<p><strong>ನವದೆಹಲಿ</strong>: ಸುಳ್ಳು ಜನನಪ್ರಮಾಣಪತ್ರ ನೀಡಿ ಜೂನಿಯರ್ ಹಂತದಲ್ಲಿ ಸ್ಪರ್ಧಿಸುತ್ತಿದ್ದ ವಯೋಮಿತಿ ಮೀರಿದ ಕುಸ್ತಿಪಟುಗಳ ಮೇಲೆ ಭಾರತ ಕುಸ್ತಿ ಫೆಡರೇಷನ್ ಚಾಟಿ ಬೀಸಿದೆ. 400ಕ್ಕೂ ಅಧಿಕ ಪ್ರಕರಣಗಳ ತಪಾಸಣೆಯ ನಂತರ 30 ಮಂದಿ ಕುಸ್ತಿಪಟುಗಳ ಮೇಲೆ ತಾತ್ಕಾಲಿಕ ಅಮಾನತು ಹೇರಲಾಗಿದೆ.</p>.<p>ಹರಿಯಾಣದ ಹಲವು ಪೈಲ್ವಾನರು ಸುಳ್ಳು ಜನನಪ್ರಮಾಣಪತ್ರ ನೀಡಿ ಜೂನಿಯರ್ ವಿಭಾಗದಲ್ಲಿ ಸ್ಪರ್ಧಿಸುತ್ತಿರುವ ಬಗ್ಗೆ ಕೋಚ್ಗಳು ಮತ್ತು ಡೆಲ್ಲಿಯ ವಿವಿಧ ಅಖಾಡಗಳ ಕುಸ್ತಿಪಟುಗಳು ದೂರು ನೀಡಿದ್ದು, ಫೆಡರೇಷನ್ ಈ ಬಗ್ಗೆ ತಪಾಸಣೆ ನಡೆಸಿತ್ತು.</p>.<p>ಫೆಡರೇಷನ್ಗೇ ಆಘಾತ ನೀಡುವ ರೀತಿ, ನಕಲಿ ಪ್ರಮಾಣಪತ್ರ ನೀಡಿದ್ದ ಇಬ್ಬರು ಪೈಲ್ವಾನರು ಇತ್ತೀಚೆಗೆ ಬಿಹಾರದಲ್ಲಿ ನಡೆದ ಖೇಲೊ ಇಂಡಿಯಾ ಕ್ರೀಡೆಗಳಲ್ಲಿ ಪದಕಗಳನ್ನೂ ಗೆದ್ದಿದ್ದರು.</p>.<p>‘ಜೂನಿಯರ್ ಹಂತದ (18 ವರ್ಷದೊಳಗಿನವರು ಮತ್ತು ಕೆಡೆಟ್ ವಿಭಾಗ) ಸ್ಪರ್ಧೆಗಳಲ್ಲಿ ಈಗ ತಪ್ಪು ಮಾಡಿದವರ ಭವಿಷ್ಯ ಹಾಳು ಮಾಡಲು ನಾವು ಬಯಸುವುದಿಲ್ಲ. 18 ವರ್ಷ ದಾಟಿದವರು ಅವರ ಮೂಲ ರಾಜ್ಯವನ್ನು ಪ್ರತಿನಿಧಿಸಬೇಕು’ ಎಂದು ಫೆಡರೇಷನ್ನ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದರು.</p>.<p>‘ನಾವು ಪ್ರತಿಯೊಂದು ಪ್ರಕರಣ ಪರಿಶೀಲಿಸಿದ್ದೇವೆ. 30–40 ದಿನಗಳಲ್ಲಿ 30 ಮಂದಿ ಇಂಥ ತಪ್ಪು ಮಾಡಿದ್ದಾರೆ. ಈಗ ಸುಳ್ಳು ಪ್ರಮಾಣಪತ್ರ ನೀಡಿದವರು ಫೆಡರೇಷನ್ಗೆ ಬಂದು ತಮ್ಮ ಕೃತ್ಯ ಮತ್ತು ಮೋಸಕ್ಕೆ ಕ್ಷಮೆ ಕೇಳಬೇಕು’ ಎಂದು ಅವರು ಹೇಳಿದರು.</p>.<p>‘ಹರಿಯಾಣದಲ್ಲಿ ತಮ್ಮ ಕೋಚ್ಗಳಿಂದ ತಪ್ಪುದಾರಿಗಿಳಿದ ಯುವ ಕುಸ್ತಿಪಟುಗಳು ದೆಹಲಿಯ ನರೇಲಾ ಮತ್ತು ರೋಹಿಣಿ ಪ್ರದೇಶಗಳಲ್ಲಿ ಲಂಚ ನೀಡಿ ಸುಳ್ಳು ಪ್ರಮಾಣಪತ್ರ ಪಡೆಯುತ್ತಿರುವುದು ಬಹಿರಂಗವಾಗಿದೆ’ ಎಂದರು.</p>.<p><strong>ಕೋಚ್ ಅಮಾನತು:</strong></p>.<p>ಲೈಂಗಿಕ ಕಿರಕುಳ ನೀಡಿದ ದೂರಿನ ಮೇರೆಗೆ ಹರಿಯಾಣದ ಕೋಚ್ ಸಂಜಯ್ ಲಾತರ್ ಅವರನ್ನು ಡಬ್ಲ್ಯುಎಫ್ಐ ಅಮಾನತು ಮಾಡಿದೆ. ಕಳೆದ ತಿಂಗಳು ಖೇಲೊ ಇಂಡಿಯಾ ಕ್ರೀಡೆಗಳ ವೇಳೆ ಕೋಚ್ ಲೈಂಗಿಕ ಕಿರುಕುಳ ನೀಡಿರುವುದಾಗಿ ಸ್ಪರ್ಧಿಯೊಬ್ಬರು ದೂರು ನೀಡಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಸುಳ್ಳು ಜನನಪ್ರಮಾಣಪತ್ರ ನೀಡಿ ಜೂನಿಯರ್ ಹಂತದಲ್ಲಿ ಸ್ಪರ್ಧಿಸುತ್ತಿದ್ದ ವಯೋಮಿತಿ ಮೀರಿದ ಕುಸ್ತಿಪಟುಗಳ ಮೇಲೆ ಭಾರತ ಕುಸ್ತಿ ಫೆಡರೇಷನ್ ಚಾಟಿ ಬೀಸಿದೆ. 400ಕ್ಕೂ ಅಧಿಕ ಪ್ರಕರಣಗಳ ತಪಾಸಣೆಯ ನಂತರ 30 ಮಂದಿ ಕುಸ್ತಿಪಟುಗಳ ಮೇಲೆ ತಾತ್ಕಾಲಿಕ ಅಮಾನತು ಹೇರಲಾಗಿದೆ.</p>.<p>ಹರಿಯಾಣದ ಹಲವು ಪೈಲ್ವಾನರು ಸುಳ್ಳು ಜನನಪ್ರಮಾಣಪತ್ರ ನೀಡಿ ಜೂನಿಯರ್ ವಿಭಾಗದಲ್ಲಿ ಸ್ಪರ್ಧಿಸುತ್ತಿರುವ ಬಗ್ಗೆ ಕೋಚ್ಗಳು ಮತ್ತು ಡೆಲ್ಲಿಯ ವಿವಿಧ ಅಖಾಡಗಳ ಕುಸ್ತಿಪಟುಗಳು ದೂರು ನೀಡಿದ್ದು, ಫೆಡರೇಷನ್ ಈ ಬಗ್ಗೆ ತಪಾಸಣೆ ನಡೆಸಿತ್ತು.</p>.<p>ಫೆಡರೇಷನ್ಗೇ ಆಘಾತ ನೀಡುವ ರೀತಿ, ನಕಲಿ ಪ್ರಮಾಣಪತ್ರ ನೀಡಿದ್ದ ಇಬ್ಬರು ಪೈಲ್ವಾನರು ಇತ್ತೀಚೆಗೆ ಬಿಹಾರದಲ್ಲಿ ನಡೆದ ಖೇಲೊ ಇಂಡಿಯಾ ಕ್ರೀಡೆಗಳಲ್ಲಿ ಪದಕಗಳನ್ನೂ ಗೆದ್ದಿದ್ದರು.</p>.<p>‘ಜೂನಿಯರ್ ಹಂತದ (18 ವರ್ಷದೊಳಗಿನವರು ಮತ್ತು ಕೆಡೆಟ್ ವಿಭಾಗ) ಸ್ಪರ್ಧೆಗಳಲ್ಲಿ ಈಗ ತಪ್ಪು ಮಾಡಿದವರ ಭವಿಷ್ಯ ಹಾಳು ಮಾಡಲು ನಾವು ಬಯಸುವುದಿಲ್ಲ. 18 ವರ್ಷ ದಾಟಿದವರು ಅವರ ಮೂಲ ರಾಜ್ಯವನ್ನು ಪ್ರತಿನಿಧಿಸಬೇಕು’ ಎಂದು ಫೆಡರೇಷನ್ನ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದರು.</p>.<p>‘ನಾವು ಪ್ರತಿಯೊಂದು ಪ್ರಕರಣ ಪರಿಶೀಲಿಸಿದ್ದೇವೆ. 30–40 ದಿನಗಳಲ್ಲಿ 30 ಮಂದಿ ಇಂಥ ತಪ್ಪು ಮಾಡಿದ್ದಾರೆ. ಈಗ ಸುಳ್ಳು ಪ್ರಮಾಣಪತ್ರ ನೀಡಿದವರು ಫೆಡರೇಷನ್ಗೆ ಬಂದು ತಮ್ಮ ಕೃತ್ಯ ಮತ್ತು ಮೋಸಕ್ಕೆ ಕ್ಷಮೆ ಕೇಳಬೇಕು’ ಎಂದು ಅವರು ಹೇಳಿದರು.</p>.<p>‘ಹರಿಯಾಣದಲ್ಲಿ ತಮ್ಮ ಕೋಚ್ಗಳಿಂದ ತಪ್ಪುದಾರಿಗಿಳಿದ ಯುವ ಕುಸ್ತಿಪಟುಗಳು ದೆಹಲಿಯ ನರೇಲಾ ಮತ್ತು ರೋಹಿಣಿ ಪ್ರದೇಶಗಳಲ್ಲಿ ಲಂಚ ನೀಡಿ ಸುಳ್ಳು ಪ್ರಮಾಣಪತ್ರ ಪಡೆಯುತ್ತಿರುವುದು ಬಹಿರಂಗವಾಗಿದೆ’ ಎಂದರು.</p>.<p><strong>ಕೋಚ್ ಅಮಾನತು:</strong></p>.<p>ಲೈಂಗಿಕ ಕಿರಕುಳ ನೀಡಿದ ದೂರಿನ ಮೇರೆಗೆ ಹರಿಯಾಣದ ಕೋಚ್ ಸಂಜಯ್ ಲಾತರ್ ಅವರನ್ನು ಡಬ್ಲ್ಯುಎಫ್ಐ ಅಮಾನತು ಮಾಡಿದೆ. ಕಳೆದ ತಿಂಗಳು ಖೇಲೊ ಇಂಡಿಯಾ ಕ್ರೀಡೆಗಳ ವೇಳೆ ಕೋಚ್ ಲೈಂಗಿಕ ಕಿರುಕುಳ ನೀಡಿರುವುದಾಗಿ ಸ್ಪರ್ಧಿಯೊಬ್ಬರು ದೂರು ನೀಡಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
