ಪಂಘಲ್ ಅವರಿಗೆ ಈ ಕೂಟವೊಂದೇ ಅರ್ಹತೆ ಪಡೆಯಲು ಇದ್ದ ಏಕೈಕ ಅವಕಾಶವಾಗಿದ್ದು, ಅದನ್ನು ಚೆನ್ನಾಗಿಯೇ ಬಳಸಿಕೊಂಡರು. ಒಲಿಂಪಿಕ್ಸ್ ದಾರಿ ಅವರಿಗೆ ಸುಲಭವಾಗಿರಲಿಲ್ಲ. ವಿಶ್ವ ಚಾಂಪಿಯನ್ಷಿಪ್ ಕಂಚಿನ ಪದಕ ವಿಜೇತ ದೀಪಕ್ ಭೋರಿಯಾ ಅವರು ಭಾರತ ಬಾಕ್ಸಿಂಗ್ ಫೆಡರೇಷನ್ (ಬಿಎಫ್ಐ) ಮೌಲ್ಯಮಾಪನ ವ್ಯವಸ್ಥೆಯಲ್ಲಿ ಅಮಿತ್ ಅವರಿಗಿಂತ ಮುಂದಿದ್ದ ಕಾರಣ ರಾಷ್ಟ್ರೀಯ ತಂಡಕ್ಕೆ ಆಯ್ಕೆಯಾಗಿದ್ದು ಮೊದಲ ಎರಡು ಕ್ವಾಲಿಫಿಕೇಷನ್ ಕೂಟಗಳಲ್ಲಿ ಭಾಗವಹಿಸಿದ್ದರು.