ಕೆನಡಾ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸೆಮಿಫೈನಲ್‌ಗೆ ಪ್ರಿಯಾಂಶು ರಾಜಾವತ್‌

ಕ್ಯಾಲ್ಗರಿ, (ಕೆನಡಾ): ಭಾರತದ ಉದಯೋನ್ಮುಖ ಆಟಗಾರ ಪ್ರಿಯಾಂಶು ರಾಜಾವತ್ ವಿಶ್ವ ನಂ.4ನೇ ಕ್ರಮಾಂಕದ ಆ್ಯಂಡರ್ಸ್ ಆಂಟೋನ್ಸನ್ಗೆ ಆಘಾತ ನೀಡಿದ್ದಾರೆ.

. ಇಲ್ಲಿ ನಡೆಯುತ್ತಿರುವ ಕೆನಡಾ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಶುಕ್ರವಾರ ತಡರಾತ್ರಿ ನಡೆದ ಪುರುಷರ ಸಿಂಗಲ್ಸ್ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ರಾಜಾವತ್ 21-11, 17-21, 21-19 ರಿಂದ ಆಂಟೋನ್ಸನ್ ವಿರುದ್ಧ ಜಯ ಗಳಿಸಿದರು. ಈ ಪಂದ್ಯವು 1 ಗಂಟೆ 19 ನಿಮಿಷ ನಡೆಯಿತು.

. ರಾಜಾವತ್ ಅವರು ಸೆಮಿಫೈನಲ್ನಲ್ಲಿ ಫ್ರಾನ್ಸ್ನ ಅಲೆಕ್ಸ್ ಲೆನಿಯರ್ ಅವರನ್ನು ಎದುರಿಸಲಿದ್ದಾರೆ. ರಾಜಾವತ್ಗೆ ಇದು ವಿಶ್ವದ ಅಗ್ರ 10 ಕ್ರಮಾಂಕದಲ್ಲಿರುವ ಆಟಗಾರನ ವಿರುದ್ಧದ ಮೊದಲ ಗೆಲುವಾಗಿದೆ.

. ಆಂಟೋನ್ಸನ್ ಮೊದಲ ಗೇಮ್ನಲ್ಲಿ 9–9 ರಿಂದ ಸಮಬಲ ಸಾಧಿಸುವ ಮುನ್ನ ಉತ್ತಮ ಆರಂಭ ಪಡೆದಿದ್ದ ರಾಜಾವತ್ 7–4ರ ಮುನ್ನಡೆಯಲ್ಲಿದ್ದರು. ನಂತರ ಐದು ಅಂಕ ಗಳಿಸುವ ಮೂಲಕ ರಾಜಾವತ್ ಮೇಲುಗೈ ಸಾಧಿಸಿದರು. ಎದುರಾಳಿ ಆಟಗಾರ ಮತ್ತೆ ಮುನ್ನಡೆ ಸಾಧಿಸಲು ಪ್ರಯತ್ನಿಸಿದರೂ ಸತತ 7 ಅಂಕ ಗಳಿಸಿದ ರಾಜಾವತ್, ಮೊದಲ ಗೇಮ್ ತಮ್ಮದಾಗಿಸಿಕೊಂಡರು.

. ಮೊದಲ ಗೇಮ್ ಕಳೆದುಕೊಂಡ ಆಂಟೋನ್ಸನ್ ಎರಡನೇಯದ್ದರಲ್ಲಿ ಉತ್ತಮ ಆಟವಾಡಿ ಸಮಬಲ ಸಾಧಿಸಿದರು. 17–17ರ ಸಮಬಲದ ಹೋರಾಟ ನಡೆಯುತ್ತಿದ್ದಾಗ ನಾಲ್ಕು ನೇರ ಅಂಕಗಳನ್ನು ಬಿಟ್ಟಕೊಟ್ಟ ರಾಜಾವತ್ ಎರಡನೇ ಗೇಮ್ ಕೈಚೆಲ್ಲಿದರು.

. ಅಂತಿಮ ಗೇಮ್ನಲ್ಲಿ ರಾಜಾವತ್ 5–1ರ ಮುನ್ನಡೆ ಸಾಧಿಸಿದರೂ ಸತತ ಆರು ಅಂಕ ಗಳಿಸಿದ ಆಂಟೋನ್ಸನ್ 7–5ರಿಂದ ಮುನ್ನಡೆ ಸಾಧಿಸಿದರು.

. ಮೂರು ಅಂಕ ಗಳಿಸುವ ಮೂಲಕ ಪುನರಾಗಮನ ಮಾಡಿದರೂ ಅನುಭವಿ ಡೆನ್ಮಾರ್ಕ ಆಟಗಾರ ವಿರಾಮದ ಹೊತ್ತಿಗೆ 11–10 ರಿಂದ ಮುನ್ನಡೆ ಸಾಧಿಸಿದರು. 19–19ರಿಂದ ಸಮಬಲದ ಸೆಣಸಾಟ ನಡೆಯುತ್ತಿದ್ದಾಗ ಸತತ ಅಂಕ ಗಳಿಸಿದ ಪ್ರಿಯಾಂಶು ರಾಜಾವತ್ ಜಯ ಸಾಧಿಸಿದರು.

. ಉನ್ನತ ಕ್ರಮಾಂಕದ ಆಟಗಾರರ ವಿರುದ್ಧ ಗೆದ್ದು ಸೆಮಿಫೈನಲ್ ತಲುಪಿರುವ ರಾಜಾವತ್, ವಿಶ್ವ ನಂ.24 ಡೆನ್ಮಾರ್ಕ್ನ ರಾಸ್ಮಸ್ ಜೆಮ್ಕೆ ಹಾಗೂ ವಿಶ್ವ ನಂ.33ನೇ ಕ್ರಮಾಂಕದ ಜಪಾನ್ನ ಟಕುಮಾ ಒಬಯಾಸಿ ಅವರನ್ನು ಕ್ರಮವಾಗಿ ಮೊದಲ ಹಾಗೂ ಎರಡನೇ ಸುತ್ತಿನಲ್ಲಿ ಸೋಲಿಸಿದ್ದರು.

. ಟ್ರೀಸಾ–ಗಾಯತ್ರಿ ನಿರ್ಗಮನ:

. ಮಹಿಳಾ ಡಬಲ್ಸ್ ಜೋಡಿ ಟ್ರೀಸಾ ಜೋಳಿ ಮತ್ತು ಗಾಯತ್ರಿ ಗೋಪಿಚಂದ್ ಅವರು ಕ್ವಾರ್ಟರ್ ಫೈನಲ್ನಲ್ಲಿ ಟೂರ್ನಿಯಿಂದ ನಿರ್ಗಮಿಸಿದ್ದಾರೆ.

. ಟ್ರೀಸಾ–ಗಾಯತ್ರಿ ಜೋಡಿ 18-21 21-19 16-21 ರಿಂದ ಚೈನಾ ತೈಪೆಯ ಪೀ ಶಾನ್ ಸೀ ಮತ್ತು ಎನ್ ಜೂ ಹಂಗ್ ಜೋಡಿ ವಿರುದ್ಧ ಪರಾಭವಗೊಂಡಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೆನಡಾ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸೆಮಿಫೈನಲ್‌ಗೆ ಪ್ರಿಯಾಂಶು ರಾಜಾವತ್‌

ಚಿನಕುರುಳಿ | ಬುಧವಾರ, 23 ಅಕ್ಟೋಬರ್ 2024

ಚುರುಮುರಿ | ನೆಂದಕಾಳೂರು

ಕಾಂಗ್ರೆಸ್ ಸೇರಿದ ಯೋಗೇಶ್ವರ್; ಮರಳಿ ಗೂಡಿಗೆ ಬಂದಿದ್ದಾರೆ ಎಂದ ಡಿ.ಕೆ. ಶಿವಕುಮಾರ್

ದಿನ ಭವಿಷ್ಯ: ಎಲ್ಲರೊಂದಿಗೆ ಹೊಂದಿಕೊಳ್ಳುವ ಗುಣ ಬೆಳೆಸಿಕೊಳ್ಳಿ

ಪ್ರೊ ಕಬಡ್ಡಿ ಲೀಗ್: ತಲೈವಾಸ್‌ಗೆ ತಲೆಬಾಗಿದ ಪುಣೇರಿ

ಬ್ಯಾಸ್ಕೆಟ್‌ಬಾಲ್‌ ಟೂರ್ನಿ: ಎನ್‌ಐಟಿಕೆ, ನಿಟ್ಟೆ ಕ್ಯಾಂಪಸ್ ಜಯಭೇರಿ

ಡಬ್ಲ್ಯುಟಿಟಿ ಚಾಂಪಿಯನ್ಸ್‌: ಮಣಿಕಾ ಬಾತ್ರಾ ಪ್ರಿಕ್ವಾರ್ಟರ್‌ಗೆ

ಹಾಕಿ: ಭಾರತ ಓಟಕ್ಕೆ ಆಸ್ಟ್ರೇಲಿಯಾ ತಡೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಒಳನೋಟ: ಕೆಲಸದ ಹೊರೆ; ಬದುಕಿಗೆ ಬರೆ

ಚಿನಕುರುಳಿ | ಬುಧವಾರ, 23 ಅಕ್ಟೋಬರ್ 2024

ಚುರುಮುರಿ | ನೆಂದಕಾಳೂರು

ಕಾಂಗ್ರೆಸ್ ಸೇರಿದ ಯೋಗೇಶ್ವರ್; ಮರಳಿ ಗೂಡಿಗೆ ಬಂದಿದ್ದಾರೆ ಎಂದ ಡಿ.ಕೆ. ಶಿವಕುಮಾರ್

ದಿನ ಭವಿಷ್ಯ: ಎಲ್ಲರೊಂದಿಗೆ ಹೊಂದಿಕೊಳ್ಳುವ ಗುಣ ಬೆಳೆಸಿಕೊಳ್ಳಿ