<p><strong>ನವದೆಹಲಿ</strong>: ಕಾಮನ್ವೆಲ್ತ್ ಕ್ರೀಡೆಗಳ ಪದಕ ವಿಜೇತೆ ರೇಸ್ ವಾಕರ್ ಪ್ರಿಯಾಂಕ ಗೋಸ್ವಾಮಿ ಅವರು ಸ್ಲೊವಾಕಿಯಾದ ಡುಡಿನ್ಸ್ನಲ್ಲಿ ನಡೆದ ಡುಡಿನ್ಸ್ಕಾ 50 ಕೂಟದ ಮಹಿಳೆಯರ 35 ಕಿ.ಮೀ. ಸ್ಪರ್ಧೆಯಲ್ಲಿ ನೂತನ ರಾಷ್ಟ್ರೀಯ ದಾಖಲೆ ನಿರ್ಮಿಸಿದರು.</p>.<p>ಗೋಸ್ವಾಮಿ ಶನಿವಾರ ನಡೆದ ಸ್ಪರ್ಧೆಯನ್ನು 2ಗಂಟೆ 56 ನಿ. 34 ಸೆ.ಗಳಲ್ಲಿ ಪೂರೈಸಿದರು. ಡುಡಿನ್ಸ್ನ ಬೀದಿಗಳಲ್ಲಿ ಮಾರ್ಚ್ ತಿಂಗಳಲ್ಲಿ ನಡೆಯುವ ಇದು ವಿಶ್ವ ಅಥ್ಲೆಟಿಕ್ಸ್ ರೇಸ್ ವಾಕಿಂಗ್ ಟೂರ್ ಗೋಲ್ಡ್ ಲೇಬಲ್ ಕೂಟವಾಗಿದೆ. 44ನೇ ವರ್ಷ ನಡೆಯುತ್ತಿದೆ.</p>.<p>29 ವರ್ಷ ವಯಸ್ಸಿನ ಪ್ರಿಯಾಂಕ ಅವರ ಈ ಹಿಂದಿನ ವೈಯಕ್ತಿಕ ಉತ್ತಮ ಸಾಧನೆ 3ಗಂ.13ನಿ.19 ಸೆ.ಗಳಾಗಿವೆ. ಅವರು 2023ರಲ್ಲಿ ರಾಂಚಿಯಲ್ಲಿ ನಡೆದ ರಾಷ್ಟ್ರೀಯ ಓಪನ್ ರೇಸ್ ವಾಕಿಂಗ್ ಚಾಂಪಿಯನ್ಷಿಪ್ನಲ್ಲಿ ಮಂಜು ರಾಣಿ ಸ್ಥಾಪಿಸಿದ್ದ 2ಗಂ.57ನಿ.54 ಸೆ.ಗಳ ದಾಖಲೆ ಮುರಿದರು.</p>.<p>ಇಕ್ವೆಡೋರ್ನ ಪೌಲಾ ಮಿಲೆನಾ ಟೊರೆಸ್ (2:44:26) ಮೊದಲ ಸ್ಥಾನ ಪಡೆದರು. ಪೆರುವಿನ ಕಿಂಬರ್ಲಿ ಗಾರ್ಸಿಯಾ (2:45:59) ಮತ್ತು ಪೋಲೆಂಡ್ನ ಕಟರ್ಜಿನಾ ಜಿಬೆಬ್ಲೊ (2:46:59) ಕ್ರಮವಾಇಗ ಮೊದಲ ಮೂರು ಸ್ಥಾನ ಪಡೆದರು.</p>.<p>ಪ್ರಿಯಾಂಕಾ ಅವರು 20 ಕಿ.ಮೀ. ರೇಸ್ ವಾಕ್ನಲ್ಲಿ ರಾಷ್ಟ್ರೀಯ ದಾಖಲೆ (1:28:45) ಹೊಂದಿದ್ದಾರೆ. 2022ರ ಬರ್ಮಿಂಗಂ ಕಾಮನ್ವೆಲ್ತ್ ಗೇಮ್ಸ್ನಲ್ಲಿ 10,000 ಮೀ. ರೇಸ್ ವಾಕ್ನಲ್ಲಿ ಬೆಳ್ಳಿ ಪದಕ ಗೆದ್ದಿದ್ದರು.</p>.<p>ಪುರುಷರ 20 ಕಿ.ಮೀ. ರೇಸ್ವಾಕ್ನಲ್ಲಿ, ರಾಷ್ಟ್ರೀಯ ದಾಖಲೆ ಹೊಂದಿರುವ ಅಕ್ಷದೀಪ್ ಸಿಂಗ್ ಅವರು 1ಗಂ 24ನಿ 13ಸೆ. ಅವಧಿ ತೆಗೆದುಕೊಂಡು ಆರನೇ ಸ್ಥಾನ ಗಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಕಾಮನ್ವೆಲ್ತ್ ಕ್ರೀಡೆಗಳ ಪದಕ ವಿಜೇತೆ ರೇಸ್ ವಾಕರ್ ಪ್ರಿಯಾಂಕ ಗೋಸ್ವಾಮಿ ಅವರು ಸ್ಲೊವಾಕಿಯಾದ ಡುಡಿನ್ಸ್ನಲ್ಲಿ ನಡೆದ ಡುಡಿನ್ಸ್ಕಾ 50 ಕೂಟದ ಮಹಿಳೆಯರ 35 ಕಿ.ಮೀ. ಸ್ಪರ್ಧೆಯಲ್ಲಿ ನೂತನ ರಾಷ್ಟ್ರೀಯ ದಾಖಲೆ ನಿರ್ಮಿಸಿದರು.</p>.<p>ಗೋಸ್ವಾಮಿ ಶನಿವಾರ ನಡೆದ ಸ್ಪರ್ಧೆಯನ್ನು 2ಗಂಟೆ 56 ನಿ. 34 ಸೆ.ಗಳಲ್ಲಿ ಪೂರೈಸಿದರು. ಡುಡಿನ್ಸ್ನ ಬೀದಿಗಳಲ್ಲಿ ಮಾರ್ಚ್ ತಿಂಗಳಲ್ಲಿ ನಡೆಯುವ ಇದು ವಿಶ್ವ ಅಥ್ಲೆಟಿಕ್ಸ್ ರೇಸ್ ವಾಕಿಂಗ್ ಟೂರ್ ಗೋಲ್ಡ್ ಲೇಬಲ್ ಕೂಟವಾಗಿದೆ. 44ನೇ ವರ್ಷ ನಡೆಯುತ್ತಿದೆ.</p>.<p>29 ವರ್ಷ ವಯಸ್ಸಿನ ಪ್ರಿಯಾಂಕ ಅವರ ಈ ಹಿಂದಿನ ವೈಯಕ್ತಿಕ ಉತ್ತಮ ಸಾಧನೆ 3ಗಂ.13ನಿ.19 ಸೆ.ಗಳಾಗಿವೆ. ಅವರು 2023ರಲ್ಲಿ ರಾಂಚಿಯಲ್ಲಿ ನಡೆದ ರಾಷ್ಟ್ರೀಯ ಓಪನ್ ರೇಸ್ ವಾಕಿಂಗ್ ಚಾಂಪಿಯನ್ಷಿಪ್ನಲ್ಲಿ ಮಂಜು ರಾಣಿ ಸ್ಥಾಪಿಸಿದ್ದ 2ಗಂ.57ನಿ.54 ಸೆ.ಗಳ ದಾಖಲೆ ಮುರಿದರು.</p>.<p>ಇಕ್ವೆಡೋರ್ನ ಪೌಲಾ ಮಿಲೆನಾ ಟೊರೆಸ್ (2:44:26) ಮೊದಲ ಸ್ಥಾನ ಪಡೆದರು. ಪೆರುವಿನ ಕಿಂಬರ್ಲಿ ಗಾರ್ಸಿಯಾ (2:45:59) ಮತ್ತು ಪೋಲೆಂಡ್ನ ಕಟರ್ಜಿನಾ ಜಿಬೆಬ್ಲೊ (2:46:59) ಕ್ರಮವಾಇಗ ಮೊದಲ ಮೂರು ಸ್ಥಾನ ಪಡೆದರು.</p>.<p>ಪ್ರಿಯಾಂಕಾ ಅವರು 20 ಕಿ.ಮೀ. ರೇಸ್ ವಾಕ್ನಲ್ಲಿ ರಾಷ್ಟ್ರೀಯ ದಾಖಲೆ (1:28:45) ಹೊಂದಿದ್ದಾರೆ. 2022ರ ಬರ್ಮಿಂಗಂ ಕಾಮನ್ವೆಲ್ತ್ ಗೇಮ್ಸ್ನಲ್ಲಿ 10,000 ಮೀ. ರೇಸ್ ವಾಕ್ನಲ್ಲಿ ಬೆಳ್ಳಿ ಪದಕ ಗೆದ್ದಿದ್ದರು.</p>.<p>ಪುರುಷರ 20 ಕಿ.ಮೀ. ರೇಸ್ವಾಕ್ನಲ್ಲಿ, ರಾಷ್ಟ್ರೀಯ ದಾಖಲೆ ಹೊಂದಿರುವ ಅಕ್ಷದೀಪ್ ಸಿಂಗ್ ಅವರು 1ಗಂ 24ನಿ 13ಸೆ. ಅವಧಿ ತೆಗೆದುಕೊಂಡು ಆರನೇ ಸ್ಥಾನ ಗಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
