ವಿಶ್ವ ಈಜು ಚಾಂಪಿಯನ್‌ಷಿಪ್‌: ಚಿನ್ನದ ಬೇಟೆ ಆರಂಭಿಸಿದ ಮರ್ಷಾನ್‌

ಸಿಂಗಪುರ: ಫ್ರಾನ್ಸ್ನ ಈಜುತಾರೆ ಲೆಯಾನ್ ಮರ್ಷಾನ್ ಅವರು ಸಿಂಗಪುರದಲ್ಲಿ ನಡೆಯುತ್ತಿರುವ ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಚಿನ್ನದ ಬೇಟೆ ಆರಂಭಿಸಿದರು. ಮತ್ತೊಂದೆಡೆ ಕೆನಡಾದ ಸಮ್ಮರ್ ಮೆಕಿಂಟೋಷ್ ಹ್ಯಾಟ್ರಿಕ್ ಸ್ವರ್ಣ ಪದಕಕ್ಕೆ ಕೊರಳೊಡ್ಡಿದರು.

. ಪುರುಷರ 200 ಮೀಟರ್ ಮೆಡ್ಲೆಯ ಸೆಮಿಫೈನಲ್ನಲ್ಲಿ ವಿಶ್ವದಾಖಲೆ ನಿರ್ಮಿಸಿದ್ದ 23 ವರ್ಷದ ಮರ್ಷಾನ್, ಗುರುವಾರ ನಡೆದ ಫೈನಲ್ನಲ್ಲಿ ನಿರೀಕ್ಷೆಯಂತೆ ಅಗ್ರಸ್ಥಾನಿಯಾದರು. ಅವರು 1 ನಿಮಿಷ 53.68 ಸೆಕೆಂಡ್ಗಳಲ್ಲಿ ಗುರಿ ತಲುಪಿದರು. ಇದು ಎರಡನೇ ಅತಿವೇಗ ದಾಖಲೆಯಾಯಿತು.

. ಮರ್ಷಾನ್ ಅವರು ಬುಧವಾರ ನಡೆದ ಸೆಮಿಫೈನಲ್ನಲ್ಲಿ 1ನಿ.52.69 ಸೆ.ಗಳಲ್ಲಿ ಗುರಿ ಮುಟ್ಟುವ ಮೂಲಕ ಅಮೆರಿಕದ ರಯಾನ್ ಲಾಕ್ಟಿ 2011ರಲ್ಲಿ ಸ್ಥಾಪಿಸಿದ್ದ ದಾಖಲೆಯನ್ನು (1:54.00) ಮುರಿದಿದ್ದರು. 400 ಮೀಟರ್ ಮೆಡ್ಲೆನಲ್ಲೂ ಮರ್ಷಾನ್ ಕಣಕ್ಕೆ ಇಳಿಯುವರು. ಈ ವಿಭಾಗದ ವಿಶ್ವದಾಖಲೆ ಅವರ ಹೆಸರಿನಲ್ಲೇ ಇದೆ.

. ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಮರ್ಷಾನ್ ಅವರಿಗೆ ಇದು ಆರನೇ ಚಿನ್ನ. 2022ರ ಬುಡಾಪೆಸ್ಟ್ನಲ್ಲಿ ಎರಡು ಮತ್ತು 2023ರ ಫುಕುವೋಕಾದಲ್ಲಿ ಮೂರು ಸ್ವರ್ಣ ಗೆದ್ದಿದ್ದರು. ಕಳೆದ ವರ್ಷ ತವರಿನಲ್ಲಿ ನಡೆದ ಒಲಿಂಪಿಕ್ಸ್ನಲ್ಲಿ ನಾಲ್ಕು ಚಿನ್ನ ಸೇರಿದಂತೆ ಐದು ಪದಕ ತಮ್ಮದಾಗಿಸಿಕೊಂಡಿದ್ದರು.

. ಅಮೆರಿಕದ ಶೈನ್ ಕಾಸಸ್ (1:54.30) ಮತ್ತು ಹಂಗೇರಿಯ ಹ್ಯೂಬರ್ಟ್ ಕೋಸ್ (1:55.34) ಕ್ರಮವಾಗಿ ಬೆಳ್ಳಿ ಮತ್ತು ಕಂಚಿನ ಪದಕ ಗೆದ್ದರು.

. ಮೆಕಿಂಟೋಷ್ಗೆ ಹ್ಯಾಟ್ರಿಕ್: 18 ವರ್ಷದ ಮೆಕಿಂಟೋಷ್ ಅವರು ಮಹಿಳೆಯರ 200 ಮೀಟರ್ ಬಟರ್ಫ್ಲೈನಲ್ಲಿ ವೈಯಕ್ತಿಕ ಶ್ರೇಷ್ಠ ಸಾಧನೆಯೊಂದಿಗೆ ಚಾಂಪಿಯನ್ ಆಗಿ ಹೊರಹೊಮ್ಮಿದರು. ಅವರು 400 ಮೀ. ಬಟರ್ಫ್ಲೈ ಮತ್ತು 200 ಮೀ. ಮೆಡ್ಲೆನಲ್ಲಿ ಈಗಾಗಲೇ ಚಿನ್ನ ಗೆದ್ದಿದ್ದಾರೆ.

. ಇಲ್ಲಿ ಐದು ಸ್ವರ್ಣ ಗೆಲ್ಲುವ ಪ್ರಯತ್ನದಲ್ಲಿರುವ ಮೆಕಿಂಟೋಷ್, ಈಜು ದಂತಕತೆ ಮೈಕೆಲ್ ಫೆಲ್ಪ್ಸ್ಅವರ ದಾಖಲೆಗೆ ಮತ್ತಷ್ಟು ಹತ್ತಿರವಾದರು. 2007ರ ಕೂಟದಲ್ಲಿ ಅಮೆರಿಕದ ಫೆಲ್ಪ್ಸ್ಐದು ವೈಯಕ್ತಿಕ ಚಿನ್ನ ಸೇರಿದಂತೆ ಏಳು ಸ್ವರ್ಣ ಗೆದ್ದಿದ್ದರು.

. ಮೆಕಿಂಟೋಷ್ 2 ನಿಮಿಷ 01.99 ಸೆಕೆಂಡ್ಗಳಲ್ಲಿ ಗುರಿ ಮುಟ್ಟಿ, ಕೂದಲೆಳೆಯ ಅಂತರದಲ್ಲಿ ವಿಶ್ವದಾಖಲೆ ಅವಕಾಶ ತಪ್ಪಿಸಿಕೊಂಡರು. ಚೀನಾದ ಲಿಯು ಜಿ (2ನಿ.01.81) ಈ ವಿಭಾಗದಲ್ಲಿ ದಾಖಲೆ ಹೊಂದಿದ್ದಾರೆ. ಆದರೆ, ಕೆನಡಾದ ತಾರೆ ಎರಡನೇ ಅತಿ ವೇಗದ ಸಮಯದಲ್ಲಿ ಗುರಿ ತಲುಪಿದರು.

. ಅಮೆರಿಕದ ರೇಗನ್ ಸ್ಮಿತ್ (2:04.99) ಬೆಳ್ಳಿ ಪದಕ ಗೆದ್ದರೆ, ಆಸ್ಟ್ರೇಲಿಯಾದ ಎಲಿಜಬೆತ್ ಡೆಕ್ಕರ್ಸ್ (2:06.12) ಕಂಚು ತಮ್ಮದಾಗಿಸಿಕೊಂಡರು. ಚೀನಾದ 12 ವರ್ಷದ ಯು ಝಿದಿ (2:06.43) ಮತ್ತೆ ಅಲ್ಪ ಅಂತರದಲ್ಲಿ ಪದಕ ವಂಚಿತರಾದರು. 200 ಮೀಟರ್ ಮೆಡ್ಲೆ ಬಳಿಕ ಇಲ್ಲೂ ನಾಲ್ಕನೇ ಸ್ಥಾನ ಗಳಿಸಿದರು.

. ಡೇವಿಡ್ಗೆ ಎರಡನೇ ಚಿನ್ನ: ರುಮೇನಿಯಾದ ಈಜುಪಟು ಡೇವಿಡ್ ಪೊಪೊವಿಸಿ ಡಬಲ್ ಚಿನ್ನದ ಸಾಧನೆ ಮೆರೆದರು. 200 ಮೀಟರ್ ಫ್ರೀಸ್ಟೈಲ್ನಲ್ಲಿ ಚಿನ್ನ ಗೆದ್ದಿದ್ದ ಅವರು, 100 ಮೀಟರ್ ಫ್ರೀಸ್ಟೈಲ್ನಲ್ಲೂ ಚಾಂಪಿಯನ್ ಆದರು.

. 20 ವರ್ಷದ ಪೊಪೊವಿಸಿ 46.51 ಸೆಕೆಂಡ್ಗಳಲ್ಲಿ ಗುರಿ ತಲುಪಿದರು. ಅಮೆರಿಕದ ಜ್ಯಾಕ್ ಅಲೆಕ್ಸಿ ಬೆಳ್ಳಿ (46.92) ಮತ್ತು ಆಸ್ಟ್ರೇಲಿಯಾದ ಕೈಲ್ ಚಾಲ್ಮರ್ಸ್ ಕಂಚಿನ ಪದಕ (47.17) ಪಡೆದರು.

. ಅಮೆರಿಕದ ಕ್ಯಾಥರೀನ್ ಬರ್ಕಾಫ್ ( (27.08 ಸೆಕೆಂಡ್) ಅವರು ಮಹಿಳೆಯರ 50 ಮೀಟರ್ ಬ್ಯಾಕ್ಸ್ಟ್ರೋಕ್ನಲ್ಲಿ ಸ್ವದೇಶದ ರೇಗನ್ ಸ್ಮಿತ್ (27.25) ಅವರ ಸವಾಲನ್ನು ಮೆಟ್ಟಿನಿಂತು ಚಾಂಪಿಯನ್ ಆದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಶ್ವ ಈಜು ಚಾಂಪಿಯನ್‌ಷಿಪ್‌: ಚಿನ್ನದ ಬೇಟೆ ಆರಂಭಿಸಿದ ಮರ್ಷಾನ್‌

ಚಿನಕುರುಳಿ Cartoon: 31 ಜುಲೈ 2025

ಸಾರಿಗೆ ನೌಕರರ ವೇತನ ಪರಿಷ್ಕರಣೆ 2027ರ ನಂತರ ಸಾಧ್ಯ: ಸಾರಿಗೆ ಇಲಾಖೆ ಪ್ರತಿಪಾದನೆ

ಜಂಟಿ ಹೊಣೆಗಾರಿಕೆ ಗುಂಪಿಗೆ ‘ಗೃಹಲಕ್ಷ್ಮಿ’ಯರು

ಕೊಪ್ಪಳ | ಮಾಜಿ ನೌಕರನ ಬಳಿ 24 ಮನೆ!: ನಿಬ್ಬೆರಗಾದ ಲೋಕಾಯುಕ್ತ ಅಧಿಕಾರಿಗಳು

IND vs ENG 5th Test: ಭಾರತ 224; ಊಟದ ವಿರಾಮಕ್ಕೆ ಇಂಗ್ಲೆಂಡ್ 109/1

Duleep Trophy|ಪಶ್ಚಿಮ ವಲಯಕ್ಕೆ ಶಾರ್ದೂಲ್‌ ನಾಯಕ;ಪ್ರಮುಖ ಬ್ಯಾಟರ್‌ಗಳಿಗೆ ಸ್ಥಾನ

Macau Open 2025 | ಸೆಮಿಫೈನಲ್‌ಗೆ ಲಗ್ಗೆ ಇಟ್ಟ ತರುಣ್, ಲಕ್ಷ್ಯ ಸೇನ್

IND vs ENG Test: ಪಂದ್ಯದಿಂದ ಹೊರಬಿದ್ದ ಇಂಗ್ಲೆಂಡ್‌ ವೇಗಿ ಕ್ರಿಸ್ ವೋಕ್ಸ್

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಚಿನಕುರುಳಿ Cartoon: 31 ಜುಲೈ 2025

ಸಾರಿಗೆ ನೌಕರರ ವೇತನ ಪರಿಷ್ಕರಣೆ 2027ರ ನಂತರ ಸಾಧ್ಯ: ಸಾರಿಗೆ ಇಲಾಖೆ ಪ್ರತಿಪಾದನೆ

ಜಂಟಿ ಹೊಣೆಗಾರಿಕೆ ಗುಂಪಿಗೆ ‘ಗೃಹಲಕ್ಷ್ಮಿ’ಯರು

ಕೊಪ್ಪಳ | ಮಾಜಿ ನೌಕರನ ಬಳಿ 24 ಮನೆ!: ನಿಬ್ಬೆರಗಾದ ಲೋಕಾಯುಕ್ತ ಅಧಿಕಾರಿಗಳು