<p><strong>ಪ್ರಾಗ್ (ಝೆಕ್ ರಿಪಬ್ಲಿಕ್): </strong>ಸತತ ಎರಡನೇ ದಿನವೂ ಪ್ರಮಾದ ಎಸಗಿದ ಗ್ರ್ಯಾಂಡ್ಮಾಸ್ಟರ್ ಪ್ರಜ್ಞಾನಂದ, ಪ್ರಾಗ್ ಮಾಸ್ಟರ್ಸ್ ಚೆಸ್ ಟೂರ್ನಿಯ ಮೂರನೇ ಸುತ್ತಿನಲ್ಲಿ ಶುಕ್ರವಾರ ಹಂಗೆರಿ ಸಂಜಾತ ರುಮೇನಿಯಾದ ಆಟಗಾರ ರಿಚರ್ಡ್ ರ್ಯಾಪೋರ್ಟ್ ಎದುರು ಸೋಲನುಭವಿಸಿದರು.</p>.<p>ಹತ್ತು ಆಟಗಾರರ ರೌಂಡ್ ರಾಬಿನ್ ಟೂರ್ನಿಯ ಉಳಿದ ಆರು ಸುತ್ತುಗಳಲ್ಲಿ ಭಾರತದ ಆಟಗಾರನಿಗೆ ಉತ್ತಮ ಪ್ರದರ್ಶನ ನೀಡಲೇಬೇಕಾದ ಒತ್ತಡವಿದೆ.</p>.<p>ನಾದಿರ್ಬೆಕ್ ಅಬ್ದುಸತ್ತಾರೋವ್ ಇನ್ನೊಂದು ಪಂದ್ಯದಲ್ಲಿ ಸ್ಥಳೀಯ ಆಟಗಾರ ಡೇವಿಡ್ ನವಾರ ಎದುರು ಸೋಲಿನ ಸುಳಿಯಿಂದ ಹೊರಬಂದು ಪೂರ್ಣ ಪಾಯಿಂಟ್ ಪಡೆಯುವಲ್ಲಿ ಯಶಸ್ವಿ ಆದರು. </p>.<p>ಭಾರತೀಯರ ವ್ಯವಹಾರವಾಗಿದ್ದ ಇನ್ನೊಂದು ಪಂದ್ಯದಲ್ಲಿ ವಿದಿತ್ ಗುಜರಾತಿ ಮತ್ತು ಡಿ.ಗುಕೇಶ್ ಅವರು ಪಾಯಿಂಟ್ ಹಂಚಿಕೊಳ್ಳಲು ನಿರ್ಧರಿಸಿದರು. ಎರಡನೇ ಸುತ್ತಿನ ನಂತರ ಅಗ್ರಸ್ಥಾನದಲ್ಲಿದ್ದ ಇರಾನ್ನ ಪರ್ಹಾಮ್ ಮಘಸೂಡ್ಲು, ಅವರು ಜರ್ಮನಿಯ ಅಗ್ರ ಆಟಗಾರ ವಿನ್ಸೆಂಟ್ ಕೀಮರ್ ಜೊತೆ ಪಾಯಿಂಟ್ ಹಂಚಿಕೊಂಡರು.</p>.<p>ಸಂಕೀರ್ಣ ಅಂತ್ಯಕಂಡ ದಿನದ ಇನ್ನೊಂದು ಪಂದ್ಯದಲ್ಲಿ ಝೆಕ್ ರಿಪಬ್ಲಿಕ್ನ ಗುಯೆನ್ ಥಾನ್ ದೈ ವಾನ್ (1 ಪಾಯಿಂಟ್) ಅವರು ಪೋಲೆಂಡ್ನ ಮಾಥ್ಯೂಸ್ ಬಾರ್ಟೆಲ್ (0.5) ಅವರನ್ನು ಸೋಲಿಸಿದರು.</p>.<p>ಮೂರನೇ ಸುತ್ತಿನ ನಂತರ ಅಬ್ದುಸತ್ತಾರೊವ್ ಮತ್ತು ಮಘಸೂಡ್ಲು ಅವರು ಮೂರು ಸುತ್ತುಗಳಿಂದ ತಲಾ 2.5 ಪಾಯಿಂಟ್ಸ್ ಸಂಗ್ರಹಿಸಿ ಅಗ್ರಸ್ಥಾನದಲ್ಲಿದ್ದಾರೆ. ಗುಕೇಶ್ ಮತ್ತು ರ್ಯಾಪೋರ್ಟ್ ಅವರು ತಲಾ ಎರಡು ಅಂಕ ಗಳಿಸಿದ್ದಾರೆ. ವಿದಿತ್ ಗುಜರಾತಿ (1.5) ಐದನೇ ಸ್ಥಾನದಲ್ಲಿದ್ದಾರೆ.</p>.<p>ಪ್ರಜ್ಞಾನಂದ, ನವಾರ, ದೈ ವಾನ್ ಮತ್ತು ಜರ್ಮನಿಯ ಕೀಮರ್ ತಲಾ ಒಂದು ಅಂಕ ಪಡೆದಿದ್ದಾರೆ. ಬಾರ್ಟೆಲ್ ಅರ್ಧ ಪಾಯಿಂಟ್ ಪಡೆದಿದ್ದು ಕೊನೆಯ ಸ್ಥಾನದಲ್ಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ರಾಗ್ (ಝೆಕ್ ರಿಪಬ್ಲಿಕ್): </strong>ಸತತ ಎರಡನೇ ದಿನವೂ ಪ್ರಮಾದ ಎಸಗಿದ ಗ್ರ್ಯಾಂಡ್ಮಾಸ್ಟರ್ ಪ್ರಜ್ಞಾನಂದ, ಪ್ರಾಗ್ ಮಾಸ್ಟರ್ಸ್ ಚೆಸ್ ಟೂರ್ನಿಯ ಮೂರನೇ ಸುತ್ತಿನಲ್ಲಿ ಶುಕ್ರವಾರ ಹಂಗೆರಿ ಸಂಜಾತ ರುಮೇನಿಯಾದ ಆಟಗಾರ ರಿಚರ್ಡ್ ರ್ಯಾಪೋರ್ಟ್ ಎದುರು ಸೋಲನುಭವಿಸಿದರು.</p>.<p>ಹತ್ತು ಆಟಗಾರರ ರೌಂಡ್ ರಾಬಿನ್ ಟೂರ್ನಿಯ ಉಳಿದ ಆರು ಸುತ್ತುಗಳಲ್ಲಿ ಭಾರತದ ಆಟಗಾರನಿಗೆ ಉತ್ತಮ ಪ್ರದರ್ಶನ ನೀಡಲೇಬೇಕಾದ ಒತ್ತಡವಿದೆ.</p>.<p>ನಾದಿರ್ಬೆಕ್ ಅಬ್ದುಸತ್ತಾರೋವ್ ಇನ್ನೊಂದು ಪಂದ್ಯದಲ್ಲಿ ಸ್ಥಳೀಯ ಆಟಗಾರ ಡೇವಿಡ್ ನವಾರ ಎದುರು ಸೋಲಿನ ಸುಳಿಯಿಂದ ಹೊರಬಂದು ಪೂರ್ಣ ಪಾಯಿಂಟ್ ಪಡೆಯುವಲ್ಲಿ ಯಶಸ್ವಿ ಆದರು. </p>.<p>ಭಾರತೀಯರ ವ್ಯವಹಾರವಾಗಿದ್ದ ಇನ್ನೊಂದು ಪಂದ್ಯದಲ್ಲಿ ವಿದಿತ್ ಗುಜರಾತಿ ಮತ್ತು ಡಿ.ಗುಕೇಶ್ ಅವರು ಪಾಯಿಂಟ್ ಹಂಚಿಕೊಳ್ಳಲು ನಿರ್ಧರಿಸಿದರು. ಎರಡನೇ ಸುತ್ತಿನ ನಂತರ ಅಗ್ರಸ್ಥಾನದಲ್ಲಿದ್ದ ಇರಾನ್ನ ಪರ್ಹಾಮ್ ಮಘಸೂಡ್ಲು, ಅವರು ಜರ್ಮನಿಯ ಅಗ್ರ ಆಟಗಾರ ವಿನ್ಸೆಂಟ್ ಕೀಮರ್ ಜೊತೆ ಪಾಯಿಂಟ್ ಹಂಚಿಕೊಂಡರು.</p>.<p>ಸಂಕೀರ್ಣ ಅಂತ್ಯಕಂಡ ದಿನದ ಇನ್ನೊಂದು ಪಂದ್ಯದಲ್ಲಿ ಝೆಕ್ ರಿಪಬ್ಲಿಕ್ನ ಗುಯೆನ್ ಥಾನ್ ದೈ ವಾನ್ (1 ಪಾಯಿಂಟ್) ಅವರು ಪೋಲೆಂಡ್ನ ಮಾಥ್ಯೂಸ್ ಬಾರ್ಟೆಲ್ (0.5) ಅವರನ್ನು ಸೋಲಿಸಿದರು.</p>.<p>ಮೂರನೇ ಸುತ್ತಿನ ನಂತರ ಅಬ್ದುಸತ್ತಾರೊವ್ ಮತ್ತು ಮಘಸೂಡ್ಲು ಅವರು ಮೂರು ಸುತ್ತುಗಳಿಂದ ತಲಾ 2.5 ಪಾಯಿಂಟ್ಸ್ ಸಂಗ್ರಹಿಸಿ ಅಗ್ರಸ್ಥಾನದಲ್ಲಿದ್ದಾರೆ. ಗುಕೇಶ್ ಮತ್ತು ರ್ಯಾಪೋರ್ಟ್ ಅವರು ತಲಾ ಎರಡು ಅಂಕ ಗಳಿಸಿದ್ದಾರೆ. ವಿದಿತ್ ಗುಜರಾತಿ (1.5) ಐದನೇ ಸ್ಥಾನದಲ್ಲಿದ್ದಾರೆ.</p>.<p>ಪ್ರಜ್ಞಾನಂದ, ನವಾರ, ದೈ ವಾನ್ ಮತ್ತು ಜರ್ಮನಿಯ ಕೀಮರ್ ತಲಾ ಒಂದು ಅಂಕ ಪಡೆದಿದ್ದಾರೆ. ಬಾರ್ಟೆಲ್ ಅರ್ಧ ಪಾಯಿಂಟ್ ಪಡೆದಿದ್ದು ಕೊನೆಯ ಸ್ಥಾನದಲ್ಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
