<p><strong>*ಈ ಬಾರಿಯ ಮಹಿಳಾ ಲೀಗ್ನಲ್ಲಿ ಗರಿಷ್ಠ (18) ಗೋಲು ಗಳಿಸಿದ ಆಟಗಾರ್ತಿ. ಲೀಗ್ನಲ್ಲಿ ಹ್ಯಾಟ್ರಿಕ್ ಕೂಡ ಗಳಿಸಿದ್ದೀರಿ. ಈ ಸಾಧನೆಗಳನ್ನು ಹೇಗೆ ವಿಶ್ಲೇಷಿಸುತ್ತೀರಿ?</strong></p>.<p>ಗರಿಷ್ಠ ಗೋಲು ದಾಖಲಿಸಿದ ಸಾಧನೆ ಮಾಡಿರುವುದು ಖುಷಿ ತಂದಿದೆ. ಅಪರೂಪದ ಆಟಗಾರ್ತಿ ಆಗಬೇಕೆಂಬ ಬಯಕೆ ಹೊತ್ತುಕೊಂಡೇ ಕಳೆದ ಬಾರಿಯೂ ಕಣಕ್ಕೆ ಇಳಿದಿದ್ದೆ. ಆದರೆ ಅದು ಸಾಧ್ಯವಾಗಲಿಲ್ಲ. ಈ ಬಾರಿ ತಂಡಕ್ಕೆ ಗೆಲುವು ತಂದುಕೊಡುವುದರ ಜೊತೆಯಲ್ಲಿ ಗರಿಷ್ಠ ಸ್ಕೋರು ಮಾಡಿದ ಆಟಗಾರ್ತಿ ಆಗಲೇಬೇಕೆಂದು ಪಣ ತೊಟ್ಟಿದ್ದೆ. ಆ ಗುರಿಯನ್ನು ಸಾಧಿಸಿದ್ದೇನೆ.</p>.<p><strong>*ಮಹಿಳಾ ಫುಟ್ಬಾಲ್ ಲೀಗ್ ಬಗ್ಗೆ ನಿಮ್ಮ ಅನಿಸಿಕೆ ಏನು?</strong></p>.<p>ನಾಲ್ಕು ವರ್ಷಗಳ ಹಿಂದೆ ಈ ಲೀಗ್ ಆರಂಭಿಸುವ ಮೂಲಕ ಅಖಿಲ ಭಾರತ ಫುಟ್ಬಾಲ್ ಫೆಡರೇಷನ್ ಘನ ಕಾರ್ಯವನ್ನು ಮಾಡಿದೆ. ಲೀಗ್ ಶುರುವಾದ ನಂತರ ಮಹಿಳಾ ಫುಟ್ಬಾಲ್ ಹೊಸ ದಿಸೆಯಲ್ಲಿ ಹೆಜ್ಜೆ ಹಾಕಿದೆ. ಪುರುಷರ ವಿಭಾಗವೂ ಸೇರಿದಂತೆ ಭಾರತದಲ್ಲಿ ಫುಟ್ಬಾಲ್ ಕ್ರೀಡೆಯ ಬೆಳವಣಿಗೆಗೆ ಈ ಲೀಗ್ನಿಂದ ಉತ್ತಮ ಕೊಡುಗೆ ಸಿಗಲಿದೆ ಎಂಬುದು ನನ್ನ ಅನಿಸಿಕೆ.</p>.<p><strong>*ಮಹಿಳಾ ಲೀಗ್ ಅನ್ನು ಇಂಡಿಯನ್ ಸೂಪರ್ ಲೀಗ್ ರೀತಿ ದೊಡ್ಡ ಮಟ್ಟದಲ್ಲಿ ಬೆಳೆಸಲು ಏನು ಮಾಡಬೇಕು?</strong></p>.<p>ಮಹಿಳಾ ಲೀಗ್ ಕೂಡ ಎತ್ತರಕ್ಕೆ ಬೆಳೆಯಬಲ್ಲದು. ಆದರೆ ಇದಕ್ಕಾಗಿ ಸ್ವಲ್ಪ ಶ್ರಮ ಹಾಕಬೇಕು. ಎಲ್ಲಕ್ಕಿಂತ ಮುಖ್ಯವಾಗಿ ಕಾರ್ಪೊರೇಟ್ ಸಂಸ್ಥೆಗಳು ಪ್ರಾಯೋಜಕತ್ವ ವಹಿಸಲು ಮುಂದೆ ಬರಬೇಕು.</p>.<p><strong>*ನೀವು ನೇಪಾಳ ತಂಡದ ಆಟಗಾರ್ತಿ. ಭಾರತದ ಮಹಿಳಾ ಫುಟ್ಬಾಲ್ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಬೆಳಗುವ ಭರವಸೆ ಇದೆಯಾ?</strong></p>.<p>ಖಂಡಿತ. ಭಾರತದಲ್ಲಿ ಮಹಿಳಾ ಫುಟ್ಬಾಲ್ ಉತ್ತಮ ಬೆಳವಣಿಗೆ ಕಾಣುತ್ತಿದೆ. ಇಲ್ಲಿನ ತಂಡವೂ ಬಲಿಷ್ಠವಾಗಿದ್ದು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಪ್ರಬಲ ಸವಾಲನ್ನು ಮೆಟ್ಟಿನಿಲ್ಲುವ ಸಾಮರ್ಥ್ಯ ಹೊಂದಿದೆ.</p>.<p><strong>*ಸುಮಾರು 20 ದಿನಗಳಿಂದ ಉದ್ಯಾನ ನಗರಿಯಲ್ಲಿದ್ದೀರಿ. ಹೇಗನಿಸಿತು?</strong></p>.<p>ಭಾರತದ ಅತ್ಯುತ್ತಮ ನಗರಗಳಲ್ಲಿ ಒಂದು ಬೆಂಗಳೂರು. ಮೋಹಕ ವಾತಾವರಣ, ಆಪ್ತ ಜನರು. ಹೆಚ್ಚು ಸುತ್ತಾಡಲು ಆಗಲಿಲ್ಲ. ಈಗ (ಶುಕ್ರವಾರ) ಲೀಗ್ ಮುಕ್ತಾಯ ಕಂಡಿದೆ. ಇಲ್ಲಿ ಓಡಾಡಿಯೇ ವಾಪಸ್ ಹೋಗುವುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>*ಈ ಬಾರಿಯ ಮಹಿಳಾ ಲೀಗ್ನಲ್ಲಿ ಗರಿಷ್ಠ (18) ಗೋಲು ಗಳಿಸಿದ ಆಟಗಾರ್ತಿ. ಲೀಗ್ನಲ್ಲಿ ಹ್ಯಾಟ್ರಿಕ್ ಕೂಡ ಗಳಿಸಿದ್ದೀರಿ. ಈ ಸಾಧನೆಗಳನ್ನು ಹೇಗೆ ವಿಶ್ಲೇಷಿಸುತ್ತೀರಿ?</strong></p>.<p>ಗರಿಷ್ಠ ಗೋಲು ದಾಖಲಿಸಿದ ಸಾಧನೆ ಮಾಡಿರುವುದು ಖುಷಿ ತಂದಿದೆ. ಅಪರೂಪದ ಆಟಗಾರ್ತಿ ಆಗಬೇಕೆಂಬ ಬಯಕೆ ಹೊತ್ತುಕೊಂಡೇ ಕಳೆದ ಬಾರಿಯೂ ಕಣಕ್ಕೆ ಇಳಿದಿದ್ದೆ. ಆದರೆ ಅದು ಸಾಧ್ಯವಾಗಲಿಲ್ಲ. ಈ ಬಾರಿ ತಂಡಕ್ಕೆ ಗೆಲುವು ತಂದುಕೊಡುವುದರ ಜೊತೆಯಲ್ಲಿ ಗರಿಷ್ಠ ಸ್ಕೋರು ಮಾಡಿದ ಆಟಗಾರ್ತಿ ಆಗಲೇಬೇಕೆಂದು ಪಣ ತೊಟ್ಟಿದ್ದೆ. ಆ ಗುರಿಯನ್ನು ಸಾಧಿಸಿದ್ದೇನೆ.</p>.<p><strong>*ಮಹಿಳಾ ಫುಟ್ಬಾಲ್ ಲೀಗ್ ಬಗ್ಗೆ ನಿಮ್ಮ ಅನಿಸಿಕೆ ಏನು?</strong></p>.<p>ನಾಲ್ಕು ವರ್ಷಗಳ ಹಿಂದೆ ಈ ಲೀಗ್ ಆರಂಭಿಸುವ ಮೂಲಕ ಅಖಿಲ ಭಾರತ ಫುಟ್ಬಾಲ್ ಫೆಡರೇಷನ್ ಘನ ಕಾರ್ಯವನ್ನು ಮಾಡಿದೆ. ಲೀಗ್ ಶುರುವಾದ ನಂತರ ಮಹಿಳಾ ಫುಟ್ಬಾಲ್ ಹೊಸ ದಿಸೆಯಲ್ಲಿ ಹೆಜ್ಜೆ ಹಾಕಿದೆ. ಪುರುಷರ ವಿಭಾಗವೂ ಸೇರಿದಂತೆ ಭಾರತದಲ್ಲಿ ಫುಟ್ಬಾಲ್ ಕ್ರೀಡೆಯ ಬೆಳವಣಿಗೆಗೆ ಈ ಲೀಗ್ನಿಂದ ಉತ್ತಮ ಕೊಡುಗೆ ಸಿಗಲಿದೆ ಎಂಬುದು ನನ್ನ ಅನಿಸಿಕೆ.</p>.<p><strong>*ಮಹಿಳಾ ಲೀಗ್ ಅನ್ನು ಇಂಡಿಯನ್ ಸೂಪರ್ ಲೀಗ್ ರೀತಿ ದೊಡ್ಡ ಮಟ್ಟದಲ್ಲಿ ಬೆಳೆಸಲು ಏನು ಮಾಡಬೇಕು?</strong></p>.<p>ಮಹಿಳಾ ಲೀಗ್ ಕೂಡ ಎತ್ತರಕ್ಕೆ ಬೆಳೆಯಬಲ್ಲದು. ಆದರೆ ಇದಕ್ಕಾಗಿ ಸ್ವಲ್ಪ ಶ್ರಮ ಹಾಕಬೇಕು. ಎಲ್ಲಕ್ಕಿಂತ ಮುಖ್ಯವಾಗಿ ಕಾರ್ಪೊರೇಟ್ ಸಂಸ್ಥೆಗಳು ಪ್ರಾಯೋಜಕತ್ವ ವಹಿಸಲು ಮುಂದೆ ಬರಬೇಕು.</p>.<p><strong>*ನೀವು ನೇಪಾಳ ತಂಡದ ಆಟಗಾರ್ತಿ. ಭಾರತದ ಮಹಿಳಾ ಫುಟ್ಬಾಲ್ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಬೆಳಗುವ ಭರವಸೆ ಇದೆಯಾ?</strong></p>.<p>ಖಂಡಿತ. ಭಾರತದಲ್ಲಿ ಮಹಿಳಾ ಫುಟ್ಬಾಲ್ ಉತ್ತಮ ಬೆಳವಣಿಗೆ ಕಾಣುತ್ತಿದೆ. ಇಲ್ಲಿನ ತಂಡವೂ ಬಲಿಷ್ಠವಾಗಿದ್ದು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಪ್ರಬಲ ಸವಾಲನ್ನು ಮೆಟ್ಟಿನಿಲ್ಲುವ ಸಾಮರ್ಥ್ಯ ಹೊಂದಿದೆ.</p>.<p><strong>*ಸುಮಾರು 20 ದಿನಗಳಿಂದ ಉದ್ಯಾನ ನಗರಿಯಲ್ಲಿದ್ದೀರಿ. ಹೇಗನಿಸಿತು?</strong></p>.<p>ಭಾರತದ ಅತ್ಯುತ್ತಮ ನಗರಗಳಲ್ಲಿ ಒಂದು ಬೆಂಗಳೂರು. ಮೋಹಕ ವಾತಾವರಣ, ಆಪ್ತ ಜನರು. ಹೆಚ್ಚು ಸುತ್ತಾಡಲು ಆಗಲಿಲ್ಲ. ಈಗ (ಶುಕ್ರವಾರ) ಲೀಗ್ ಮುಕ್ತಾಯ ಕಂಡಿದೆ. ಇಲ್ಲಿ ಓಡಾಡಿಯೇ ವಾಪಸ್ ಹೋಗುವುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
