ಫೋಬ್ಸ್‌ ಪಟ್ಟಿಯಲ್ಲಿ ಸಿಂಧು, ಸೈನಾ

ಬೆಂಗಳೂರು: ಫೋಬ್ಸ್ ಇಂಡಿಯಾ ಬಿಡುಗಡೆ ಮಾಡಿರುವ, ಈ ವರ್ಷ ಹೆಚ್ಚು ಆದಾಯ ಗಳಿಸಿದ 100 ಸಿಲೆಬ್ರಿಟಿ ಮಹಿಳೆಯರ ಪಟ್ಟಿಯಲ್ಲಿ ಬ್ಯಾಡ್ಮಿಂಟನ್ ಆಟಗಾರ್ತಿಯರಾದ ಪಿ.ವಿ.ಸಿಂಧು ಮತ್ತು ಸೈನಾ ನೆಹ್ವಾಲ್ ಸ್ಥಾನ ಗಳಿಸಿದ್ದಾರೆ.

ಸಿಂಧು ಅವರು ಪಟ್ಟಿಯಲ್ಲಿ 20ನೇ ಸ್ಥಾನ ಗಳಿಸಿದ್ದು ಸೈನಾ 58ನೇ ಸ್ಥಾನದಲ್ಲಿದ್ದಾರೆ. ಸಿಂಧು ಅವರ ಈ ಬಾರಿಯ ಗಳಿಕೆ ₹ 36.50 ಕೋಟಿ. ಕಳೆದ ಬಾರಿ ಇದಕ್ಕಿಂತಲೂ ಹೆಚ್ಚು, ₹ 57.25 ಕೋಟಿ ಆದಾಯ ಗಳಿಸಿದ್ದರು.

ಸೈನಾ ಅವರ ಕಳೆದ ಬಾರಿಯ ಆದಾಯ ₹ 31 ಕೋಟಿ ಆಗಿತ್ತು. ಈ ಬಾರಿ ₹ 16.54 ಆಗಿದೆ ಎಂದು ವೆಬ್‌ಸೈಟ್‌ಗಳು ವರದಿ ಮಾಡಿವೆ.