ಜೋಹರ್, ಮಲೇಷ್ಯಾ: ಭಾರತ ಜೂನಿಯರ್ ಪುರುಷರ ಹಾಕಿ ತಂಡವು ಜೋಹರ್ ಕಪ್ ಹಾಕಿ ಟೂರ್ನಿಯಲ್ಲಿ ಮಲೇಷ್ಯಾ ಎದುರು ರೋಚಕ ಡ್ರಾ ಸಾಧಿಸಿತು.
ಇಲ್ಲಿ ಟೂರ್ನಿಯುತ್ತಿರುವ ಟೂರ್ನಿಯ ರೌಂಡ್‌ ರಾಬಿನ್ ಮಾದರಿಯ ಕೊನೆಯ ಪಂದ್ಯವು 5–5ರಿಂದ ಸಮಬಲದಲ್ಲಿ ಅಂತ್ಯವಾಯಿತು. ಇದರೊಂದಿಗೆ ಭಾರತವು ಫೈನಲ್‌ಗೆ ಅರ್ಹತೆ ಪಡೆಯುವ ಸ್ಪರ್ಧೆಯಲ್ಲಿ ಉಳಿದುಕೊಂಡಿತು.
ಭಾರತ ತಂಡಕ್ಕಾಗಿ ಪೂವಣ್ಣ ಸಿ.ಬಿ. (7ನೇ ನಿಮಿಷ), ಅಮನ್‌ದೀಪ (50ನೇ ನಿ.), ಅರೈಜೀತ್ ಸಿಂಗ್‌ ಹುಂಡಲ್‌ (53ನೇ ನಿ.), ಶಾರದಾ ನಂದ ತಿವಾರಿ (56 ಮತ್ತು 58ನೇ ನಿಮಿಷ) ಚೆಂಡನ್ನು ಗೋಲುಪೆಟ್ಟಿಗೆಗೆ ಸೇರಿಸಿದರು.
ಬ್ರಿಟನ್ ತಂಡದ ಪರ ಮ್ಯಾಕ್ಸ್ ಆ್ಯಂಡರ್ಸನ್‌ (1, 40ನೇ ನಿ.) ಮತ್ತು ಜೆಮಿ ಗೋಲ್ಡನ್‌ (54, 56ನೇ ನಿ.) ತಲಾ ಎರಡು ಗೋಲು ಗಳಿಸಿದರು. ಹ್ಯಾರಿಸ್‌ ಸ್ಟೋನ್‌ (42ನೇ ನಿ.) ಕೊಡುಗೆ ನೀಡಿದರು.
ಲೀಗ್ ಹಂತದಲ್ಲಿ ಭಾರತ ತಂಡವು ಐದು ಪಂದ್ಯಗಳಲ್ಲಿ ಎಂಟು ಪಾಯಿಂಟ್ಸ್ ಗಳಿಸಿ ಎರಡನೇ ಸ್ಥಾನ ಗಳಿಸಿತು. ಆಸ್ಟ್ರೇಲಿಯಾ (ಈಗಾಗಲೇ ಫೈನಲ್‌ಗೆ ಅರ್ಹತೆ ಪಡೆದಿದೆ) ನಾಲ್ಕು ಪಂದ್ಯಗಳಿಂದ 10 ಪಾಯಿಂಟ್ಸ್ ಕಲೆಹಾಕಿ ಮೊದಲ ಸ್ಥಾನದಲ್ಲಿದೆ.
ಹಾಲಿ ಚಾಂಪಿಯನ್ ಬ್ರಿಟನ್ ತಂಡವು ಫೈನಲ್ ಸ್ಪರ್ಧೆಯಿಂದ ಹೊರಬಿದ್ದಿದೆ.
