ವಿಶ್ವ ಯೂತ್‌ ಚೆಸ್‌ ಚಾಂಪಿಯನ್‌ಷಿಪ್‌: ಪ್ರಣವ್‌ ಆನಂದ್‌ಗೆ ‘ಡಬಲ್‌ ಧಮಾಕ’

ಬೆಂಗಳೂರು: ‘ಗ್ರ್ಯಾಂಡ್ ಮಾಸ್ಟರ್ ಪಟ್ಟ ಲಭಿಸಿರುವುದರಿಂದ ಅತೀವ ಸಂತಸವಾಗಿದೆ. ಈ ಕ್ಷಣಕ್ಕಾಗಿ ಬಹಳ ಸಮಯದಿಂದ ಕಾಯುತ್ತಿದ್ದೆ. ಈಗ ನಿರಾಳನಾಗಿದ್ದೇನೆ’.

. – ಭಾರತದ 76ನೇ ಹಾಗೂ ಕರ್ನಾಟಕದ ನಾಲ್ಕನೇ ಗ್ರ್ಯಾಂಡ್ಮಾಸ್ಟರ್ ಎನಿಸಿಕೊಂಡ ಯುವ ಚೆಸ್ ಪ್ರತಿಭೆ ಪ್ರಣವ್ ಆನಂದ್ ಅವರ ಮಾತಿದು.

. ಬೆಂಗಳೂರಿನ 15 ವರ್ಷದ ಪ್ರಣವ್ಗೆ ಗುರುವಾರ ಗ್ರ್ಯಾಂಡ್ಮಾಸ್ಟರ್ ಪಟ್ಟ ಲಭಿಸಿತ್ತು. ರೊಮೇನಿಯದಲ್ಲಿ ನಡೆಯುತ್ತಿರುವ ವಿಶ್ವ ಯೂತ್ ಚೆಸ್ ಚಾಂಪಿಯನ್ಷಿಪ್ನ 10ನೇ ಸುತ್ತಿನ ಹಣಾಹಣಿಯ ಬಳಿಕ ಅವರಿಗೆ ಈ ಗೌರವ ಒಲಿದಿತ್ತು. ಜಿಎಂ ಪಟ್ಟಕ್ಕೆ ಅಗತ್ಯವಿದ್ದ 2,500 ಎಲೊ ಪಾಯಿಂಟ್ಸ್ ಗಡಿ ತಲುಪಲು ಯಶಸ್ವಿಯಾಗಿದ್ದರು.

. ಈ ಟೂರ್ನಿ ಶುಕ್ರವಾರ ಕೊನೆಗೊಂಡಿದ್ದು, ಪ್ರಣವ್ 11 ಸುತ್ತುಗಳಲ್ಲಿ 9 ಪಾಯಿಂಟ್ಸ್ ಕಲೆಹಾಕಿ ಅಗ್ರಸ್ಥಾನ ಪಡೆದು, ಚಿನ್ನದ ಪದಕ ಗೆದ್ದುಕೊಂಡರು.

. ಚೆಸ್ನಲ್ಲಿ ಗ್ರ್ಯಾಂಡ್ಮಾಸ್ಟರ್ ಪಟ್ಟ ಲಭಿಸಬೇಕಾದರೆ, ಮೂರು ಜಿಎಂ ನಾರ್ಮ್ಗಳನ್ನು ಪಡೆಯುವ ಜತೆಯಲ್ಲೇ 2,500 ಎಲೊ ಪಾಯಿಂಟ್ಸ್ ಹೊಂದಬೇಕು. ಪ್ರಣವ್, ಸ್ವಿಟ್ಜರ್ಲೆಂಡ್ನಲ್ಲಿ ಜುಲೈನಲ್ಲಿ ನಡೆದಿದ್ದ 55ನೇ ಬಿಯೆಲ್ ಚೆಸ್ ಫೆಸ್ಟಿವಲ್ನಲ್ಲಿ ಮೂರನೇ ಹಾಗೂ ಕೊನೆಯ ಜಿಎಂ ನಾರ್ಮ್ ಗಳಿಸಿದ್ದರು.

. ‘ಸ್ಲೊವೇಕಿಯದಲ್ಲಿ ಈಚೆಗೆ ನಡೆದ ಟೂರ್ನಿಯಲ್ಲೇ ಜಿಎಂ ಪಟ್ಟ ಪಡೆಯುವ ಗುರಿ ಇಟ್ಟುಕೊಂಡಿದ್ದೆ. ಆದರೆ ಅಲ್ಲಿ 2,500 ಎಲೊ ಪಾಯಿಂಟ್ಸ್ ಗಡಿ ತಲುಪಲು ಆಗಿರಲಿಲ್ಲ. ನನ್ನ ಕನಸು ಇಲ್ಲಿ ಈಡೇರಿದೆ. ಇಲ್ಲಿ ಚಾಂಪಿಯನ್ ಆಗಿರುವುದು ಸಂತಸ ಇಮ್ಮಡಿಗೊಳಿಸಿದೆ’ ಎಂದು ಪ್ರಣವ್, ‘ಪ್ರಜಾವಾಣಿ’ ಜತೆ ಸಂತಸ ಹಂಚಿಕೊಂಡರು.

. ‘ಪ್ರದರ್ಶನದಲ್ಲಿ ಸ್ಥಿರತೆ ಕಾಪಾಡಿಕೊಂಡು 2,600 ಎಲೊ ಪಾಯಿಂಟ್ಸ್ ತಲುಪುವುದು ಮುಂದಿನ ಗುರಿ. ಆದರೆ ಅದಕ್ಕೂ ಮುನ್ನ ಕಲಿಕೆಯತ್ತ ಗಮನಹರಿಸಬೇಕಿದೆ’ ಎಂದು ಇಲ್ಲಿನ ಸರ್ಜಾಪುರ ರಸ್ತೆಯಲ್ಲಿರುವ ದೆಹಲಿ ಪಬ್ಲಿಕ್ ಸ್ಕೂಲ್ನಲ್ಲಿ 10ನೇ ತರಗತಿಯಲ್ಲಿ ರುವ ಅವರು ತಿಳಿಸಿದರು.

. ಪ್ರಣವ್ ಅವರ ತಂದೆ ಆನಂದ್ ಅನಂತ ನಾರಾಯಣನ್ ಮತ್ತು ತಾಯಿ ಅಪರ್ಣಾ ರಮೇಶ್ಕುಮಾರ್ ತಮಿಳುನಾಡು ಮೂಲದವರು. ಕಳೆದ ಕೆಲವು ವರ್ಷಗಳಿಂದ ಬೆಂಗಳೂರಿನಲ್ಲಿ ನೆಲೆಸಿದ್ದಾರೆ.

. ‘ಪ್ರಣವ್, ಏಳನೇ ವಯಸ್ಸಿನಿಂದ ಚೆಸ್ ಆಡಲು ಶುರು ಮಾಡಿದ್ದ. ಬೆಂಗಳೂರಿನ ಚೆಸ್ ಶೂಟ್ಸ್ ಅಕಾಡೆಮಿಯಲ್ಲಿ ಜಯರಾಂ ರಾಮಣ್ಣ ಅವರ ಮಾರ್ಗದರ್ಶನದಲ್ಲಿ ಚೆಸ್ನ ಕಲೆಗಳನ್ನು ಕರಗತಮಾಡಿಕೊಂಡ. ಈಗ ಚೆನ್ನೈನ ಕೋಚ್ ವಿ.ಸರವಣನ್ ಅವರಿಂದ ತರಬೇತಿ ಪಡೆಯುತ್ತಿದ್ದಾನೆ. ಮಗನ ಸಾಧನೆ ಹೆಮ್ಮೆ ತಂದಿದೆ’ ಎಂದು ಆನಂದ್ ಅನಂತ ನಾರಾಯಣನ್ ಪ್ರತಿಕ್ರಿಯಿಸಿದರು.

. ಕರ್ನಾಟಕದ ಅತ್ಯಂತ ಕಿರಿಯ ಜಿಎಂ ಎಂಬ ಗೌರವ ಪ್ರಣವ್ಗೆ (15 ವರ್ಷ, 10 ತಿಂಗಳು) ಸಂದಿದೆ. ಎಂ.ಎಸ್.ತೇಜಕುಮಾರ್, ಜಿ.ಎ.ಸ್ಟ್ಯಾನಿ ಮತ್ತು ಗಿರೀಶ್ ಕೌಶಿಕ್ ಅವರು ಜಿಎಂ ಪಟ್ಟ ಪಡೆದಿರುವ ಕರ್ನಾಟಕದ ಇತರರು.

. ಕರ್ನಾಟಕದ ಅತ್ಯಂತ ಕಿರಿಯ ಇಂಟರ್ನ್ಯಾಷನಲ್ ಮಾಸ್ಟರ್ (ಐಎಂ) ಎಂಬ ಗೌರವವೂ ಅವರಿಗೆ ಒಲಿದಿತ್ತು. 14 ವರ್ಷ 3 ತಿಂಗಳು ಆಗಿದ್ದಾಗ ಅವರಿಗೆ ಐಎಂ ಪದವಿ ದೊರೆತಿತ್ತು. 16 ವರ್ಷದೊಳಗಿನ ಏಷ್ಯನ್ ಚಾಂಪಿಯನ್ಷಿಪ್ನಲ್ಲಿ ಪ್ರಣವ್ ಚಿನ್ನ ಗೆದ್ದಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಶ್ವ ಯೂತ್‌ ಚೆಸ್‌ ಚಾಂಪಿಯನ್‌ಷಿಪ್‌: ಪ್ರಣವ್‌ ಆನಂದ್‌ಗೆ ‘ಡಬಲ್‌ ಧಮಾಕ’

ಚಿನಕುರುಳಿ Cartoon: 11 ಜುಲೈ 2025

ಚುರುಮುರಿ: ಯಾಗ-ಯೋಗ!

ದಿನ ಭವಿಷ್ಯ: ಈ ರಾಶಿಯವರಿಗೆ ಬಂಧುಗಳಿಂದ ಉಡುಗೊರೆಯ ರೂಪದಲ್ಲಿ ದ್ರವ್ಯಲಾಭ

ಡಿಕೆಶಿಗೆ ಶಾಸಕರ ಬೆಂಬಲ ಇಲ್ಲ, 2028ರ ಚುನಾವಣೆಗೂ ನನ್ನದೇ ನಾಯಕತ್ವ: ಸಿದ್ದರಾಮಯ್ಯ

ನೀರಜ್ ಚೋಪ್ರಾ, ಇತರ ಅಥ್ಲೀಟುಗಳಿಗೆ ವಿದೇಶದಲ್ಲಿ ತರಬೇತಿ

Lord's Test | ಬೂಮ್ರಾಗೆ ಐದು ವಿಕೆಟ್; 387 ರನ್‌ಗೆ ಆಲೌಟ್ ಆದ ಇಂಗ್ಲೆಂಡ್

ಟೆಸ್ಟ್‌ನಲ್ಲಿ 1,000 ರನ್: ಇಂಗ್ಲೆಂಡ್‌ಗೆ ಆಸರೆಯಾಗುತ್ತಲೇ 2 ದಾಖಲೆ ಬರೆದ ಸ್ಮಿತ್

ಭದ್ರತಾ ಪರಿಸ್ಥಿತಿ ಅವಲೋಕಿಸಿದ ಬಳಿಕ ಭಾರತಕ್ಕೆ ಹಾಕಿ ತಂಡ: ಪಾಕ್

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಚುರುಮುರಿ: ಯಾಗ-ಯೋಗ!

ದಿನ ಭವಿಷ್ಯ: ಈ ರಾಶಿಯವರಿಗೆ ಬಂಧುಗಳಿಂದ ಉಡುಗೊರೆಯ ರೂಪದಲ್ಲಿ ದ್ರವ್ಯಲಾಭ

ಡಿಕೆಶಿಗೆ ಶಾಸಕರ ಬೆಂಬಲ ಇಲ್ಲ, 2028ರ ಚುನಾವಣೆಗೂ ನನ್ನದೇ ನಾಯಕತ್ವ: ಸಿದ್ದರಾಮಯ್ಯ