<p><strong>ಬುಡಾಪೆಸ್ಟ್</strong>: ದ್ರೋಣವಲ್ಲಿ ಹಾರಿಕಾ ಮತ್ತು ಆರ್.ವೈಶಾಲಿ ಒಳಗೊಂಡಿರುವ ಅಗ್ರ ಶ್ರೇಯಾಂಕದ ಭಾರತ ಮಹಿಳಾ ತಂಡ, ಬುಧವಾರ ಇಲ್ಲಿ ಆರಂಭವಾಗುವ 45ನೇ ಚೆಸ್ ಒಲಿಂಪಿಯಾಡ್ನಲ್ಲಿ ಪ್ರಶಸ್ತಿಗೆ ನೆಚ್ಚಿನ ತಂಡವಾಗಿದೆ. ಮಹಿಳಾ ವಿಭಾಗದ ಕಣ ದುರ್ಬಲವಾಗಿರುವೂ ಭಾರತದ ಅವಕಾಶ ಹೆಚ್ಚಿಸಿದೆ.</p>.<p>ಎರಡು ವರ್ಷಕ್ಕೊಮ್ಮೆ ಚೆಸ್ ಒಲಿಂಪಿಯಾಡ್ ನಡೆಯುತ್ತದೆ. ಓಪನ್ ವಿಭಾಗದಲ್ಲಿ ಡಿ.ಗುಕೇಶ್ ನೇತೃತ್ವದ ತಂಡವೂ ಪದಕಕ್ಕೆ ಪ್ರಬಲ ಪೈಪೋಟಿ ನಡೆಸಲಿದೆ.</p>.<p>ಕೋನೇರು ಹಂಪಿ ಗೈರಿನ ಹೊರತಾಗಿಯೂ ಭಾರತ ವನಿತೆಯರ ತಂಡ ಪ್ರಬಲವಾಗಿದೆ. ರ್ಯಾಂಕಿಂಗ್ನಲ್ಲಿ ವೈಶಾಲಿ ಸುಧಾರಣೆ ಕಂಡಿದ್ದಾರೆ.</p>.<p>ಹಂಪಿ ಬದಲು ಹಾರಿಕಾ ಅವರು ಟಾಪ್ ಬೋರ್ಡ್ನಲ್ಲಿ ಆಡಲಿದ್ದಾರೆ. ದಿವ್ಯಾ ದೇಶಮುಖ್ ಮತ್ತು ವಂತಿಕಾ ಅಗರವಾಲ್ ತಂಡದಲ್ಲಿರುವ ಇತರ ಆಟಗಾರ್ತಿಯರು. ತಾನಿಯಾ ಸಚ್ದೇವ್ ಮೀಸಲು ಆಟಗಾರ್ತಿಯಾಗಿದ್ದು, ಅವಕಾಶ ಪಡೆಯುವ ಸಾಧ್ಯತೆಯಿದೆ.</p>.<p>ಚೀನಾ ಈ ಬಾರಿ ದುರ್ಬಲ ತಂಡವನ್ನು ಕಣಕ್ಕಿಳಿಸಿದೆ. ಸೆಪ್ಟೆಂಬರ್ ಕ್ರಮಾಂಕಪಟ್ಟಿಯ ಅಗ್ರ ನಾಲ್ವರು ಆಟಗಾರ್ತಿಯರು (ಹೌ ಇಫಾನ್, ಜು ವೆನ್ಜುನ್, ಝೊಂಗ್ವಿ ತಾನ್, ಟಿಂಗ್ಜಿ ಲೀ) ಈ ದೇಶದವರೇ ಆಗಿದ್ದರೂ, ಅವರಲ್ಲಿ ಒಬ್ಬರೂ ತಂಡದಲ್ಲಿಲ್ಲ. ಉಕ್ರೇನ್ ಜೊತೆ ಯುದ್ಧದ ಕಾರಣಕ್ಕೆ ನಿರ್ಬಂಧವಿರುವ ಕಾರಣ ರಷ್ಯಾ ತಂಡ ಭಾಗವಹಿಸುತ್ತಿಲ್ಲ. ಉಕ್ರೇನ್ ಸಹ ಉತ್ತಮ ತಂಡ ಕಳುಹಿಸಿಲ್ಲ. ಭಾರತ ತಂಡ ಯುವ ಮತ್ತು ಅನುಭವಿ ಆಟಗಾರರಿಂದ ಕೂಡಿದೆ.</p>.<p>ಜಾರ್ಜಿಯಾ ಎರಡನೇ ಶ್ರೇಯಾಂಕದ ಪಡೆದಿದ್ದರೆ, ಪೊಲೆಂಡ್ ಮೂರನೇ ಶ್ರೇಯಾಂಕ ಗಳಿಸಿದೆ.</p>.<p><strong>ಅಮೆರಿಕ ಫೇವರಿಟ್</strong></p>.<p>ಓಪನ್ ವಿಭಾಗದಲ್ಲಿ ಅಮೆರಿಕಕ್ಕೆ ಅಗ್ರ ಶ್ರೇಯಾಂಕದ ನೀಡಲಾಗಿದೆ. ತಂಡದಲ್ಲಿರುವ ಅರ್ಧಕ್ಕಿಂತ ಹೆಚ್ಚು ಮಂದಿ ಇತ್ತೀಚಿನ ವರ್ಷಗಳಲ್ಲಿ ಆ ತಂಡಕ್ಕೆ ವಲಸೆ ಬಂದವರು.</p>.<p>ಫ್ಯಾಬಿಯಾನೊ ಕರುವಾನ ಮೊದಲ ಬೋರ್ಡ್ನಲ್ಲಿ ಆಡಲಿದ್ದಾರೆ. ಆದರೆ ತಂಡಕ್ಕೆ ಹಿಕಾರು ನಕಾಮುರ ಗೈರು ಎದ್ದುಕಂಡರೂ, ವೆಸ್ಲಿ ಸೊ, ಲೀನಿಯರ್ ಪೆರೆಝ್ ಡೊಮಿಂಗೆಝ್, ಲೆವೊನ್ ಅರೋನಿಯ್ ಮತ್ತು ರಾಬ್ಸನ್ ರೇ ಅವರಿಂದ ತಂಡ ಸಾಕಷ್ಟು ಬಲಿಷ್ಠವಾಗಿಯೇ ಇದೆ. ಹೀಗಾಗಿ ಈ ತಂಡವನ್ನು ಸೋಲಿಸುವುದು ಇತರ ತಂಡಗಳಿಗೆ ಸವಾಲಾಗಲಿದೆ.</p>.<p>ಭಾರತ ತಂಡವು ವಿದಿತ್ ಗುಜರಾತಿ, ಆರ್.ಪ್ರಜ್ಞಾನಂದ, ಡಿ.ಗುಕೇಶ್, ಅರ್ಜುನ್ ಇರಿಗೇಶಿ ಮತ್ತು ಪಿ.ಹರಿಕೃಷ್ಣ ಅವರನ್ನು ಒಳಗೊಂಡಿದೆ. ತಂಡವು ಕಳೆದ ಒಲಿಂಪಿಯಾಡ್ನಲ್ಲಿ ಕಂಚಿನ ಪದಕ ಗೆದ್ದುಕೊಂಡಿದ್ದು, ಈ ಬಾರಿ ಸುಧಾರಿತ ಪ್ರದರ್ಶನದ ಗುರಿ ಹೊಂದಿದೆ. ತಂಡಕ್ಕೆ ಈ ಬಾರಿ ಎರಡನೆ ಶ್ರೇಯಾಂಕ ನೀಡಲಾಗಿದೆ.</p>.<p>ಅರ್ಜುನ್ ಇರಿಗೇಶಿ ವಿಶ್ವ ಕ್ರಮಾಂಕದಲ್ಲಿ ನಾಲ್ಕನೇ ಸ್ಥಾನದಲ್ಲಿದ್ದು, ಗುಕೇಶ್, ಪ್ರಜ್ಞಾನಂದ ಅವರಂತೆ ಉತ್ತಮ ‘ಬ್ರೇಕ್’ಗೆ ಕಾಯುತ್ತಿದ್ದಾರೆ. ವಿದಿತ್ ಮತ್ತು ಹರಿಕೃಷ್ಣ ತಂಡದ ಅನುಭವಿಗಳಾಗಿದ್ದಾರೆ. ವಿಶ್ವನಾಥನ್ ಆನಂದ್ ಸತತ ಎರಡನೇ ಬಾರಿಯೂ ಒಲಿಂಪಿಯಾಡ್ನಲ್ಲಿ ಆಡದಿರಲು ನಿರ್ಧರಿಸಿದ್ದಾರೆ.</p>.<p>ಚೀನಾ ತಂಡ ಓಪನ್ ವಿಭಾಗದಲ್ಲಿ ಪೂರ್ಣಪ್ರಮಾಣದ ತಂಡವನ್ನು ಕಣಕ್ಕಿಳಿಸಿದೆ. ಹಾಲಿ ವಿಶ್ವ ಚಾಂಪಿಯನ್ ಡಿಂಗ್ ಲಿರೆನ್ ಅಗ್ರ ಬೋರ್ಡ್ನಲ್ಲಿ ಆಡಲಿದ್ದಾರೆ. ಚೀನಾಕ್ಕೆ ಮೂರನೇ ಶ್ರೇಯಾಂಕ ನೀಡಲಾಗಿದೆ.</p>.<p>ಟೂರ್ನಿಯು ಓಪನ್ ಮತ್ತು ಮಹಿಳಾ ವಿಭಾಗಗಳಲ್ಲಿ 11 ಸುತ್ತುಗಳನ್ನು ಒಳಗೊಡಿದೆ. ತಂಡವು ಪ್ರತಿ ಗೆಲುವಿಗಾಗಿ ಎರ್ಡು ಪಾಯಿಂಟ್ ಗಳಿಸಲಿದೆ. 191 ತಂಡಗಳು ಓಪನ್ ವಿಭಾಗದಲ್ಲಿ, 180 ತಂಡಗಳು ಮಹಿಳಾ ವಿಭಾಗದಲ್ಪಿ ಸ್ಪರ್ಧಿಸುವ ನಿರೀಕ್ಷೆಯಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬುಡಾಪೆಸ್ಟ್</strong>: ದ್ರೋಣವಲ್ಲಿ ಹಾರಿಕಾ ಮತ್ತು ಆರ್.ವೈಶಾಲಿ ಒಳಗೊಂಡಿರುವ ಅಗ್ರ ಶ್ರೇಯಾಂಕದ ಭಾರತ ಮಹಿಳಾ ತಂಡ, ಬುಧವಾರ ಇಲ್ಲಿ ಆರಂಭವಾಗುವ 45ನೇ ಚೆಸ್ ಒಲಿಂಪಿಯಾಡ್ನಲ್ಲಿ ಪ್ರಶಸ್ತಿಗೆ ನೆಚ್ಚಿನ ತಂಡವಾಗಿದೆ. ಮಹಿಳಾ ವಿಭಾಗದ ಕಣ ದುರ್ಬಲವಾಗಿರುವೂ ಭಾರತದ ಅವಕಾಶ ಹೆಚ್ಚಿಸಿದೆ.</p>.<p>ಎರಡು ವರ್ಷಕ್ಕೊಮ್ಮೆ ಚೆಸ್ ಒಲಿಂಪಿಯಾಡ್ ನಡೆಯುತ್ತದೆ. ಓಪನ್ ವಿಭಾಗದಲ್ಲಿ ಡಿ.ಗುಕೇಶ್ ನೇತೃತ್ವದ ತಂಡವೂ ಪದಕಕ್ಕೆ ಪ್ರಬಲ ಪೈಪೋಟಿ ನಡೆಸಲಿದೆ.</p>.<p>ಕೋನೇರು ಹಂಪಿ ಗೈರಿನ ಹೊರತಾಗಿಯೂ ಭಾರತ ವನಿತೆಯರ ತಂಡ ಪ್ರಬಲವಾಗಿದೆ. ರ್ಯಾಂಕಿಂಗ್ನಲ್ಲಿ ವೈಶಾಲಿ ಸುಧಾರಣೆ ಕಂಡಿದ್ದಾರೆ.</p>.<p>ಹಂಪಿ ಬದಲು ಹಾರಿಕಾ ಅವರು ಟಾಪ್ ಬೋರ್ಡ್ನಲ್ಲಿ ಆಡಲಿದ್ದಾರೆ. ದಿವ್ಯಾ ದೇಶಮುಖ್ ಮತ್ತು ವಂತಿಕಾ ಅಗರವಾಲ್ ತಂಡದಲ್ಲಿರುವ ಇತರ ಆಟಗಾರ್ತಿಯರು. ತಾನಿಯಾ ಸಚ್ದೇವ್ ಮೀಸಲು ಆಟಗಾರ್ತಿಯಾಗಿದ್ದು, ಅವಕಾಶ ಪಡೆಯುವ ಸಾಧ್ಯತೆಯಿದೆ.</p>.<p>ಚೀನಾ ಈ ಬಾರಿ ದುರ್ಬಲ ತಂಡವನ್ನು ಕಣಕ್ಕಿಳಿಸಿದೆ. ಸೆಪ್ಟೆಂಬರ್ ಕ್ರಮಾಂಕಪಟ್ಟಿಯ ಅಗ್ರ ನಾಲ್ವರು ಆಟಗಾರ್ತಿಯರು (ಹೌ ಇಫಾನ್, ಜು ವೆನ್ಜುನ್, ಝೊಂಗ್ವಿ ತಾನ್, ಟಿಂಗ್ಜಿ ಲೀ) ಈ ದೇಶದವರೇ ಆಗಿದ್ದರೂ, ಅವರಲ್ಲಿ ಒಬ್ಬರೂ ತಂಡದಲ್ಲಿಲ್ಲ. ಉಕ್ರೇನ್ ಜೊತೆ ಯುದ್ಧದ ಕಾರಣಕ್ಕೆ ನಿರ್ಬಂಧವಿರುವ ಕಾರಣ ರಷ್ಯಾ ತಂಡ ಭಾಗವಹಿಸುತ್ತಿಲ್ಲ. ಉಕ್ರೇನ್ ಸಹ ಉತ್ತಮ ತಂಡ ಕಳುಹಿಸಿಲ್ಲ. ಭಾರತ ತಂಡ ಯುವ ಮತ್ತು ಅನುಭವಿ ಆಟಗಾರರಿಂದ ಕೂಡಿದೆ.</p>.<p>ಜಾರ್ಜಿಯಾ ಎರಡನೇ ಶ್ರೇಯಾಂಕದ ಪಡೆದಿದ್ದರೆ, ಪೊಲೆಂಡ್ ಮೂರನೇ ಶ್ರೇಯಾಂಕ ಗಳಿಸಿದೆ.</p>.<p><strong>ಅಮೆರಿಕ ಫೇವರಿಟ್</strong></p>.<p>ಓಪನ್ ವಿಭಾಗದಲ್ಲಿ ಅಮೆರಿಕಕ್ಕೆ ಅಗ್ರ ಶ್ರೇಯಾಂಕದ ನೀಡಲಾಗಿದೆ. ತಂಡದಲ್ಲಿರುವ ಅರ್ಧಕ್ಕಿಂತ ಹೆಚ್ಚು ಮಂದಿ ಇತ್ತೀಚಿನ ವರ್ಷಗಳಲ್ಲಿ ಆ ತಂಡಕ್ಕೆ ವಲಸೆ ಬಂದವರು.</p>.<p>ಫ್ಯಾಬಿಯಾನೊ ಕರುವಾನ ಮೊದಲ ಬೋರ್ಡ್ನಲ್ಲಿ ಆಡಲಿದ್ದಾರೆ. ಆದರೆ ತಂಡಕ್ಕೆ ಹಿಕಾರು ನಕಾಮುರ ಗೈರು ಎದ್ದುಕಂಡರೂ, ವೆಸ್ಲಿ ಸೊ, ಲೀನಿಯರ್ ಪೆರೆಝ್ ಡೊಮಿಂಗೆಝ್, ಲೆವೊನ್ ಅರೋನಿಯ್ ಮತ್ತು ರಾಬ್ಸನ್ ರೇ ಅವರಿಂದ ತಂಡ ಸಾಕಷ್ಟು ಬಲಿಷ್ಠವಾಗಿಯೇ ಇದೆ. ಹೀಗಾಗಿ ಈ ತಂಡವನ್ನು ಸೋಲಿಸುವುದು ಇತರ ತಂಡಗಳಿಗೆ ಸವಾಲಾಗಲಿದೆ.</p>.<p>ಭಾರತ ತಂಡವು ವಿದಿತ್ ಗುಜರಾತಿ, ಆರ್.ಪ್ರಜ್ಞಾನಂದ, ಡಿ.ಗುಕೇಶ್, ಅರ್ಜುನ್ ಇರಿಗೇಶಿ ಮತ್ತು ಪಿ.ಹರಿಕೃಷ್ಣ ಅವರನ್ನು ಒಳಗೊಂಡಿದೆ. ತಂಡವು ಕಳೆದ ಒಲಿಂಪಿಯಾಡ್ನಲ್ಲಿ ಕಂಚಿನ ಪದಕ ಗೆದ್ದುಕೊಂಡಿದ್ದು, ಈ ಬಾರಿ ಸುಧಾರಿತ ಪ್ರದರ್ಶನದ ಗುರಿ ಹೊಂದಿದೆ. ತಂಡಕ್ಕೆ ಈ ಬಾರಿ ಎರಡನೆ ಶ್ರೇಯಾಂಕ ನೀಡಲಾಗಿದೆ.</p>.<p>ಅರ್ಜುನ್ ಇರಿಗೇಶಿ ವಿಶ್ವ ಕ್ರಮಾಂಕದಲ್ಲಿ ನಾಲ್ಕನೇ ಸ್ಥಾನದಲ್ಲಿದ್ದು, ಗುಕೇಶ್, ಪ್ರಜ್ಞಾನಂದ ಅವರಂತೆ ಉತ್ತಮ ‘ಬ್ರೇಕ್’ಗೆ ಕಾಯುತ್ತಿದ್ದಾರೆ. ವಿದಿತ್ ಮತ್ತು ಹರಿಕೃಷ್ಣ ತಂಡದ ಅನುಭವಿಗಳಾಗಿದ್ದಾರೆ. ವಿಶ್ವನಾಥನ್ ಆನಂದ್ ಸತತ ಎರಡನೇ ಬಾರಿಯೂ ಒಲಿಂಪಿಯಾಡ್ನಲ್ಲಿ ಆಡದಿರಲು ನಿರ್ಧರಿಸಿದ್ದಾರೆ.</p>.<p>ಚೀನಾ ತಂಡ ಓಪನ್ ವಿಭಾಗದಲ್ಲಿ ಪೂರ್ಣಪ್ರಮಾಣದ ತಂಡವನ್ನು ಕಣಕ್ಕಿಳಿಸಿದೆ. ಹಾಲಿ ವಿಶ್ವ ಚಾಂಪಿಯನ್ ಡಿಂಗ್ ಲಿರೆನ್ ಅಗ್ರ ಬೋರ್ಡ್ನಲ್ಲಿ ಆಡಲಿದ್ದಾರೆ. ಚೀನಾಕ್ಕೆ ಮೂರನೇ ಶ್ರೇಯಾಂಕ ನೀಡಲಾಗಿದೆ.</p>.<p>ಟೂರ್ನಿಯು ಓಪನ್ ಮತ್ತು ಮಹಿಳಾ ವಿಭಾಗಗಳಲ್ಲಿ 11 ಸುತ್ತುಗಳನ್ನು ಒಳಗೊಡಿದೆ. ತಂಡವು ಪ್ರತಿ ಗೆಲುವಿಗಾಗಿ ಎರ್ಡು ಪಾಯಿಂಟ್ ಗಳಿಸಲಿದೆ. 191 ತಂಡಗಳು ಓಪನ್ ವಿಭಾಗದಲ್ಲಿ, 180 ತಂಡಗಳು ಮಹಿಳಾ ವಿಭಾಗದಲ್ಪಿ ಸ್ಪರ್ಧಿಸುವ ನಿರೀಕ್ಷೆಯಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
