<p><strong>ಬ್ಯಾಂಕಾಕ್</strong> : ಮೊದಲ ಗೇಮ್ ಗೆದ್ದರೂ, ಆ ಬಳಿಕ ಪಂದ್ಯದ ಮೇಲಿನ ಹಿಡಿತ ಕೈಬಿಟ್ಟ ಭಾರತದ ಲಕ್ಷ್ಯ ಸೇನ್ ಅವರು ಥಾಯ್ಲೆಂಡ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯ ಸೆಮಿಫೈನಲ್ನಲ್ಲಿ ಸೋತರು.</p><p>ಶನಿವಾರ ನಡೆದ ಪಂದ್ಯದಲ್ಲಿ ಆತಿಥೇಯ ದೇಶದ ಭರವಸೆ ಎನಿಸಿರುವ ಕುನ್ಲಾವುಟ್ ವಿಟಿಡ್ಸರ್ನ್ 13-21, 21-17, 21-13 ರಿಂದ ಲಕ್ಷ್ಯ ಅವರನ್ನು ಮಣಿಸಿ ಫೈನಲ್ಗೆ ಲಗ್ಗೆಯಿಟ್ಟರು.</p><p>ಭಾನುವಾರ ನಡೆಯಲಿರುವ ಪ್ರಶಸ್ತಿ ಸುತ್ತಿನ ಹಣಾಹಣಿಯಲ್ಲಿ ಕುನ್ಲಾವುಟ್ ಅವರು ಹಾಂಗ್ಕಾಂಗ್ನ ಲೀ ಚುಕ್ ಯಿಯು ವಿರುದ್ಧ ಹಣಾಹಣಿ ನಡೆಸುವರು. ಇನ್ನೊಂದು ನಾಲ್ಕರಘಟ್ಟದ ಪಂದ್ಯದಲ್ಲಿ ಲೀ 21–14, 21–16 ರಲ್ಲಿ ಫ್ರಾನ್ಸ್ನ ಟೋಮ ಜೂನಿಯರ್ ಪೊಪೊವ್ ವಿರುದ್ಧ ಗೆದ್ದರು.</p><p>21 ವರ್ಷದ ಲಕ್ಷ್ಯ ಅವರು ಮೊದಲ ಗೇಮ್ನ ಆರಂಭದಲ್ಲಿ ಶಿಸ್ತಿನ ಆಟವಾಡಿ 11–6 ರಲ್ಲಿ ಮುನ್ನಡೆ ಸಾಧಿಸಿದರು. ಮರುಹೋರಾಟ ನಡೆಸಿದ ಕುನ್ಲಾವುಟ್ ಹಿನ್ನಡೆಯನ್ನು 10–11ಕ್ಕೆ ತಗ್ಗಿಸಿದರು. ಆದರೆ ಈ ಹಂತದಲ್ಲಿ ಭಾರತದ ಆಟಗಾರ ಆಕರ್ಷಕ ಹೊಡೆಗಳ ಮೂಲಕ ಲೀಡ್ ಹೆಚ್ಚಿಸಿ, ಎದುರಾಳಿಗೆ ಯಾವುದೇ ಅವಕಾಶ ನೀಡದ ಗೇಮ್ ಗೆದ್ದುಕೊಂಡರು.</p><p>ಎರಡನೇ ಗೇಮ್ನಲ್ಲಿ 10–10ರ ವರೆಗೆ ಇಬ್ಬರೂ ಜಿದ್ದಾಜಿದ್ದಿನಿಂದ ಸೆಣಸಾಡಿದರು. ಈ ವೇಳೆ ಕ್ರಾಸ್ಕೋರ್ಟ್ ಸ್ಮ್ಯಾಷ್ ಮತ್ತು ನಿಖರ ಡ್ರಾಪ್ ಶಾಟ್ಗಳ ಮೂಲಕ ಸತತ ಪಾಯಿಂಟ್ಸ್ ಕಲೆಹಾಕಿದ ಕುನ್ಲಾವುಟ್ ಮುನ್ನಡೆ ಪಡೆದರು. ಆ ಬಳಿಕ ನಾಲ್ಕು ಪಾಯಿಂಟ್ಸ್ಗಳ ಲೀಡ್ನೊಂದಿಗೆ ಗೇಮ್ ಗೆದ್ದರು.</p><p>ನಿರ್ಣಾಯಕ ಗೇಮ್ನ ಆರಂಭದಲ್ಲಿ 5–2 ರ ಮುನ್ನಡೆ ಪಡೆದ ಥಾಯ್ಲೆಂಡ್ನ ಆಟಗಾರ, ಎದುರಾಳಿಯ ಮೇಲೆ ಒತ್ತಡ ಹೇರಿದರು. ದೀರ್ಘ ರ್ಯಾಲಿಗಳನ್ನು ಆಡುವಾಗ ಬಳಲಿದಂತೆ ಕಂಡುಬಂದ ಲಕ್ಷ್ಯ, ಸ್ವಯಂಕೃತ ತಪ್ಪುಗಳನ್ನು ಮಾಡಿದರು. ಇದರಿಂದ ಲೀಡ್ನ್ನು 18–12ಕ್ಕೆ ಹೆಚ್ಚಿಸಿಕೊಂಡ ಕುನ್ಲಾವುಟ್, ಭಾರತದ ಆಟಗಾರನಿಗೆ ಮರುಹೋರಾಟ ನಡೆಸಲು ಅವಕಾಶ ನೀಡದೆ ಫೈನಲ್ಗೆ ಲಗ್ಗೆಯಿಟ್ಟರು.</p><p>ಮರಿನ್ಗೆ ಆಘಾತ: ಮಹಿಳೆಯರ ಸಿಂಗಲ್ಸ್ ವಿಭಾಗದ ಪ್ರಶಸ್ತಿಗೆ ದಕ್ಷಿಣ ಕೊರಿಯದ ಆನ್ ಸೆ ಯಾಂಗ್ ಮತ್ತು ಚೀನಾದ ಬಿಂಗ್ ಜಿಯಾವೊ ಹಣಾಹಣಿ ನಡೆಸುವರು.</p><p>ವಿಶ್ವದ ಎರಡನೇ ರ್ಯಾಂಕ್ನ ಆಟಗಾರ್ತಿ ಯಾಂಗ್, ಸೆಮಿಫೈನಲ್ನಲ್ಲಿ 21–16, 21–12 ರಲ್ಲಿ ಸ್ಪೇನ್ನ ಕರೋಲಿನಾ ಮರಿನ್ಗೆ ಆಘಾತ ನೀಡಿದರು. ಜಿಯಾವೊ ಅವರು 21–13, 21–18 ರಲ್ಲಿ ಡೆನ್ಮಾರ್ಕ್ನ ಮಿಯಾ ಬ್ಲಿಕ್ಫೆಲ್ಟ್ ಅವರನ್ನು ಸೋಲಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬ್ಯಾಂಕಾಕ್</strong> : ಮೊದಲ ಗೇಮ್ ಗೆದ್ದರೂ, ಆ ಬಳಿಕ ಪಂದ್ಯದ ಮೇಲಿನ ಹಿಡಿತ ಕೈಬಿಟ್ಟ ಭಾರತದ ಲಕ್ಷ್ಯ ಸೇನ್ ಅವರು ಥಾಯ್ಲೆಂಡ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯ ಸೆಮಿಫೈನಲ್ನಲ್ಲಿ ಸೋತರು.</p><p>ಶನಿವಾರ ನಡೆದ ಪಂದ್ಯದಲ್ಲಿ ಆತಿಥೇಯ ದೇಶದ ಭರವಸೆ ಎನಿಸಿರುವ ಕುನ್ಲಾವುಟ್ ವಿಟಿಡ್ಸರ್ನ್ 13-21, 21-17, 21-13 ರಿಂದ ಲಕ್ಷ್ಯ ಅವರನ್ನು ಮಣಿಸಿ ಫೈನಲ್ಗೆ ಲಗ್ಗೆಯಿಟ್ಟರು.</p><p>ಭಾನುವಾರ ನಡೆಯಲಿರುವ ಪ್ರಶಸ್ತಿ ಸುತ್ತಿನ ಹಣಾಹಣಿಯಲ್ಲಿ ಕುನ್ಲಾವುಟ್ ಅವರು ಹಾಂಗ್ಕಾಂಗ್ನ ಲೀ ಚುಕ್ ಯಿಯು ವಿರುದ್ಧ ಹಣಾಹಣಿ ನಡೆಸುವರು. ಇನ್ನೊಂದು ನಾಲ್ಕರಘಟ್ಟದ ಪಂದ್ಯದಲ್ಲಿ ಲೀ 21–14, 21–16 ರಲ್ಲಿ ಫ್ರಾನ್ಸ್ನ ಟೋಮ ಜೂನಿಯರ್ ಪೊಪೊವ್ ವಿರುದ್ಧ ಗೆದ್ದರು.</p><p>21 ವರ್ಷದ ಲಕ್ಷ್ಯ ಅವರು ಮೊದಲ ಗೇಮ್ನ ಆರಂಭದಲ್ಲಿ ಶಿಸ್ತಿನ ಆಟವಾಡಿ 11–6 ರಲ್ಲಿ ಮುನ್ನಡೆ ಸಾಧಿಸಿದರು. ಮರುಹೋರಾಟ ನಡೆಸಿದ ಕುನ್ಲಾವುಟ್ ಹಿನ್ನಡೆಯನ್ನು 10–11ಕ್ಕೆ ತಗ್ಗಿಸಿದರು. ಆದರೆ ಈ ಹಂತದಲ್ಲಿ ಭಾರತದ ಆಟಗಾರ ಆಕರ್ಷಕ ಹೊಡೆಗಳ ಮೂಲಕ ಲೀಡ್ ಹೆಚ್ಚಿಸಿ, ಎದುರಾಳಿಗೆ ಯಾವುದೇ ಅವಕಾಶ ನೀಡದ ಗೇಮ್ ಗೆದ್ದುಕೊಂಡರು.</p><p>ಎರಡನೇ ಗೇಮ್ನಲ್ಲಿ 10–10ರ ವರೆಗೆ ಇಬ್ಬರೂ ಜಿದ್ದಾಜಿದ್ದಿನಿಂದ ಸೆಣಸಾಡಿದರು. ಈ ವೇಳೆ ಕ್ರಾಸ್ಕೋರ್ಟ್ ಸ್ಮ್ಯಾಷ್ ಮತ್ತು ನಿಖರ ಡ್ರಾಪ್ ಶಾಟ್ಗಳ ಮೂಲಕ ಸತತ ಪಾಯಿಂಟ್ಸ್ ಕಲೆಹಾಕಿದ ಕುನ್ಲಾವುಟ್ ಮುನ್ನಡೆ ಪಡೆದರು. ಆ ಬಳಿಕ ನಾಲ್ಕು ಪಾಯಿಂಟ್ಸ್ಗಳ ಲೀಡ್ನೊಂದಿಗೆ ಗೇಮ್ ಗೆದ್ದರು.</p><p>ನಿರ್ಣಾಯಕ ಗೇಮ್ನ ಆರಂಭದಲ್ಲಿ 5–2 ರ ಮುನ್ನಡೆ ಪಡೆದ ಥಾಯ್ಲೆಂಡ್ನ ಆಟಗಾರ, ಎದುರಾಳಿಯ ಮೇಲೆ ಒತ್ತಡ ಹೇರಿದರು. ದೀರ್ಘ ರ್ಯಾಲಿಗಳನ್ನು ಆಡುವಾಗ ಬಳಲಿದಂತೆ ಕಂಡುಬಂದ ಲಕ್ಷ್ಯ, ಸ್ವಯಂಕೃತ ತಪ್ಪುಗಳನ್ನು ಮಾಡಿದರು. ಇದರಿಂದ ಲೀಡ್ನ್ನು 18–12ಕ್ಕೆ ಹೆಚ್ಚಿಸಿಕೊಂಡ ಕುನ್ಲಾವುಟ್, ಭಾರತದ ಆಟಗಾರನಿಗೆ ಮರುಹೋರಾಟ ನಡೆಸಲು ಅವಕಾಶ ನೀಡದೆ ಫೈನಲ್ಗೆ ಲಗ್ಗೆಯಿಟ್ಟರು.</p><p>ಮರಿನ್ಗೆ ಆಘಾತ: ಮಹಿಳೆಯರ ಸಿಂಗಲ್ಸ್ ವಿಭಾಗದ ಪ್ರಶಸ್ತಿಗೆ ದಕ್ಷಿಣ ಕೊರಿಯದ ಆನ್ ಸೆ ಯಾಂಗ್ ಮತ್ತು ಚೀನಾದ ಬಿಂಗ್ ಜಿಯಾವೊ ಹಣಾಹಣಿ ನಡೆಸುವರು.</p><p>ವಿಶ್ವದ ಎರಡನೇ ರ್ಯಾಂಕ್ನ ಆಟಗಾರ್ತಿ ಯಾಂಗ್, ಸೆಮಿಫೈನಲ್ನಲ್ಲಿ 21–16, 21–12 ರಲ್ಲಿ ಸ್ಪೇನ್ನ ಕರೋಲಿನಾ ಮರಿನ್ಗೆ ಆಘಾತ ನೀಡಿದರು. ಜಿಯಾವೊ ಅವರು 21–13, 21–18 ರಲ್ಲಿ ಡೆನ್ಮಾರ್ಕ್ನ ಮಿಯಾ ಬ್ಲಿಕ್ಫೆಲ್ಟ್ ಅವರನ್ನು ಸೋಲಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
