ಪ್ಯಾರಿಸ್‌: ಬ್ರೆಜಿಲ್‌ನ ಸ್ಟಾರ್‌ ಆಟಗಾರ ನೇಮರ್‌, ಮುಂದಿನ ಋತುವಿನಲ್ಲಿ ಚಾಂಪಿಯನ್ಸ್‌ ಲೀಡ್‌ನ ಮೂರು ಪಂದ್ಯಗಳನ್ನು ಕಳೆದುಕೊಳ್ಳಲಿದ್ದಾರೆ ಎಂದು ಯುಎಎಫ್‌ಎ ಬುಧವಾರ ಖಚಿತಪಡಿಸಿದೆ.
ಪ್ಯಾರಿಸ್‌ ಸೇಂಟ್‌ ಜರ್ಮೈನ್ಸ್ ಮತ್ತು ಮ್ಯಾಂಚೆಸ್ಟರ್‌ ಯುನೈಟೆಡ್‌ ನಡುವಣ ಪಂದ್ಯಕ್ಕೆ ಸಂಬಂಧಿಸಿ ರೆಫ್ರಿಯನ್ನು ಅವಮಾನಿಸಿದ್ದಕ್ಕಾಗಿ ಜಗತ್ತಿನ ಈ ಅತಿ ಶ್ರೀಮಂತ ಆಟಗಾರ ಮೇಲೆ 3 ಪಂದ್ಯಗಳ ನಿಷೇಧ ಹೇರಲಾಗಿದೆ.
ಯುಇಎಫ್‌ಎನ ಶಿಸ್ತು ಸಮಿತಿ ಏಪ್ರಿಲ್‌ನಲ್ಲಿ ನಿಷೇಧ ಹೇರಿತ್ತು. ಇದರ ವಿರುದ್ಧ ಪಿಎಸ್‌ಜಿ ಮನವಿ ಸಲ್ಲಿಸಿತ್ತು. ಆದರೆ ಅದರ ಮನವಿಯನ್ನು ತಿರಸ್ಕರಿಸಲಾಯಿತು. ಬುಧವಾರ ನಿಷೇಧವನ್ನು ಅಧಿಕೃತಗೊಳಿಸಲಾಯಿತು ಎಂದು ಯುಇಎಫ್‌ಎ ತಿಳಿಸಿದೆ.
ಎರಡು ವರ್ಷ ಹಿಂದೆ ₹ 1,733 ಕೋಟಿ ಕೊಟ್ಟು ಪಿಎಸ್‌ಜಿ ತಂಡ ಅವರನ್ನು ಖರೀದಿಸಿತ್ತು.
