<p><strong>ಬರ್ಲಿನ್:</strong> ಕ್ರೀಡಾಂಗಣಗಳನ್ನು ಪ್ರೇಕ್ಷಕರಿಂದ ಭರ್ತಿಗೊಳಿಸುವ ಉದ್ದೇಶದಿಂದ ಸಾಮೂಹಿಕ ಕೊರೊನಾ ಸೋಂಕು ತಪಾಸಣೆ ನಡೆಸಲು ಜರ್ಮನಿಯ ಫುಟ್ಬಾಲ್ ಕ್ಲಬ್ ಯೂನಿಯನ್ ನಿರ್ಧರಿಸಿದೆ. ಸೆಪ್ಟೆಂಬರ್ನಲ್ಲಿ ಭಾರಿ ಪ್ರೇಕ್ಷಕರ ಸಮ್ಮುಖದಲ್ಲಿ ಪಂದ್ಯಗಳನ್ನು ಆಯೋಜಿಸಿಸಲು ಅದು ಚಿಂತನೆ ನಡೆಸಿದೆ.</p>.<p>22,012 ಆಸನಸಾಮರ್ಥ್ಯದ ಕ್ರೀಡಾಂಗಣವನ್ನು ಭರ್ತಿಗೊಳಿಸಲು ಪ್ರತಿ ಪಂದ್ಯದಲ್ಲೂ ತಪಾಸಣೆ ನಡೆಸುವುದಾಗಿ ಬಂಡೆಸ್ಲಿಗಾ ಕ್ಲಬ್ ಹೇಳಿದೆ. ’ಪಂದ್ಯ ಶುರುವಾಗುವ 24 ಗಂಟೆಯೊಳಗೆ ಪ್ರತಿ ಪ್ರೇಕ್ಷಕರು ತಪಾಸಣೆಗೆ ಒಳಗಾಗಿ ’ಕೊರೊನಾ ನೆಗೆಟಿವ್‘ ಎಂದು ಖಚಿತಪಡಿಸಿಕೊಂಡು ಬರಬೇಕು‘ ಎಂದು ಕ್ಲಬ್ ತಿಳಿಸಿದೆ.</p>.<p>ಈ ಋತುವಿನಲ್ಲಿ ಜರ್ಮನಿಯಲ್ಲಿ ನಡೆಯುವ ಲೀಗ್ಗಳು ಸೆಪ್ಟೆಂಬರ್ 18ರಿಂದ ಆರಂಭಗೊಳ್ಳುವ ಸಾಧ್ಯತೆಯಿದೆ. ಇತರ ಕ್ಲಬ್ಗಳು ಅಂತರ ಕಾಯ್ದುಕೊಳ್ಳುವ ವ್ಯವಸ್ಥೆಯನ್ನು ರೂಪಿಸಿ ಪಂದ್ಯ ಆಡಿಸಿವೆ. ಆದರೆ ಜರ್ಮನ್ ಯೂನಿಯನ್ನ ಬಹುತೇಕ ಕ್ರೀಡಾಂಗಣಗಳ ಗ್ಯಾಲರಿಗಳಲ್ಲಿ ಪ್ರೇಕ್ಷಕರು ಒತ್ತೊತ್ತಾಗಿ ಕೂಡುವಂತಹ ಆಸನ ವ್ಯವಸ್ಥೆ ಇದೆ.</p>.<p>’ನಮ್ಮ ಕ್ರೀಡಾಂಗಣಗಳಲ್ಲಿ ಅಂತರ ಕಾಪಾಡುವುದಕ್ಕೆ ಸಾಧ್ಯವಿಲ್ಲ. ಪ್ರೇಕ್ಷಕರ ಹರ್ಷೋದ್ಗಾರಕ್ಕೆ ಅವಕಾಶ ಇಲ್ಲದಿದ್ದರೆ ಅದು ಯೂನಿಯನ್ ಎನಿಸಿಕೊಳ್ಳುವುದಿಲ್ಲ. ಯಾವೊಬ್ಬ ಸೋಂಕಿತರು ಕ್ರೀಡಾಂಗಣ ಪ್ರವೇಶಕ್ಕೆ ಅವಕಾಶ ಕೊಡಬಾರದು. ಯೂನಿಯನ್ ಕ್ಲಬ್ನ ಸದಸ್ಯರು ಮತ್ತು ಅಭಿಮಾನಿಗಳಿಗೂಇದು ಅನ್ವಯಿಸುತ್ತದೆ‘ ಎಂದು ಕ್ಲಬ್ನ ಅಧ್ಯಕ್ಷ ಡರ್ಕ್ ಜಿಂಗ್ಲರ್ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬರ್ಲಿನ್:</strong> ಕ್ರೀಡಾಂಗಣಗಳನ್ನು ಪ್ರೇಕ್ಷಕರಿಂದ ಭರ್ತಿಗೊಳಿಸುವ ಉದ್ದೇಶದಿಂದ ಸಾಮೂಹಿಕ ಕೊರೊನಾ ಸೋಂಕು ತಪಾಸಣೆ ನಡೆಸಲು ಜರ್ಮನಿಯ ಫುಟ್ಬಾಲ್ ಕ್ಲಬ್ ಯೂನಿಯನ್ ನಿರ್ಧರಿಸಿದೆ. ಸೆಪ್ಟೆಂಬರ್ನಲ್ಲಿ ಭಾರಿ ಪ್ರೇಕ್ಷಕರ ಸಮ್ಮುಖದಲ್ಲಿ ಪಂದ್ಯಗಳನ್ನು ಆಯೋಜಿಸಿಸಲು ಅದು ಚಿಂತನೆ ನಡೆಸಿದೆ.</p>.<p>22,012 ಆಸನಸಾಮರ್ಥ್ಯದ ಕ್ರೀಡಾಂಗಣವನ್ನು ಭರ್ತಿಗೊಳಿಸಲು ಪ್ರತಿ ಪಂದ್ಯದಲ್ಲೂ ತಪಾಸಣೆ ನಡೆಸುವುದಾಗಿ ಬಂಡೆಸ್ಲಿಗಾ ಕ್ಲಬ್ ಹೇಳಿದೆ. ’ಪಂದ್ಯ ಶುರುವಾಗುವ 24 ಗಂಟೆಯೊಳಗೆ ಪ್ರತಿ ಪ್ರೇಕ್ಷಕರು ತಪಾಸಣೆಗೆ ಒಳಗಾಗಿ ’ಕೊರೊನಾ ನೆಗೆಟಿವ್‘ ಎಂದು ಖಚಿತಪಡಿಸಿಕೊಂಡು ಬರಬೇಕು‘ ಎಂದು ಕ್ಲಬ್ ತಿಳಿಸಿದೆ.</p>.<p>ಈ ಋತುವಿನಲ್ಲಿ ಜರ್ಮನಿಯಲ್ಲಿ ನಡೆಯುವ ಲೀಗ್ಗಳು ಸೆಪ್ಟೆಂಬರ್ 18ರಿಂದ ಆರಂಭಗೊಳ್ಳುವ ಸಾಧ್ಯತೆಯಿದೆ. ಇತರ ಕ್ಲಬ್ಗಳು ಅಂತರ ಕಾಯ್ದುಕೊಳ್ಳುವ ವ್ಯವಸ್ಥೆಯನ್ನು ರೂಪಿಸಿ ಪಂದ್ಯ ಆಡಿಸಿವೆ. ಆದರೆ ಜರ್ಮನ್ ಯೂನಿಯನ್ನ ಬಹುತೇಕ ಕ್ರೀಡಾಂಗಣಗಳ ಗ್ಯಾಲರಿಗಳಲ್ಲಿ ಪ್ರೇಕ್ಷಕರು ಒತ್ತೊತ್ತಾಗಿ ಕೂಡುವಂತಹ ಆಸನ ವ್ಯವಸ್ಥೆ ಇದೆ.</p>.<p>’ನಮ್ಮ ಕ್ರೀಡಾಂಗಣಗಳಲ್ಲಿ ಅಂತರ ಕಾಪಾಡುವುದಕ್ಕೆ ಸಾಧ್ಯವಿಲ್ಲ. ಪ್ರೇಕ್ಷಕರ ಹರ್ಷೋದ್ಗಾರಕ್ಕೆ ಅವಕಾಶ ಇಲ್ಲದಿದ್ದರೆ ಅದು ಯೂನಿಯನ್ ಎನಿಸಿಕೊಳ್ಳುವುದಿಲ್ಲ. ಯಾವೊಬ್ಬ ಸೋಂಕಿತರು ಕ್ರೀಡಾಂಗಣ ಪ್ರವೇಶಕ್ಕೆ ಅವಕಾಶ ಕೊಡಬಾರದು. ಯೂನಿಯನ್ ಕ್ಲಬ್ನ ಸದಸ್ಯರು ಮತ್ತು ಅಭಿಮಾನಿಗಳಿಗೂಇದು ಅನ್ವಯಿಸುತ್ತದೆ‘ ಎಂದು ಕ್ಲಬ್ನ ಅಧ್ಯಕ್ಷ ಡರ್ಕ್ ಜಿಂಗ್ಲರ್ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>