ಶುಕ್ರವಾರ, ಜೂನ್ 5, 2020
27 °C

ಮೆಕ್ಸಿಕೊ|ಸ್ಯಾಂಟೋಸ್ ಲಗುನಾ ತಂಡದ ಎಂಟು ಫುಟ್‌ಬಾಲ್ ಆಟಗಾರರಿಗೆ ಕೋವಿಡ್

ಎಎಫ್‌ಪಿ Updated:

ಅಕ್ಷರ ಗಾತ್ರ : | |

ಮೆಕ್ಸಿಕೊ ಸಿಟಿ: ಮೆಕ್ಸಿಕೊದ ಪ್ರಮುಖ ಫುಟ್‌ಬಾಲ್ ತಂಡವಾದ ಸ್ಯಾಂಟೋಸ್ ಲಗುನಾದ ಎಂಟು ಮಂದಿ ಆಟಗಾರರಿಗೆ ಕೋವಿಡ್ ಇರುವುದು ದೃಢಪಟ್ಟಿದೆ. ಈ ವಿಷಯವನ್ನು ಕ್ಲಬ್ ಗುರುವಾರ ಬಹಿರಂಗ ಮಾಡಿದೆ. ಇದು, ರಾಷ್ಟ್ರೀಯ ಫುಟ್‌ಬಾಲ್ ಲೀಗ್ ಆಯೋಜಿಸಲು ಸಜ್ಜಾಗಿದ್ದ ಮೆಕ್ಸಿಕೊ ಫುಟ್‌ಬಾಲ್ ಸಂಸ್ಥೆಗೆ ಆಘಾತ ನೀಡಿದೆ.

ಕೊರೊನಾ ಹಾವಳಿಯಿಂದಾಗಿ ಇಲ್ಲಿ ಕ್ರೀಡಾ ಚಟುವಟಿಕೆ ಎರಡು ತಿಂಗಳಿಂದ ಸ್ಥಗಿತಗೊಂಡಿದ್ದು ಕೆಲವೇ ದಿನಗಳಲ್ಲಿ ಮೆಕ್ಸಿಕನ್ ಲೀಗ್ ಆಯೋಜಿಸುವ ಕುರಿತು ಚಿಂತನೆ ನಡೆದಿತ್ತು. ಇದಕ್ಕಾಗಿ ಆಟಗಾರರನ್ನು ಕೋವಿಡ್ ಪರೀಕ್ಷೆಗೆ ಒಳಪಡಿಸಲಾಗುತ್ತಿದೆ. ಸ್ಯಾಂಟೋಸ್ ಲಗುನಾ ತಂಡದ ಒಟ್ಟು 48 ಆಟಗಾರರ ಮಾದರಿಯನ್ನು ಸಂಗ್ರಹಿಸಲಾಗಿದ್ದು 22 ಮಂದಿಯ ವರದಿ ಮಾತ್ರ ಬಂದಿದೆ. ಇನ್ನಷ್ಟು ಮಂದಿಗೆ ಕೋವಿಡ್ ಇರುವ ಸಾಧ್ಯತೆ ಇದೆ ಎಂದು ಕ್ಲಬ್ ವ್ಯವಸ್ಥಾಪಕ ಅಲೆಗ್ಸಾಂಡ್ರೊ ಇರಗೊರಿ ಆತಂಕ ವ್ಯಕ್ತಪಡಿಸಿದ್ದಾರೆ.

ಗ್ವಡಲಜರ ಮತ್ತು ಮಾಂಟೆರಿ ಕ್ಲಬ್‌ಗಳು ಕೂಡ ಆಟಗಾರರನ್ನು ಪರೀಕ್ಷೆಗೆ ಒಳಪಡಿಸಿದ್ದು ಮಾಂಟೆರಿಯ ಯಾರಿಗೂ ಕೋವಿಡ್ ಇರುವುದು ದೃಢಪಟ್ಟಿಲ್ಲ ಎಂದು ಕ್ಲಬ್ ತಿಳಿಸಿದೆ. ಮೆಕ್ಸಿಕೊದಲ್ಲಿ ಈ ವರೆಗೆ ಆರು ಸಾವಿರಕ್ಕೂ ಹೆಚ್ಚು ಮಂದಿ ಕೋವಿಡ್‌ನಿಂದ ಪ್ರಾಣ ಕಳೆದುಕೊಂಡಿದ್ದಾರೆ. ಲ್ಯಾಟಿನ್ ಅಮೆರಿಕದಲ್ಲಿ ಅತಿಹೆಚ್ಚು ಮಂದಿ ಸಾವಿಗೀಡಾದ ಎರಡನೇ ದೇಶವಾಗಿದೆ. ಬ್ರೆಜಿಲ್‌ ಮೊದಲ ಸ್ಥಾನದಲ್ಲಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು