೀಗ್‌ ಫುಟ್‌ಬಾಲ್‌ ಟೂರ್ನಿಯಲ್ಲಿ ಭಾನುವಾರ ನಡೆದ ‘ಎ’ ಗುಂಪಿನ ಪಂದ್ಯದಲ್ಲಿ ಆ ತಂಡ ಕಿಕ್‌ಸ್ಟಾರ್ಟ್‌ ಎಫ್‌ಸಿ ಕರ್ನಾಟಕ ಎದುರು 3–0ಯಿಂದ ಗೆದ್ದಿತು.

ಇಲ್ಲಿನ ಅಶೋಕನಗರದಲ್ಲಿರುವ ಬೆಂಗಳೂರು ಫುಟ್‌ಬಾಲ್‌ ಕ್ರೀಡಾಂಗಣದಲ್ಲಿ ಸಂಧ್ಯಾ 12ನೇ ನಿಮಿಷದಲ್ಲಿಯೇ ಗೋಲು ದಾಖಲಿಸಿ ತಂಡಕ್ಕೆ ಮುನ್ನಡೆ ತಂದರು. ಅಮ್ಸವಲಿ ನೀಡಿದ ಪಾಸ್‌ನಲ್ಲಿ ಚೆಂಡನ್ನು ಗುರಿ ಸೇರಿಸುವಲ್ಲಿ ಅವರು ತಪ್ಪು ಮಾಡಲಿಲ್ಲ. 39ನೇ ನಿಮಿಷದಲ್ಲಿ ಕೆ. ಸುಮಿತ್ರಾ ಗಳಿಸಿದ ಗೋಲಿನಿಂದ ಸೇತು ಎಫ್‌ಸಿಯ ಮುನ್ನಡೆ 2–0ಗೆ ಹಿಗ್ಗಿತು. 

ಪಂದ್ಯದ ಕೊನೆಯ ಹಂತದಲ್ಲಿ (90ನೇ ನಿಮಿಷ) ಮತ್ತೊಮ್ಮೆ ಕಾಲ್ಚಳಕ ತೋರಿದ ಸಂಧ್ಯಾ ತಮ್ಮ ತಂಡದ ಗೆಲುವನ್ನು ಖಚಿತಪಡಿಸಿದರು.

ಮತ್ತೊಂದು ಪಂದ್ಯದಲ್ಲಿ ಕ್ರಿಪ್‌ಶಾ ಎಫ್‌ಸಿ ತಂಡವು ಪಂಜಾಬ್‌ನ ಬಿಬಿಕೆ ಡಿಎವಿ ಎಫ್‌ಸಿ ಎದುರು 4–0ಯಿಂದ ಜಯ ಸಾಧಿಸಿತು.

ವಿಜೇತ ತಂಡದ ಪರ ನಾಯಕಿ ನೊಂಗುಜೈದೆಮ್‌ ರತನ್‌ ಬಾಲಾದೇವಿ ಎರಡು ಗೋಲು (61, 85ನೇ ನಿಮಿಷ) ಹೊಡೆದರು.  18ನೇ ನಿಮಿಷದಲ್ಲಿ ಅಂಜು ತಮಂಗ್ ಯಶಸ್ಸು ಕಂಡರೆ, ಮತ್ತೊಂದು ಗೋಲನ್ನು ಸ್ವೀಟಿ ದೇವಿ (95+5) ದಾಖಲಿಸಿದರು.

ಇಂದಿನ ಪಂದ್ಯಗಳು

ಎಫ್‌ಸಿ ಕೊಲ್ಹಾಪುರ–ಬರೋಡಾ ಎಫ್‌ಎ

ಆರಂಭ: ಮಧ್ಯಾಹ್ನ 12 ಗಂಟೆ

ಶ್ರೀಭೂಮಿ ಎಫ್‌ಸಿ–ಕೆಂಕ್ರೆ ಎಫ್‌ಸಿ

ಆರಂಭ: ಮಧ್ಯಾಹ್ನ 3 ಗಂಟೆ

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು