<p><strong>ಸೋಲೊ (ಇಂಡೊನೇಷ್ಯಾ)</strong>: ಭಾರತ ತಂಡವು, ಬ್ಯಾಡ್ಮಿಂಟನ್ ಏಷ್ಯಾ ಜೂನಿಯರ್ ಮಿಶ್ರ ತಂಡ ಚಾಂಪಿಯನ್ಷಿಪ್ನ ‘ಡಿ’ ಗುಂಪಿನ ಪಂದ್ಯದಲ್ಲಿ ಶನಿವಾರ ಯುಎಇ ತಂಡವನ್ನು 110–83ರಿಂದ ಮಣಿಸಿ, ಕ್ವಾರ್ಟರ್ ಫೈನಲ್ ಟಿಕೆಟ್ ಖಚಿತಪಡಿಸಿಕೊಂಡಿತು.</p>.<p>ಬಾಲಕಿಯರ ಸಿಂಗಲ್ಸ್ನಲ್ಲಿ ರುಜುಲಾ ರಾಮು ಅವರು 11–5ರಿಂದ ಮೈಶಾ ಖಾನ್ ಎದುರು ಗೆದ್ದರು. ಮಿಶ್ರ ಡಬಲ್ಸ್ನಲ್ಲಿ ಸಿ. ಲಾಲ್ರಾಮ್ಸಂಗಾ ಹಾಗೂ ತಾರಿಣಿ ಸೂರಿ ಜೋಡಿಯು ಈ ಅಂತರವನ್ನು 22–11ಕ್ಕೆ ಏರಿಸಿದರು.</p>.<p>ಯುಎಇ ಪ್ರತಿರೋಧ ತೋರಿದರೂ, ಅಂತರವನ್ನು ಹೆಚ್ಚಿಸಿಕೊಳ್ಳುತ್ತಿದ್ದ ಭಾರತ ಮಧ್ಯಂತರದ ವೇಳೆಗೆ 55-41ರಿಂದ ಮುಂದಿತ್ತು. ಬಳಿಕ, ಬಾಲಕಿಯರ ಎರಡನೇ ಸಿಂಗಲ್ಸ್ ಪಂದ್ಯದಲ್ಲಿ ತನ್ವಿ ಶರ್ಮಾ ಅವರು ಮಧುಮಿತಾ ಸುಂದರಪಾಂಡ್ಯನ್ ಅವರನ್ನು ಸೋಲಿಸಿ, ಅಂತರವನ್ನು 66–46ಕ್ಕೆ ಹಿಗ್ಗಿಸಿದರು.</p>.<p>ಮತ್ತೊಂದು ಮಿಶ್ರ ಡಬಲ್ಸ್ ಪಂದ್ಯದಲ್ಲಿ ಲಾಲ್ರಾಮ್ಸಂಗಾ– ರೇಶಿಕಾ ಯು. ಜೋಡಿಯು 11–5ರಿಂದ ಆದಿತ್ಯಾ ಕಿರಣ್– ಮೈಶಾ ಜೋಡಿಯನ್ನು ಮಣಿಸಿ, ಅಂತರವನ್ನು 77–51ಕ್ಕೆ ಏರಿಸಿತು. ಅಂತಿಮವಾಗಿ ಭಾರತವು ಜಯವನ್ನು ತನ್ನದಾಗಿಸಿಕೊಂಡು, ಕ್ವಾರ್ಟರ್ಫೈನಲ್ಗೆ ಅರ್ಹತೆ ಗಿಟ್ಟಿಸಿಕೊಂಡಿತು.</p>.<p>‘ಡಿ’ ಗುಂಪಿನಲ್ಲಿರುವ ಹಾಂಗ್ಕಾಂಗ್ ಕೂಡ ಆಡಿರುವ ಎರಡೂ ಪಂದ್ಯಗಳನ್ನು ಗೆದ್ದಿದೆ. ಭಾನುವಾರ ಭಾರತ ಹಾಗೂ ಹಾಂಗ್ಕಾಂಗ್ ನಡುವೆ ಪಂದ್ಯ ನಡೆಯಲಿದ್ದು, ಗುಂಪಿನ ಅಗ್ರಸ್ಥಾನ ಪಡೆಯಲು ಪ್ರಬಲ ಪೈಪೋಟಿ ನಡೆಯುವ ನಿರೀಕ್ಷೆ ಇದೆ.</p>.<p>ಈ ಚಾಂಪಿಯನ್ಷಿಪ್ನಲ್ಲಿ ರಿಲೇ ಪಾಯಿಂಟ್ ಮಾದರಿಯ ವ್ಯವಸ್ಥೆ ಅಳವಡಿಸಲಾಗಿದೆ. ತಂಡವೊಂದು ಪಂದ್ಯ ಗೆಲ್ಲಬೇಕಾದರೆ 110 ಪಾಯಿಂಟ್ ಗಳಿಸಬೇಕಾಗುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸೋಲೊ (ಇಂಡೊನೇಷ್ಯಾ)</strong>: ಭಾರತ ತಂಡವು, ಬ್ಯಾಡ್ಮಿಂಟನ್ ಏಷ್ಯಾ ಜೂನಿಯರ್ ಮಿಶ್ರ ತಂಡ ಚಾಂಪಿಯನ್ಷಿಪ್ನ ‘ಡಿ’ ಗುಂಪಿನ ಪಂದ್ಯದಲ್ಲಿ ಶನಿವಾರ ಯುಎಇ ತಂಡವನ್ನು 110–83ರಿಂದ ಮಣಿಸಿ, ಕ್ವಾರ್ಟರ್ ಫೈನಲ್ ಟಿಕೆಟ್ ಖಚಿತಪಡಿಸಿಕೊಂಡಿತು.</p>.<p>ಬಾಲಕಿಯರ ಸಿಂಗಲ್ಸ್ನಲ್ಲಿ ರುಜುಲಾ ರಾಮು ಅವರು 11–5ರಿಂದ ಮೈಶಾ ಖಾನ್ ಎದುರು ಗೆದ್ದರು. ಮಿಶ್ರ ಡಬಲ್ಸ್ನಲ್ಲಿ ಸಿ. ಲಾಲ್ರಾಮ್ಸಂಗಾ ಹಾಗೂ ತಾರಿಣಿ ಸೂರಿ ಜೋಡಿಯು ಈ ಅಂತರವನ್ನು 22–11ಕ್ಕೆ ಏರಿಸಿದರು.</p>.<p>ಯುಎಇ ಪ್ರತಿರೋಧ ತೋರಿದರೂ, ಅಂತರವನ್ನು ಹೆಚ್ಚಿಸಿಕೊಳ್ಳುತ್ತಿದ್ದ ಭಾರತ ಮಧ್ಯಂತರದ ವೇಳೆಗೆ 55-41ರಿಂದ ಮುಂದಿತ್ತು. ಬಳಿಕ, ಬಾಲಕಿಯರ ಎರಡನೇ ಸಿಂಗಲ್ಸ್ ಪಂದ್ಯದಲ್ಲಿ ತನ್ವಿ ಶರ್ಮಾ ಅವರು ಮಧುಮಿತಾ ಸುಂದರಪಾಂಡ್ಯನ್ ಅವರನ್ನು ಸೋಲಿಸಿ, ಅಂತರವನ್ನು 66–46ಕ್ಕೆ ಹಿಗ್ಗಿಸಿದರು.</p>.<p>ಮತ್ತೊಂದು ಮಿಶ್ರ ಡಬಲ್ಸ್ ಪಂದ್ಯದಲ್ಲಿ ಲಾಲ್ರಾಮ್ಸಂಗಾ– ರೇಶಿಕಾ ಯು. ಜೋಡಿಯು 11–5ರಿಂದ ಆದಿತ್ಯಾ ಕಿರಣ್– ಮೈಶಾ ಜೋಡಿಯನ್ನು ಮಣಿಸಿ, ಅಂತರವನ್ನು 77–51ಕ್ಕೆ ಏರಿಸಿತು. ಅಂತಿಮವಾಗಿ ಭಾರತವು ಜಯವನ್ನು ತನ್ನದಾಗಿಸಿಕೊಂಡು, ಕ್ವಾರ್ಟರ್ಫೈನಲ್ಗೆ ಅರ್ಹತೆ ಗಿಟ್ಟಿಸಿಕೊಂಡಿತು.</p>.<p>‘ಡಿ’ ಗುಂಪಿನಲ್ಲಿರುವ ಹಾಂಗ್ಕಾಂಗ್ ಕೂಡ ಆಡಿರುವ ಎರಡೂ ಪಂದ್ಯಗಳನ್ನು ಗೆದ್ದಿದೆ. ಭಾನುವಾರ ಭಾರತ ಹಾಗೂ ಹಾಂಗ್ಕಾಂಗ್ ನಡುವೆ ಪಂದ್ಯ ನಡೆಯಲಿದ್ದು, ಗುಂಪಿನ ಅಗ್ರಸ್ಥಾನ ಪಡೆಯಲು ಪ್ರಬಲ ಪೈಪೋಟಿ ನಡೆಯುವ ನಿರೀಕ್ಷೆ ಇದೆ.</p>.<p>ಈ ಚಾಂಪಿಯನ್ಷಿಪ್ನಲ್ಲಿ ರಿಲೇ ಪಾಯಿಂಟ್ ಮಾದರಿಯ ವ್ಯವಸ್ಥೆ ಅಳವಡಿಸಲಾಗಿದೆ. ತಂಡವೊಂದು ಪಂದ್ಯ ಗೆಲ್ಲಬೇಕಾದರೆ 110 ಪಾಯಿಂಟ್ ಗಳಿಸಬೇಕಾಗುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>