ರಾಮೋಸ್ ಗೋಲಿನಿಂದ ಗೆಟಫೆ ವಿರುದ್ಧ ಮ್ಯಾಡ್ರಿಡ್‌ಗೆ ಜಯ
ಅಕ್ಷರ ಗಾತ್ರ :ಆ |ಆ |ಆ
ಬಾರ್ಸಿಲೋನಾ: ಸ್ಪೇನ್‌ನ ಸೆರ್ಜಿಯೊ ರಾಮೋಸ್ ಅವರು ಪಂದ್ಯದ ಕೊನೆಯ ಹಂತದಲ್ಲಿ ಗಳಿಸಿದ ಗೋಲಿನ ಬಲದಿಂದ ರಿಯಲ್‌ ಮ್ಯಾಡ್ರಿಡ್‌ ತಂಡ 1–0ಯಿಂದ ಗೆಟಫೆ ವಿರುದ್ಧ ಜಯಿಸಿತು. ಇದರೊಂದಿಗೆ ಸ್ಪ್ಯಾನಿಷ್‌ ಲೀಗ್‌ ಫುಟ್ಬಾಲ್ ಟೂರ್ನಿಯಲ್ಲಿ ಅಗ್ರಸ್ಥಾನದಲ್ಲಿ ಮುಂದುವರಿದಿದೆ.
ಪಂದ್ಯದ 79ನೇ ನಿಮಿಷದಲ್ಲಿ ದೊರೆತ ಪೆನಾಲ್ಟಿ ಅವಕಾಶವನ್ನು ಸ್ಪಾಟ್‌ ಕಿಕ್‌ ಮೂಲಕ ಗೋಲಾಗಿ ಪರಿವರ್ತಿಸಿದ ರಾಮೋಸ್, ತಂಡದ ಸಂಭ್ರಮಕ್ಕೆ ಕಾರಣವಾದರು. ಗೆಟಫೆ ತಂಡದ ಕಳಪೆ ಡಿಫೆನ್ಸ್‌ ಕೂಡ ಇದಕ್ಕೆ ಕಾರಣವಾಯಿತು.
ರಿಯಲ್‌ ಮ್ಯಾಡ್ರಿಡ್‌ನ ಈ ಗೆಲುವಿನೊಂದಿಗೆ ಬಾರ್ಸಿಲೋನಾ ತಂಡದ ಪದಕ ಗೆಲ್ಲುವ ಆಸೆ ಮತ್ತಷ್ಟು ಕ್ಷೀಣಿಸಿದೆ. ಕೋವಿಡ್‌ ಪಿಡುಗಿನ ಹಾವಳಿಯ ಬಳಿಕ ಆರಂಭವಾಗ ಲೀಗ್‌ನಲ್ಲಿ ತಂಡವು ಆಡಿದ ನಾಲ್ಕು ಪಂದ್ಯಗಳ ಪೈಕಿ ಮೂರರಲ್ಲಿ ಡ್ರಾ ಸಾಧಿಸಿದೆ. ಮಂಗಳವಾರ ನಡೆದ ಅಟ್ಲೆಟಿಕೊ ಎದುರು ನಡೆದ ಪಂದ್ಯದಲ್ಲೂ 2–2 ಡ್ರಾಕ್ಕೆ ಸಮಾಧಾನಪಟ್ಟಿತ್ತು.
ಈ ಋತುವಿನ ಲೀಗ್‌ನಲ್ಲಿ ರಾಮೋಸ್ ಗಳಿಸಿದ ಒಂಬತ್ತನೇ ಗೋಲು ಇದು. ಲೀಗ್‌ನ ಎಲ್ಲ ಆರೂ ಪಂದ್ಯಗಳಲ್ಲಿ ಮ್ಯಾಡ್ರಿಡ್‌ ಗೆಲುವು ಸಾಧಿಸಿದೆ. ಕೋವಿಡ್‌ ಪಿಡುಗಿನ ಹಿನ್ನೆಲೆಯಲ್ಲಿ ಮೂರು ತಿಂಗಳ ಕಾಲ ಲೀಗ್‌ ಸ್ಥಗಿತಗೊಂಡಿತ್ತು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
