Olympics | ಚೀನಾ ಬಾಕ್ಸರ್ ಎದುರು ಸೋಲು; ಪದಕದ ರೇಸ್‌ನಿಂದ ಹೊರಬಿದ್ದ ಲವ್ಲಿನಾ

ಪ್ಯಾರಿಸ್‌: ಒಲಿಂಪಿಕ್‌ ಕ್ರೀಡಾಕೂಟದ ಮಹಿಳೆಯರ 75 ಕೆ.ಜಿ ವಿಭಾಗದ ಬಾಕ್ಸಿಂಗ್‌ ಸ್ಪರ್ಧೆಯ ಕ್ವಾರ್ಟರ್‌ಫೈನಲ್‌ನಲ್ಲಿ ಸೋಲು ಕಂಡಿರುವ ಭಾರತದ ಲವ್ಲಿನಾ ಬೊರ್ಗೊಹೈನ್‌ ಪದಕದ ರೇಸ್‌ನಿಂದ ಹೊರಬಿದ್ದಿದ್ದಾರೆ.

ಅವರು ಚೀನಾದ ಲಿ ಕ್ವಿಯಾನ್‌ ಎದುರು 4–1 ಅಂತರದಲ್ಲಿ ಮುಖಭಂಗ ಅನುಭವಿಸಿದ್ದಾರೆ.

ಜುಲೈ 31ರಂದು ನಡೆದ 16ನೇ ಸುತ್ತಿನ ಪಂದ್ಯದಲ್ಲಿ ನಾರ್ವೆಯ ಸುನಿವಾ ಹೊಫ್‌ಸ್ಟಾಡ್ ಎದುರು 5–0 ಅಂತರದಿಂದ ಗೆಲುವು ಸಾಧಿಸಿದ್ದ ಲವ್ಲಿನಾ, ಪದಕದ ಭರವಸೆ ಮೂಡಿಸಿದ್ದರು.

ಅವರು 2021ರ ಟೊಕಿಯೊ ಒಲಿಂಪಿಕ್‌ನಲ್ಲಿ ಕಂಚಿನ ಪದಕ ಗೆದ್ದಿದ್ದರು.