ಮಂಗಳವಾರ, ಜೂನ್ 2, 2020
27 °C

ಗಾಲ್ಫ್‌: ಅದಿತಿ ನಿರಾಳ

ಪಿಟಿಐ Updated:

ಅಕ್ಷರ ಗಾತ್ರ : | |

ನವದೆಹಲಿ: ಈ ವರ್ಷ ನಡೆಯಬೇಕಿದ್ದ ಮಹಿಳಾ ಪಿಜಿಎ (ಎಲ್‌ಪಿಜಿಎ) ಗಾಲ್ಫ್‌ ಟೂರ್‌ ಅನ್ನು 2021ಕ್ಕೆ ವಿಸ್ತರಣೆ ಮಾಡಲಾಗಿದೆ. ಹೀಗಾಗಿ ಕೊರೊನಾ ಪಿಡುಗಿನ ಹಿನ್ನೆಲೆಯಲ್ಲಿ ಈ ಋತುವಿನ ಟೂರ್‌ನಿಂದ ಹೊರಗುಳಿದಿದ್ದ ಎಲ್ಲರಿಗೂ ಅವಕಾಶ ನೀಡಲಾಗಿದ್ದು, ಭಾರತದ ಅದಿತಿ ಅಶೋಕ್ ಕೂಡ‌ ಪ್ರವೇಶ ಗಿಟ್ಟಿಸುತ್ತಿದ್ದಾರೆ.

‘ಎಲ್‌ಪಿಜಿಎದಿಂದ ಇದೊಂದು ಉತ್ತಮ ನಡೆ ಮತ್ತು ಇದು ಅನಿವಾರ್ಯವೂ ಆಗಿತ್ತು’ ಎಂದು ಮೂರು ತಿಂಗಳುಗಳಿಂದ ‘ಗೃಹಬಂಧನ’ದಲ್ಲಿರುವ ಅದಿತಿ ನುಡಿದರು.

ಆಸ್ಟ್ರೇಲಿಯಾದಲ್ಲಿ ನಡೆದ ನ್ಯೂ ಸೌತ್‌ ವೇಲ್ಸ್‌ ಓಪನ್‌, ಅದಿತಿ ಅವರು ಪಾಲ್ಗೊಂಡಿದ್ದ ಕೊನೆಯ ಟೂರ್ನಿಯಾಗಿದೆ. ಇಲ್ಲಿ ಅವರು ನಾಲ್ಕನೇ ಸ್ಥಾನ ಗಳಿಸಿದ್ದರು. ಅಮೆರಿಕಾಕ್ಕೆ ತೆರಳಬೇಕು ಎನ್ನುವಷ್ಟರಲ್ಲಿ ಲಾಕ್‌ಡೌನ್‌ ಜಾರಿಗೊಂಡು ಅವರು ಭಾರತದಲ್ಲೇ ಉಳಿದುಕೊಳ್ಳುವಂತಾಯಿತು. ಆ ಬಳಿಕ ಟೂರ್ನಿ ರದ್ದಾದ ಸುದ್ದಿ ಪ್ರಕಟವಾಯಿತು. ಭಾರತ ಬಿಡುವ ಮುಂಚೆಯೇ ಈ ಸಮಾಚಾರ ತಲುಪಿದ್ದರಿಂದ ಅವರು ನಿಟ್ಟುಸಿರುಬಿಟ್ಟಿದ್ದರು.

 

 

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು