ನವದೆಹಲಿ: ಭಾರತ ತಂಡ ಡೇವಿಸ್ ಕಪ್ ಟೆನಿಸ್ ವಿಶ್ವಗುಂಪು–1 ಟೂರ್ನಿಯ ಪಂದ್ಯದಲ್ಲಿ ನಾರ್ವೆ ತಂಡವನ್ನು ಎದುರಿಸಲಿದೆ.
‘ಈ ಪಂದ್ಯಕ್ಕೆ ನಾರ್ವೆ ಆತಿಥ್ಯ ವಹಿಸಲಿದ್ದು, ಸೆ.16 ಮತ್ತು 17 ರಂದು ನಡೆಯಲಿದೆ’ ಎಂದು ಅಖಿಲ ಭಾರತ ಟೆನಿಸ್ ಸಂಸ್ಥೆ (ಎಐಟಿಎ) ತಿಳಿಸಿದೆ.
‘ಡೇವಿಡ್ ಕಪ್ ಟೂರ್ನಿಯ ಇತಿಹಾಸದಲ್ಲಿ ಭಾರತ ಮತ್ತು ನಾರ್ವೆ ಇದೇ ಮೊದಲ ಬಾರಿಗೆ ಎದುರಾಗಲಿವೆ. ಆದ್ದರಿಂದ ಎರಡೂ ದೇಶಗಳ ಟೆನಿಸ್ ಪ್ರೇಮಿಗಳು ಈ ಪಂದ್ಯವನ್ನು ಕುತೂಹಲದಿಂದ ಎದುರು ನೋಡುತ್ತಿದ್ದಾರೆ’ ಎಂದು ಪ್ರಕಟಣೆಯಲ್ಲಿ ಹೇಳಿದೆ.
